Gn 24:49 - Chuj San Sebastian Bible

⁴⁹ A ticnec b'i'an, paxtinan̈ec, ¿tom wach' 'oj eyutc e nab'en 'a in patron̈ cha, mto ma'ay? Alc pax 'ayin, sec wach' 'oj in na tas 'oj wutoc, xchi win checb' cha.

Chuj San Mateo Bible

⁴⁹ A ticnaic jun, lolonan̈ec. ¿Vach'n̈ej am ol eyutej e pensar d'a vin̈ in patrón chi'? Tato maay jun, alecpax d'ayin, yic vach' snachajel vuuj tas tzin c'ulej, xchi vin̈ checab' chi'.

Gn 24:49 ပူးပေါင်းရင်းမြစ်များ

Gn 32:10

Caw man̈ in mojc tzac' a chamc'ojlal 'ayin, yet' a wach'c'ojlal 'aych wet'oc. 'Ix in ej 'e't 'a a Jordán yic cojn jun in c'occh wet'i, ax ticnec chab' xo camplamento tzin 'aj 'el'chi, 'ayx pax tas 'ay 'ayin.

Gn 47:29

A yic jab'xoj scham win Israel chi tzyab'i, xya'n 'awtxoc cot José, atn win yunnal, xyaln 'a 'ixtic: —Toto 'ay wal a chamc'ojlal 'ayin, tzin tew 'ayach, to tza'ch a c'ab' 'a yaln̈ in xub' tic, yic tza ta'wni a tic 'ayin, to matz in a muc 'a Egipto tic.

Pr 3:3

Man̈ actc can a b'eylb'an chamc'ojlal yet' yiclumal, molcn wal 'a a nab'en, man̈ ac' sat a c'ojl 'a 'a.

Nm 20:17

Yuj cha, tzon̈ tew wal 'ayex, comnoc tzon̈ e chaj 'ec' 'a sat lum e lum tic. Ma'oj qui cot 'a scal e munljel 'aj 'ay eyawb'ente', ma'oj cu' pax eyal tzeyuq'uej. Cojn 'a niwn b'e 'oj qui b'ey on̈, may 'aj 'oj quel 'a sti b'e, masnto tzon̈ c'axw can 'ec' 'a e mon̈jon, xe xchi 'a winac, xchi Moisés 'a eb'.

Dt 2:27

'Ix in na'a, to a 'a sat lum a lum tic tzin 'ec' yet' eb' 'anma tic, a 'a niwn b'e 'oj in b'ey yet' eb', may junc xo b'e 'aj 'oj qui comn 'ati.

Josué 2:14

'Ix ta'w ewin 'a 'ix 'ixtic: —Toto may 'aj tzal-l jun tic, tzcac' qui ti o'oj, to a yic 'oj ya'noc Jehová quico'oc jun lum tic on̈, 'oj ach qui na coti, ax ach qui coln can 'el on̈, xchi ewinac.