Gn 24:30 - Chuj San Sebastian Bible

³⁰ Yujto 'ix yil win q'uen 'icha yumchiquin, yet' q'uen brazalete 'aych 'a sc'ab' 'ix yanb' cha, 'ix yab'n pax tas xyutj 'ix yaln tas xyal win winc cha; yuj cha, x'at Labán 'a 'aj 'ayc' win schecb' Abraham 'a sti a 'uc'b'il a cha.

Chuj San Mateo Bible

³⁰ Yujto ix yiloch q'uen oro vin̈, q'uen ayoch d'a sn̈i' ix yed' q'uen brazalete ayoch d'a sc'ab' ix yanab' chi', yuj chi' ix b'at vin̈ b'aj ayec' vin̈ schecab' vin̈aj Abraham chi' yed' noc' camello.

Gn 24:30 ပူးပေါင်းရင်းမြစ်များ

Gn 24:22

Ax yic xlajw yu'n e no cameyo chi a', 'ix yi'n q'uet win jun q'uen oro, 'icha yumchiquin, 'ix ya'n 'och win q'uen 'a sn̈i 'ix, 'aym nan̈loc swacl gramos yal-l q'ue'en. 'Ix ya'n pax win chab' q'uen brazalete nab'a oro 'a 'ix, jab'xoj man̈toc chan̈e onza yal-l eb' q'ue'en.

Gn 24:29

'Ay jun win snul'j 'ix Labán sb'i, yajn̈ej 'ix 'at win 'a 'aj 'ay a 'uc'b'il a cha, yic tz'at yi'nc cot win jun winc cha.

Gn 24:31

'Ix yaln 'a 'ixtic: —Con̈ wet' 'a watut mamin 'ichm winac, wach' ec yuj Jehová. Matz tac' tzach can 'a tic. Tox 'ix in b'o 'aj 'oj a wayi, 'ay pax 'aj wach' 'oj wa e no a cameyo tic, xchi Labán cha.

Jeremías 2:32

¿Tom tzsat sc'ojl eb' 'ix cob'stac ya'n 'och ston̈, mto spichul yic tz'och eb' 'ix 'a nupnel? Ax xo wal ax in chon̈b' ex tic, pectix in 'atcn satc'ojlal eyu'uj.

Ez 23:42

'Ay pax nan̈l eb' 'anma xchan sq'uin̈l jun chi yet' eb' 'ix, til wal yel yaw eb', atn eb' comn winc 'u'm 'an̈ xlaj cot 'a lum cusltac lu'um. 'Ix ya'ch ewin jun tzo'n̈ q'uen brazalete 'a sc'ab' eb' 'ix, xya'n q'ue ewin jun tzo'n̈ corona wach' yilx 'a sjolm eb' 'ix.

Jueces 17:2

A jun cha, 'ix yal 'a snun 'ixtic: —A yic 'ix 'elc'x q'uen a tumn nunin, q'uen 1,100 tumn plata, ata 'ix al catb' paxti 'a yib'n̈ jun 'elc'm cha, palta ticni a 'ayn 'ayc' q'ue'en, an 'ix wel'j q'uen 'ayach, xchi. Yuj cha, 'ix yaln snun chi 'ixtc 'a 'a: —A cab' Jehová tzyac' yaxilal 'a eb'n̈ ach wune', xchi 'ix. A yic 'ix ya'n win meltzjoc q'uen tumn chi 'a snun cha, 'ix yaln pax snun chi 'ixtic: —Ach wune', a ticnec a jun tumn cha, tzwac' q'uen 'a Jehová yic tzb'o junc yechl to tzeyb'il, yet' junc tzb'o 'a yol molde, ax ticnec, an xo tzwac' meltzjoc q'uen 'ayach, xchi 'ix.