Gn 24:17 - Chuj San Sebastian Bible

¹⁷ Xlajw cha, carela x'at win checb' chi 'a spatc 'ix, 'ix yaln win 'a 'ix 'ixtic: —Tzin tew 'ayach, 'ac' wuc' jac a a 'ay 'a yol a ch'ub' tic, xchi winac.

Chuj San Mateo Bible

¹⁷ ix b'at lemnaj vin̈ checab' chi' stzac'vej ix, ix yalan vin̈ d'a ix icha tic: —Tzin tevi d'ayach, ac' vuc' jab'oc a'al d'a yol a ch'ub' chi', xchi vin̈ d'a ix.

Gn 24:17 ပူးပေါင်းရင်းမြစ်များ

Gn 24:45

'Ayt wal slajw waln jun tzo'n̈ tic 'a in lesl 'a in nab'en, ax xwilni xc'och 'unx Rebeca tic, 'ix c'och 'unx 'a a 'uc'b'il a cha, 'ay q'ue sch'ub' 'unx 'a squelab', 'ix waln a 'unix: Tzin tew 'ayach, 'ac' wuc' jac a a cha, xin chi 'a 'unix.

A Ch'an̈ B'ab'el Libro Yic Yab'ixal Eb' Rey 17:10

Cojn xyab'n Elías tas 'ix alx 'a 'a, 'ix 'at 'a chon̈b' Sarepta. Ax yic xc'och 'a 'aj 'ay spuertail jun chon̈b' cha, 'ix yilni to 'ay jun 'ix 'ix chamnc yichmil wan sayn sc'atztz ta'. 'Ix yawtn cot win 'ix 'a stz'ey, 'ix yaln win 'ixtc 'a 'ix: —Tzin c'an wal yuj diosal 'ayach, to tz'at 'ec' wuc' jac al 'a yol junc a vaso, xchi.

Is 21:14

'Eln̈ect e cha eb' caw 'ay stacn̈ti'al, altjec a a yuc' eb'. Ex cajn ex 'a chon̈b' Tema, 'eln̈ect 'a sat eb' tz'at 'eloc, altjec tas tzc'ux eb'.

Is 30:25

A yic 'oj c'och sc'ul yem junn̈joc storre eb' 'ajc'ojl yajch 'ayex, caw niwn chaml 'oj 'och 'a scal eb', til wal eb' a niwc a 'oj 'elt secnjoc 'a eb' lum jolmctac witz, yet' 'a eb' lum jolm tzalan.

Is 49:10

Man̈x 'oj yac' eb' wejel, mto tacn̈ti'al. Man̈x 'oj yab' eb' syal yuj sc'a'l yoc c'u, yujto 'ay in chamc'ojlal 'a eb'. 'Oj in jucb'tzoc eb', ax wi'n pax 'at eb' 'a 'aj tzpac' a a'.

Jn 4:7

Ax eb' scuywum, 'ix 'at eb' sman jac yic schimc'ul 'a jun chon̈b' 'ay 'a sla'nil jun a cha. Ax yic tox 'ix 'at eb', 'ix c'och jun 'ix 'ix 'aj Samaria 'at yic' q'uet ya'al. 'Ix yaln Jesús 'a 'ix 'ixtic: —'Ac' wal wuc' jac al tic, xchi 'a 'ix.

Jn 4:9

—Ach tic, 'in israel ach. ¿Tas yuj tza c'an a a tic 'ayin? ¿Tom man̈ ojcoc to 'aj Samaria in? xchi 'ix 'a Jesús. 'Ixta xyutj 'ix yaln 'a 'a, yujto a eb' israel, may 'ajtil tzc'umj xon sb'a eb' yet' eb' 'aj Samaria cha.