Gn 24:15 - Chuj San Sebastian Bible

¹⁵ Mantzac lajw sleslwi winac, ax xyilni xc'och jun 'ix cob'es, 'ay q'ue sch'ub' 'a squelab', atn 'ix Rebeca yisl win Betuel. A Betuel cha, atn yunnal can win Nacor yet' 'ix Milca. A Nacor cha, yu'tac sb'a yet' Abraham.

Chuj San Mateo Bible

¹⁵ Manto lajvilaj slesalvi vin̈, ix yilan vin̈ scot jun ix cob'es, ayq'ue sch'ub' ix d'a sjolom sjen̈jab', aton ix Rebeca yisil vin̈aj Betuel. A vin̈aj Betuel chi' yunecan vin̈ ix Milca yed' vin̈aj Nacor, vin̈ yuc'tac vin̈aj Abraham.

Gn 24:15 ပူးပေါင်းရင်းမြစ်များ

Gn 11:27

A jun tic, yab'xil eb' yin̈tl Taré, atn win smam Abram, Nacor, yet' Harán. A Harán cha, atn smam Lot.

Gn 11:29

'Ix yi'n sb'a Abram yet' Sarai. Ax Nacor 'ix yij sb'a yet' 'ix Milca, 'ix yisl Harán, snul'j sb'a 'ix yet' Isca.

Gn 21:14

A yic caw sq'uin̈b'il to 'a yic junx c'u, 'ix yac' win Abraham pan yet' jun tz'um b'ut'n yet' a 'a 'ix Agar. Xya'n scuch 'ix, xya'n pax 'och win 'unn chi 'a yol sc'ab' 'ix. 'Ix 'at 'ix, palta man̈ checloc 'aj tzc'ochi, a 'a cusltac lum 'a yol yic Beerseba, ata 'ix satcn 'at 'ix yet' win 'unn cha.

Gn 24:14

Comnoc tz'el 'a a c'ojol, to a 'ix cob's 'oj wul yic' q'uet ya'al, 'oj wal 'ixtc 'a 'ix: Tzin tew 'ayach, 'ac' 'ejm a ch'ub', tza'n wuc' jac a a 'ay 'a yol a ch'ub' cha, 'oj in chic 'a 'a, ax yaln 'ix: 'U'j a', tzwa'n pax yuc' e no 'a cameyo tic a', xchi cab' 'ix. A cab' 'ix chi tza si'li, yic tz'och yistzilc win a checb' Isaac. 'Ixta 'oj 'aj snachj 'el wu'uj, ax wa'n 'och yipc in c'ojol, to caw wach' a nab'en 'a yib'n̈ win in patron̈, xchi win checb' cha.

Gn 24:24

'Ix yaln 'ix 'a win 'ixtic: —Yisl in Betuel, ni yunnal can Nacor yet' 'ix Milca.

Gn 24:45

'Ayt wal slajw waln jun tzo'n̈ tic 'a in lesl 'a in nab'en, ax xwilni xc'och 'unx Rebeca tic, 'ix c'och 'unx 'a a 'uc'b'il a cha, 'ay q'ue sch'ub' 'unx 'a squelab', 'ix waln a 'unix: Tzin tew 'ayach, 'ac' wuc' jac a a cha, xin chi 'a 'unix.

Gn 25:20

A Isaac 40 ab'il sq'uinal, yic xyi'n sb'a win yet' 'ix Rebeca yisl Betuel, yanb' Labán win arameo, cajn 'a Padan-aram.

Gn 29:5

—¿Eyojc am win Labán, win yunnal can Nacor? xchi 'a ewinac. —N', cojc win on̈, xchi ewinac.

Gn 29:9

Ya' sb'a wanto spaxtin Jacob yet' ewinac, 'ix jaw 'ix Raquel yet' no scalnelu smam cha, yujto a 'ix tz'iln e no'.

Salmos 34:15

A Jehová a tztan̈wni eb' 'anma wach' sb'eyb'al, tzmaclni pax yab' tas tzyal eb', yic tzyaln sb'a eb' 'a 'a.

Salmos 65:2

Smasnil 'anma tzjaw 'ayach, yujto tzab'n̈j slesl eb'.

Ex 2:16

Ata 'ay jun winc Jetro sb'i, ya'mal 'och sti eb' 'anma yaj 'a sdiosal, cajn 'a yol yic Madián cha, 'ay ucwn̈ yisil. 'Ix c'och eb' 'ix 'a sti a 'uc'b'il a chi yac' b'ut'joc te jucub', yic tzyu'n e no scalnelu smam eb' 'ix chi a'.

Pr 31:27

'Aychn̈ej 'ix yiln tas sb'ey yol yatut, may 'ajtil ton̈j tz'ec' tiempo yuj 'ix.

Is 58:9

Yuj cha, toto 'oj eyawj 'ayin, yajn̈ej ax in ta'w 'ayex; toto 'oj 'el eyaw e c'ann in colwal, 'oj wal 'ixtc 'ayex: Waj 'a tic, 'oj in chioc. Tzeyij 'el jun tzo'n̈ maysch'olnil chi 'a e cal, man̈x comnoc tze tzuntzj junc eyit 'anma'il, man̈x comnoc tzeya'ch junc 'es paxti 'a yib'an̈.

Is 65:24

A yic mantzac in yawtj eb', toxn b'ab'l in ta'w 'a eb'; a yic mantzac lajw spaxtin eb' 'ayin, wojc xo tas chi tzyal eb'.

Rt 2:17

Ax yic wan xo yem c'u, 'ix yactn 'ix si'n 'ixm sjolm cebada 'a sat slum win Booz cha. Xlajw cha, sma'n 'el 'ix 'ixm sic' 'a jun c'u cha, jab'xoj man̈ 'ox 'almuoc 'ixm xyij 'ix.

Rt 2:2

Ax 'ix Rut cha, 'ix yal 'ix 'a 'ix Noemí 'ixtic: —Tzin tew 'ayach, to tzac' in permiso tzin 'at 'a 'aj wan yoch polj cebada, toq'ue 'ay junc polm cebada tzchaj sc'ojl in si'n chac sjolm quic 'a spatctaquil, xchi 'ix. —'Ixc 'an, xchi 'ix Noemí cha.

A Ch'an̈ B'ab'el Libro Samuel 9:11

Ax yic wan sq'ue'ch eb' 'a yaln̈ 'emt jun chon̈b' cha, 'ix schan sb'a eb' yet' jun tzo'n̈ eb' 'ix cob's 'ix tz'ec' cuchj a', sc'anb'n eb' 'ixtc 'a eb' 'ix: —¿A 'am 'a tic cajn jun win tztac' yiln junc tas? xchi eb'.