Gn 24:14 - Chuj San Sebastian Bible

¹⁴ Comnoc tz'el 'a a c'ojol, to a 'ix cob's 'oj wul yic' q'uet ya'al, 'oj wal 'ixtc 'a 'ix: Tzin tew 'ayach, 'ac' 'ejm a ch'ub', tza'n wuc' jac a a 'ay 'a yol a ch'ub' cha, 'oj in chic 'a 'a, ax yaln 'ix: 'U'j a', tzwa'n pax yuc' e no 'a cameyo tic a', xchi cab' 'ix. A cab' 'ix chi tza si'li, yic tz'och yistzilc win a checb' Isaac. 'Ixta 'oj 'aj snachj 'el wu'uj, ax wa'n 'och yipc in c'ojol, to caw wach' a nab'en 'a yib'n̈ win in patron̈, xchi win checb' cha.

Chuj San Mateo Bible

¹⁴ Elocab' d'a a c'ol to a junoc ix cob'es ol ja yic' yaal, ol val d'a ix icha tic: Tzin tevi d'ayach, iq'uemta a ch'ub' chi', tzac'an jab'oc a'al chi' vuc'u', xin cham d'a ix. Axo ol yalan ix: Uc' a', ol vac'anpax a' yuc' noc' a camello tic, xcham ix, aocab' ix chi' tza siq'ueli yic tz'och yetb'eyumoc vin̈aj Isaac a checab'. Icha chi' ol aj snachajel vuuj to ay a vach'c'olal d'a vin̈ in patrón, xchi vin̈ checab' chi' d'a slesal.

Gn 24:14 ပူးပေါင်းရင်းမြစ်များ

Gn 15:8

—'Ix yaln Abram 'ixtic: Ach Wajlil Jehová, ¿tas wal tzwutj wojcan 'eli toto yel 'oj wico'oc jun lum tic? xchi.

Gn 24:13

Tic tzin cancn 'a sti a 'uc'b'il a tic, ya' sb'a tzjaw eb' 'ix cob'stac 'ix wul yic' ya'al.

Gn 24:15

Mantzac lajw sleslwi winac, ax xyilni xc'och jun 'ix cob'es, 'ay q'ue sch'ub' 'a squelab', atn 'ix Rebeca yisl win Betuel. A Betuel cha, atn yunnal can win Nacor yet' 'ix Milca. A Nacor cha, yu'tac sb'a yet' Abraham.

Gn 24:18

—'U'j a mamin, xchi 'ix. Wal 'a yajn̈ej 'ix yac' 'ejm 'ix sch'ub' cha, 'ix ya'n 'ix yuc' win a'.

Gn 24:19

Yic xlajw yu'n win checb' chi a', 'ix yaln pax 'ix 'ixtic: —'Oj wic' q'uet pax yuc' e no a cameyo tic a', a tzyala jantc tznib'j e no yuc', xchi 'ix.

Gn 24:43

Tzin tew 'aych ticnec, ya' sb'a 'ayn 'ec' 'a sti a 'uc'b'il a tic, ax 'oj 'ajoc, to a 'ix cob's 'oj jawc wul yic' yal 'a tic, an 'oj wal 'a 'ix 'ixtic: Tzin tew 'ayach, 'ac' wuc' jac al chi 'a yol a ch'ub' cha, 'oj in chic 'a 'ix.

Gn 24:44

Ax yaln 'ix: 'U'j a', tzwi'n pax q'uet a yuc' e no a cameyo tic, toto xchi 'ix, atn cab' wal 'ix chi xa si'ch yistzilc win yunnal in patron̈, xin chi.

A Ch'an̈ Schab'l Libro Samuel 20:9

Ax Joab 'ix smasn 'ec' swach' c'ab' 'a xil sti Amasa, yic tz'ub'n 'elt sti', xyaln 'a 'ixtic: —¿Wach' am ec wu'tac? xchi.

A Ch'an̈ Schab'l Libro Samuel 5:24

A yic 'oj ab'nc sc'an̈ sb'eyc' jun 'icha 'anma 'a scal sc'ab' te bálsamo cha, 'ixta to b'i'an, tza yamn 'och ac' owl yet' eb', yujto a jun chi 'oj ch'oxnoc, chajtlto an Jehová in tic, b'ab'l inx o'oj, yic tzin miln cham eb' filisteo cha, xchi.

Pr 19:14

A win winac, tzchaj win yatut mto smacl tumn 'a smam snun; palta ax 'ix 'istzilab'il wach' snab'en, a Jehová a tz'a'n 'ix.

Is 7:11

C'an el junc senya 'a Jehová qui Diosal. Tztac' sch'oxn el junc milagro 'a xab'l yich lum lum tic, mto pax 'a snajtil yib'n̈ satcha'an̈, xchi Isaías chi 'a winac.

Ro 1:10

Wan xo in c'ann 'a Dios, toto 'oj 'el 'a sc'ojol, toq'ue 'oj stac' in 'at ex wila', yujto pectix tzin nib'j 'at in b'a ta'.

Jueces 18:5

Xlajw cha, 'ix yaln eb' 'ixtc 'a 'a: —C'anb'j 'a Dios cuj on̈ 'an, yic tzcojquej 'eli toto wach' 'oj 'aj yel'ch jun qui checnb'il tz'ec' qui b'o tic on̈, xchi eb'.

Jueces 6:17

—Toto wach'n 'a a sat, tzin tew 'ayach, ch'ox junc milagro wila', sec tznachj 'el wu'uj, chajtlto schecb' ach Dios.

Jueces 6:37

A ticnec, 'oj wa'cn 'ejm jun stz'umal calnelu caw 'e'm xil 'a jun 'amc' 'aj tzte'x 'ixm trigo. Toto ax yic 'oj q'uin̈lb'oc 'eli, caw lojn no tz'um chi yuj chicb'cha'an̈, palta ax lum lum 'a stitc no tz'um cha, tacn̈ cab' lu'um, 'ixta 'oj wutc wojcan 'eli, chajtlto an 'oj in a c'anlb'oc 'a yic 'oj a colnc 'el a chon̈ab', xchi.

A Ch'an̈ B'ab'el Libro Samuel 20:7

Toto tzyal 'ixtic: 'Ixta cab'i', toto xchi, wach' wic tzyal cha. Palta toto tzcot yowal, tzyal 'el'chi, to nab'iln̈ej yu'uj yic tzin smiln chamoc.