Gn 23:6 - Chuj San Sebastian Bible

⁶ —Mamin, 'ab' wal tas 'oj cal 'ayach, ach tic niwn 'elch 'a qui cal on̈. Yuj cha, muc 'ix estzil chi 'a junc 'aj tzmucx eb' chamnc 'anma', junc caw wach' yilx tzela. May junc on̈ matz qui chaj a muc sniwnal 'ix estzil 'a 'aj tzmucx eb' chamnac, xchi eb' 'a winac.

Chuj San Mateo Bible

⁶ —Mamin, ab' tas ol cal d'ayach, a ach tic te nivan elc'och d'a co cal tic, yuj chi' syal a mucan a chamnac chi' b'aj te vach' d'a co campusante. Malaj junoc on̈ max co cha a muc snivanil ix etb'eyum chi' d'a q'uen q'ueen joyb'ilel yool, xchi eb' d'a vin̈.

Gn 23:6 ပူးပေါင်းရင်းမြစ်များ

Gn 13:2

A Abram, caw rico, til wal oro 'a 'a, yet' plata, til wal no noc' cajb'il yu'uj.

Gn 14:14

A yic 'ix yab'n Abram to 'ix 'ijx 'at Lot 'icha presoal, yuj cha, 'ix syamb'tzan smasnil ewin schecb' to cuyb'il 'a owal, atn eb' 'aljnac 'a yatut, 'ay 3l8 eb' 'a smasnil. Xlajw cha, 'ix 'at eb' 'a spatc chan̈wn̈ eb' rey cha, atta 'ix yamchj eb' yuj eb' 'a chon̈b' Dan.

Gn 18:12

Yuj cha, ton̈j stzewj 'ix 'a yol sc'ojol, yic xyab'n 'ix yalx jun cha, 'ix snan 'ix 'ixtic: ¿Tasto wal 'oj wutc in nib'n jun tic, 'in chichm inx 'ix, yet' 'ichm winc xo win wichmil tic? xchi 'ix.

Gn 20:7

A ticnec, 'ac' meltzjoc 'ix 'a yichmil, yujto in checb' yaj winac, tztac' sleslwi win o'oj, sec matz ach chami. Palta toto ma'oj ac' meltzjoc 'ix, wal yel 'oj a chami, yet' jantcn̈ej mach 'ayc' et'oc, smasnil 'oj chamoc, xchi Dios 'a winac.

Gn 21:22

Atn 'a yic jun tiempoal cha, 'ix 'at Abimelec paxtinc yet' Abraham, ajun win Ficol yet'oc, sat yajl yaj 'a scal eb' soldado. Ax Abimelec 'ix yaln 'a Abraham 'ixtic: —Xwila to a Dios 'aych et' 'a smasnil tas tza b'o'o.

Gn 23:5

'Ix ta'w ewin hitita chi 'a win 'ixtic:

Gn 23:7

Ax win Abraham cha, 'ix q'ue lin̈njoc, x'em n̈ojn 'a yojltac eb' yic tzch'oxni to 'ay yel'ch eb' 'a 'a,

Gn 24:18

—'U'j a mamin, xchi 'ix. Wal 'a yajn̈ej 'ix yac' 'ejm 'ix sch'ub' cha, 'ix ya'n 'ix yuc' win a'.

Gn 24:35

'Ix sch'ox Jehová swach'c'ojlal 'a yib'n̈ win in patron̈ cha, caw wal rico win si'mb'il. 'Ay scalnelu, 'ay swacax, 'ay scameyo, 'ay sb'uru, caw 'ay q'uen oro yet' plata 'a 'a, 'ay pax ewin schecab', yet' eb' 'ix schecab'.

Gn 31:35

Yuj cha, xyaln Raquel 'a win 'ixtic: —Mamin, matz cot cab' owl 'ayin, yujto matz in q'ue wan 'a ojltac, yujto a ticnec, yujl yel a a 'ayin, xchi cob' 'ix. Ax Labán an̈ja yec' say jun tzo'n̈ sdiosal cha, palta matz 'ilchj yu'uj.

Gn 32:18

tzaln 'a 'ixtic: A jun tzo'n̈ tic siylab' Jacob 'ayach, tza'n sjaw 'a in patic, xa chi 'a 'a, xchi win Jacob cha.

Gn 42:10

Yuj cha, xyaln eb' 'ixtic: —May mamin, an̈ a checb' on̈ tic on̈, tzon̈ jaw manj trigo 'ayach.

Gn 44:5

jun svaso 'aj tzyu'j yal uva, tzc'anlb'an pax 'a yic tznan 'el junc paxti'? Caw wal tu tas tze b'o ax tic, xa chi 'a eb', xchi José cha.

Gn 44:8

'Ilt nab'an, at 'a Canaán cajn on̈ on̈, ax yic on̈ cotx wul qui manx 'ixm trigo tic on̈, xqui'n paxt q'uen tumn 'ay 'ejm 'a yol sti qui coxtl on̈; ¿tom at wal jun oro mto plata yic win a patron̈ chi tzquel'j cot 'a yatut?

Ex 32:22

'Ix ta'w Aarón 'ixtic: —Mamin, comnoc matz cot owl 'ayin. 'In ojc wal snab'en eb' 'anma tic, caw wal tznib'j eb' sb'o maysch'olnil.

Is 45:14

A Jehová a tzaln 'a eb' israel 'ixtic: A smasnil sricoal eb' 'aj Egipto yet' eb' 'aj Etiopía, eyic 'oj 'ajcni. A eb' 'anma 'a Sabá, caw niwc stel eb', palta 'oj ya'ch sb'a eb' 'a yol e c'ab', ax yochcn eb' e mosooc. Jalb'il eb' yet' q'uen cadena yic 'oj 'at eb' 'a e patic. 'Oj 'em cumn eb' 'a eyojltac, ax yaln eb' 'ayx 'ixtic: Wal yel 'ayc' Dios eyet' ax tic, may junc xo, cojxn jun Dios cha, 'oj xchic eb', xchi Dios.

Rt 2:13

Xlajw cha, 'ix ta'w 'ix 'a winac: —Caw wach' a nab'en 'ayin. A jun tzo'n̈ a paxti tzal 'ayn tic, caw tzjaw in tzaljc'ojlal yu'uj. Caw wach' a paxtin 'ayin, wach'xam man̈ in lajnoc yet' junc eb' 'ix a'mal servil tic, xchi 'ix Rut cha.