Gn 23:20 - Chuj San Sebastian Bible

²⁰ 'Ixta xyutj schon̈n can 'at eb' hitita lum slum yet' q'uen olb'il q'uen 'a win Abraham yic tz'ochcn scampusanoc yet' eb' yin̈til.

Chuj San Mateo Bible

²⁰ Icha chi' ix aj schon̈ancanel slum eb' vin̈ hitita yed' q'uen olan q'ueen d'a vin̈aj Abraham b'aj smuc schamnac.

Gn 23:20 ပူးပေါင်းရင်းမြစ်များ

Gn 10:15

A win sb'ab'l 'unnal Canaán, atn Sidón. An̈jtona jun tzo'n̈xo eb' tic yin̈tl win Canaán chi eb': eb' hitita, eb' jebuseo, eb' amorreo, eb' gergeseo, eb' heveo, eb' araceo, eb' sineo, eb' arvadeo, eb' zemareo, yet' eb' hamateo. Jab'jnal 'ix pucb't eb'. Xlaj smacnc 'ec' eb' yico'oc jun tzo'n̈ lum lum tic, tzcot lum 'a smon̈jon Sidón, x'emch lum 'a stojlal Gerar, masnto tzc'och 'a Gaza. Tz'atx lum ta', masnto 'a yol yic Sodoma, Gomorra, Adma, yet' Zeboim, tzmeltzj pax lum ta', masnto tzc'och lum 'a chon̈b' Lasa.

Gn 23:19

'Ixta to b'i'an, 'ix smucn Abraham sniwnal yistzil 'a q'uen olb'il q'uen 'ay 'a lum Macpela cha, 'a yojltac 'el yic win Mamre 'a stojlal 'aj tzq'uel c'u, atn pax tzcuch Hebrón, 'a yol yic Canaán.

Gn 23:4

—Toxn̈ej am chuc chon̈b'al waj 'a e cal tic, comnoc tz'el 'a e c'ojl e chon̈n wal jac e lum 'ayin, sec ata tzin muc sniwnal 'ix wistzil, xchi 'a ewinac.

Gn 25:10

Atn lum manb'il can yuj Abraham chi 'a eb' hitita. Ata junn̈j xmucx can Abraham chi yet' 'ix Sara, atn 'ix yistzil winac.

Gn 25:9

A eb' yunnal, atn Isaac yet' Ismael, 'ix 'at eb' smuc 'a yojl q'uen q'uen olb'il 'a Macpela, 'a yojltac 'at Mamre, atn 'a lum slum can win Efrón yunnal Zohar win hitita.

Gn 49:29

Xlajw cha, 'ix yaln Jacob 'a eb' yunnal 'ixtic: Jab'xoj wal tiempo ax in chami, yuj cha, ata tzin e muc yet' eb' in mam wichm 'a q'uen oln q'uen 'a slum can Efrón win hitita,

Gn 50:13

'Ix yij 'at ewin sniwnal win 'a yol yic Canaán, smucn ewin 'a yol q'uen oln q'uen 'a Macpela, atn q'uen manb'il can yuj Abraham 'a win Efrón hitita; a jun cha, x'och scampusanoc ewinac. A jun lum 'aj 'ay q'uen oln q'uen cha, ata 'ay 'a stojlal 'aj tzq'uel c'u 'a lum Mamre.

Gn 50:5

yujto a yic wan scham win in mam, 'ix yal 'ayin, to tzwac' in ti', chajtlto ata tzin muc in mam 'a jun yet'l eb' chamnc 'anma b'ob'il can yu'uj. A jun cha, ata 'ay 'a yol yic lum Canaán, yuj cha, tzin tew 'ayex, to tz'at in mucn in mam cha. Cojn tzlajw in mucn cani, tzin paxta, xchi win José.

A Ch'an̈ Schab'l Libro Samuel 24:24

'Ix yaln win rey 'a Arauna 'ixtic: —Yuj wal dios 'ayach, palta yowlal tzin man jun tzo'n̈ tic 'ayach, yujto ma'oj stac' wa'n tz'a xajmb'al 'a Jehová qui Diosalec, toto man̈ manb'ilc wu'uj, xchi David. Yuj cha, 'ix smann David jun te'lab' trigo cha, yet' no wacax, a stojol, 50 q'uen tumn plata xyac' 'a winac.

A Ch'an̈ Schab'il Libro Yic Yab'ixal Eb' Rey 21:18

A yic 'ix chami, ata 'ix mucx 'a scal jun tzo'n̈ te 'awb'ente 'a sti sdespacho, atn 'a scal 'awb'ente yic Uza. Xlajw cha, ax jun yunnal tzcuch Amón, a 'ix 'ochcn reyl sjeloc.