Gn 23:19 - Chuj San Sebastian Bible

¹⁹ 'Ixta to b'i'an, 'ix smucn Abraham sniwnal yistzil 'a q'uen olb'il q'uen 'ay 'a lum Macpela cha, 'a yojltac 'el yic win Mamre 'a stojlal 'aj tzq'uel c'u, atn pax tzcuch Hebrón, 'a yol yic Canaán.

Chuj San Mateo Bible

¹⁹ Ix lajvi chi', ix smucancan ix yetb'eyum vin̈ chi' d'a q'uen n̈aq'ueen d'a lum Macpela chi', d'a slac'anil slum vin̈aj Mamre d'a Hebrón d'a yol yic Canaán.

Gn 23:19 ပူးပေါင်းရင်းမြစ်များ

Gn 23:18

Yic xo win Abraham jun lum cha. Smasnil eb' hitita yamn yaj ta' yet' smasnil eb' x'och 'a spuertail jun chon̈b' cha, testigo eb' yic sb'on eb' jun strato cha.

Gn 23:20

'Ixta xyutj schon̈n can 'at eb' hitita lum slum yet' q'uen olb'il q'uen 'a win Abraham yic tz'ochcn scampusanoc yet' eb' yin̈til.

Gn 3:19

'Oj 'el yalil snan̈l a sat, ax yilchj tas 'oj a c'uxu', masnto 'oj a meltzj 'a lum lum tic jun 'ejm xo, yujto a 'a lum ach coti, yuj cha, 'oj a meltzj can pax 'och lumal jun 'ejm xo, xchi Dios.

Gn 37:14

—Wach' tzach 'ati, 'at 'ilto tas yaj eco, yet' e no calnelu cha, toto wach' e no', tzlajw cha, tzach meltzj muc'uc yic tzwul alnc wab'i', xchi winac. Xchecn 'at Israel win José 'a lum span̈nil Hebrón. Ax yic xc'och José 'a yol yic Siquem,

Gn 47:30

A 'a stz'ey eb' in mam wicham, ata tzej 'at in niwnal tic, tzlajw cha, tzin a mucn 'a 'aj mucn eb' cha, xchi Jacob. —'Oj in b'o 'icha tzal chi mamin, xchi José.

Gn 50:13

'Ix yij 'at ewin sniwnal win 'a yol yic Canaán, smucn ewin 'a yol q'uen oln q'uen 'a Macpela, atn q'uen manb'il can yuj Abraham 'a win Efrón hitita; a jun cha, x'och scampusanoc ewinac. A jun lum 'aj 'ay q'uen oln q'uen cha, ata 'ay 'a stojlal 'aj tzq'uel c'u 'a lum Mamre.

Gn 50:25

Xlajw cha, xyaln 'a eb' yican cha, to tzyac' eb' sti 'a 'a; xyaln 'a eb' 'ixtic: Wal yel a Dios 'oj jawc colwjoc eyet'oc. A yic 'oj ujc jun cha, yic tzex 'at cha, tzeyij 'at in niwnal tic eyet'oc, xchi José.

Job 30:23

Wojc xo to wan in e'n 'at 'a chamel, atn jun lugar 'aj 'oj c'och smasnil 'anma pitznto ticnec.

Ec 12:5

'Oj e xiw e q'ue 'a junc cha'an̈, 'ay xo smay eyec' 'a yoltc b'e. Ax syamn 'och sacb' xil e jolom, c'ojnc'ojnil xoj e yec' machljoc. Man̈x 'a pax tas 'oj e na 'a eyitb'eyum, yujto wan xo e 'at 'a jun e cajnub' 'a jun 'ejmn̈ej, ax eb' 'anma 'a yoltc caye 'oj laj 'oc' eb yuj e chamlil.

Ec 12:7

A yic 'oj lajwc c'och jab' qui q'uinlec tic, ax qui niwnalec 'oj meltzjoc can pax 'och poccal 'a sat lum tic, 'icha xon yaj 'a yic yaln̈taxi; ax qui pixnec, 'oj meltzjoc can pax 'a Dios, yujto a 'a'jnac 'ayn̈ec.

Ec 6:3

Wach'xam 'ay junc winc 'ay junc ciente yunnal, caw niwn pax yab'lil tzyil 'a yolyib'n̈q'uinl tic, palta toto matz yac' pax tzaljoc sc'ojl yet' tas wach', toxn to man̈ wach'c 'oj 'aj smucxi. A tzin na an tic, yel xo wach' yic junc 'e'lti 'unn 'a yib'n̈ jun winc cha.