Gn 23:18 - Chuj San Sebastian Bible

¹⁸ Yic xo win Abraham jun lum cha. Smasnil eb' hitita yamn yaj ta' yet' smasnil eb' x'och 'a spuertail jun chon̈b' cha, testigo eb' yic sb'on eb' jun strato cha.

Chuj San Mateo Bible

¹⁸ Ix yiquejcan lum vin̈aj Abraham chi' d'a yichan̈ masanil eb' vin̈ hitita molanec' ta'. Masanil eb' tz'och d'a spuertail chon̈ab' chi', testigo pax ix ajcan eb' d'a jun trato chi'.

Gn 23:18 ပူးပေါင်းရင်းမြစ်များ

Gn 10:15

A win sb'ab'l 'unnal Canaán, atn Sidón. An̈jtona jun tzo'n̈xo eb' tic yin̈tl win Canaán chi eb': eb' hitita, eb' jebuseo, eb' amorreo, eb' gergeseo, eb' heveo, eb' araceo, eb' sineo, eb' arvadeo, eb' zemareo, yet' eb' hamateo. Jab'jnal 'ix pucb't eb'. Xlaj smacnc 'ec' eb' yico'oc jun tzo'n̈ lum lum tic, tzcot lum 'a smon̈jon Sidón, x'emch lum 'a stojlal Gerar, masnto tzc'och 'a Gaza. Tz'atx lum ta', masnto 'a yol yic Sodoma, Gomorra, Adma, yet' Zeboim, tzmeltzj pax lum ta', masnto tzc'och lum 'a chon̈b' Lasa.

Gn 23:10

Chotn 'ec' xon pax win Efrón 'a scal eb' yit chon̈b' cha. 'Ix yaln win 'a Abraham chi 'a 'ip, sec wach' tzyab' eb' 'ayc' chi ta', yet' eb' tz'och 'a sti spuertail chon̈b' cha, 'ix yaln 'ixtic:

Gn 23:19

'Ixta to b'i'an, 'ix smucn Abraham sniwnal yistzil 'a q'uen olb'il q'uen 'ay 'a lum Macpela cha, 'a yojltac 'el yic win Mamre 'a stojlal 'aj tzq'uel c'u, atn pax tzcuch Hebrón, 'a yol yic Canaán.

Gn 25:9

A eb' yunnal, atn Isaac yet' Ismael, 'ix 'at eb' smuc 'a yojl q'uen q'uen olb'il 'a Macpela, 'a yojltac 'at Mamre, atn 'a lum slum can win Efrón yunnal Zohar win hitita.

Gn 34:20

Wal 'a yajn̈ej, x'at win yet' smam 'a spuertail jun chon̈b' cha, 'a 'aj tzyam sb'a 'anma', syamn 'och eb' yaln 'ixtc 'a eb' winc cha:

Gn 34:24

Smasnil eb' winc 'a jun chon̈b' cha, eb' smoj s'at 'a owal, xyal sc'ojl ewin 'icha xyutj Hamor yaln yet' win Siquem cha, yuj cha, xya'n 'ajxoc circuncidar sb'a Siquem yet' smasnil eb' winc cha.

Jeremías 32:12

Wal 'a sat wican Hanamel cha, yet' 'a sat eb' testigo 'ix 'a'n sfirma 'a ch'an̈ yun̈al trato cha, yet' pax 'a sat smasnil eb' wit chon̈b' wocn 'ec' wet'oc, 'ix wa'n ch'an̈ schab'l 'a Baruc, atn win yunnal Nerías yixchicn Maasías.

Rt 4:1

Ax yic 'ix sacb'i, 'ix 'at 'em chotn win Booz 'a sti spuertail chon̈b' 'aj tzyam sb'a eb' 'anma'. Jab'nant cha, 'ix jaw win 'ayt yuj sb'a yet' win Elimelec, atn jun xyal win Booz 'a 'ix Rut. 'Ix yaln win 'a win 'ixtic: —Cotn̈ 'a tic, 'emn̈ wocan, to 'oj qui paxtin jab'oc, xchi win Booz 'a winac. 'Ix syiclni win scoti, 'ix 'em wocn winac.