Gn 23:16 - Chuj San Sebastian Bible

¹⁶ 'Ix schaj sc'ojl win Abraham sjeln stojl lum lum cha, 'icha xyutj win yaln 'a sat smasnil ewin hitita cha. 'Ix yechtan Abraham chan̈e ciente q'uen tumn plata cha, lajn x'aj yal-l q'uen 'icha yic eb' chon̈wjum.

Chuj San Mateo Bible

¹⁶ Ix scha sc'ol stojol lum chi' vin̈aj Abraham icha ix yal vin̈ d'a yichan̈ masanil eb' vin̈ hitita chi'. Ix stupan lum vin̈ icha ix aj strato eb' chi'.

Gn 23:16 ပူးပေါင်းရင်းမြစ်များ

Gn 23:15

—'Ab' tas 'oj wal 'aych mamin. A jun lum cha, chan̈e wal ciente q'uen tumn plata 'aych stojloc lu'um. A jun tumn cha, toc 'ay yel'ch 'a qui cal tic on̈. A tas tzwala to tz'at a muc sniwnal 'ix estzil cha, xchi winac.

Gn 43:21

ax yic on̈ pax on̈, yic on̈ way 'a yol b'e, a yic xqui jiyn sti qui coxtal, xquiln on̈ tz'acn yaj 'ejm q'uen tumn xcac' mannc qui trigo 'a yol sti qui coxtl on̈. Yuj cha, xquij paxt q'uen tumn tic jun 'ejm xo on̈, ax ticnec tz'acn tzca'x can q'uen on̈.

Gn 49:29

Xlajw cha, 'ix yaln Jacob 'a eb' yunnal 'ixtic: Jab'xoj wal tiempo ax in chami, yuj cha, ata tzin e muc yet' eb' in mam wichm 'a q'uen oln q'uen 'a slum can Efrón win hitita,

Gn 50:13

'Ix yij 'at ewin sniwnal win 'a yol yic Canaán, smucn ewin 'a yol q'uen oln q'uen 'a Macpela, atn q'uen manb'il can yuj Abraham 'a win Efrón hitita; a jun cha, x'och scampusanoc ewinac. A jun lum 'aj 'ay q'uen oln q'uen cha, ata 'ay 'a stojlal 'aj tzq'uel c'u 'a lum Mamre.

A Ch'an̈ Schab'l Libro Samuel 14:26

At 'a yab'lil, tzjoxx 'el xil sjolm Absalón, yujto caw wal 'al tzyab'i. Yuj cha, a yic tzya'n joxxoc 'el xil sjolom, chan̈e libra yal-l xil sjolm cha. 'Ixta tz'aj yechtax 'a yechtab' eb' rey tzc'ana.

A Ch'an̈ Schab'l Libro Samuel 24:24

'Ix yaln win rey 'a Arauna 'ixtic: —Yuj wal dios 'ayach, palta yowlal tzin man jun tzo'n̈ tic 'ayach, yujto ma'oj stac' wa'n tz'a xajmb'al 'a Jehová qui Diosalec, toto man̈ manb'ilc wu'uj, xchi David. Yuj cha, 'ix smann David jun te'lab' trigo cha, yet' no wacax, a stojol, 50 q'uen tumn plata xyac' 'a winac.

Job 28:15

Matz tac' qui mannec yet' q'uen oro, mto yet' q'uen plata.

Ex 30:13

Smasnil eb' tzyac' tz'ib'xoc sb'a, yowlal tzyac' eb' o'e gramo q'uen plata 'ayn an Jehová in yuj stojnb'ilc sq'uinal, spacl 'a yal-l 'a jun 'echtab' tzc'anx 'a in cajnub'.

Jeremías 32:10

'Ix in tz'ib'n can jun trato chi 'a jun u'un̈, xya'n eb' testigo sfirma 'a 'a; xin macn cani, 'ix wa'n can 'och seyoal.

Jeremías 32:9

'Ix in mann jun lum chi 'a win wican Hanamel cha, 'ix wa'n uclajn̈e q'uen tumn plata stojloc lu'um.

Ez 45:12

'Ixta pax tz'aj yechtax yal-l jun tzo'n̈ tz'och 'a libra: A junc'l gera, lajn yal-l yet' jun siclo sb'i, ax 60 siclo, lajn pax yal-l yet' jun tzcuch mina.

Zacarías 11:12

Xwaln 'a eb' 'ixtic: Toto wach' tzeyab'i', 'a'c in tojol, toto may jun, can cab' 'ixta', xin chi 'a eb'. Yuj cha, xya'n eb' 30 q'uen tumn plata in tojloc.

Mt 7:12

Toto tze nib'j caw wach' tzyutj sb'a eb' eyit 'anmal 'ayex, wach' pax tzeyutj e b'a 'a eb'. Yujto 'ixta tzyal 'el'ch jun tzo'n̈ ley yic Moisés 'aycni, yet' jun tzo'n̈ Ch'an̈ Un̈ tzi'b'b'il can yuj eb' schecb' Dios pecti'.

A Tas Sc'ulejnac Eb' Schecab' Jesús Hechos 7:16

'Ixta to b'i'an, x'ijx pax 'at sniwnal eb' jun 'ejm xo 'a chon̈b' Siquem. Ata x'ajx can 'och sniwnal eb' 'a yol jun q'uen olb'il. A jun q'uen cha, a 'a yic yaln̈taxi manb'il can yuj Abraham 'a eb' yunnal Hamor 'a Siquem cha.

Ro 13:8

Toto 'ayn̈ec 'ay 'aj 'ay qui b'oc, yowlal caw tzlaj caq'uec. Palta 'ay junx 'icha qui b'oc 'a eb' quit 'anma'il, atn qui chamc'ojlal, yujto yowlal tzlaj qui chamc'ojloquec qui b'a. Toto 'ixta tzlaj cutquec qui b'a, tzyal 'el'chi, wan qui yiclni smasnil sley Dios.

A Scarta San Pablo D'a Eb' Aj Filipos 4:8

Ax ticnec ex wu'tac, ex wanab', caw ca'c 'och qui nab'en 'a jantcn̈ej tas yel, 'a jun tzo'n̈ smoj 'ay yel'ch 'a qui satec, 'a jantcn̈ej tas tojol, 'a jun tzo'n̈ may spaltail, 'a jantcn̈ej tas wach', 'a jun tzo'n̈ niwn yel'chi. An̈jtona', yet' 'a jantcn̈ej tas wach' 'a sat Dios, yet' 'a jun tzo'n̈ 'aj smoj yalx wach' paxti', ata tzca'c pax 'och qui nab'en.

1 Ts 4:6

Caw man̈ quixtquec junc eb' quit creyenteal yet' jun tzo'n̈ tic. Xcham wal 'ec' calnc 'ayx on̈, toto 'ay eb' tzb'on jun tzo'n̈ maysch'olnil tic, caw 'oj yac' Dios syailal eb'.