Gn 23:11 - Chuj San Sebastian Bible

¹¹ —¡May mamin! tzwal 'ayach to a jun oln q'uen cha, yet' lum lum cha, ton̈j tzin siyj lum 'ayach. A ewin wit chon̈b' tic, testigo tz'ajcn eb', to ton̈j tzin siyej, muc 'ix estzil chi ta', xchi winac.

Chuj San Mateo Bible

¹¹ —Maay mamin, sval d'ayach to a jun n̈aq'ueen yed' lum luum chi' ton̈ej tzin siej d'ayach. Testigo tz'ajcan eb' vetchon̈ab' tic to ton̈ej tzin siej jun lum chi' d'ayach. Muc ix etb'eyum chi' ta', xchi vin̈.

Gn 23:11 ပူးပေါင်းရင်းမြစ်များ

Gn 23:12

Palta ax Abraham cha, 'ix 'emx n̈ojn jun 'ejm xo 'a yojltac eb' 'anma cha.

Gn 23:18

Yic xo win Abraham jun lum cha. Smasnil eb' hitita yamn yaj ta' yet' smasnil eb' x'och 'a spuertail jun chon̈b' cha, testigo eb' yic sb'on eb' jun strato cha.

Gn 23:6

—Mamin, 'ab' wal tas 'oj cal 'ayach, ach tic niwn 'elch 'a qui cal on̈. Yuj cha, muc 'ix estzil chi 'a junc 'aj tzmucx eb' chamnc 'anma', junc caw wach' yilx tzela. May junc on̈ matz qui chaj a muc sniwnal 'ix estzil 'a 'aj tzmucx eb' chamnac, xchi eb' 'a winac.

Is 32:8

Ax pax eb' 'ela ya'n junc tas, a yela'il eb' chi nan yu'uj, yuj yela'il eb' cha, ax yi'n eb' yip.

Nm 35:30

Toto 'ay jaywn̈oc mach tzyac' testigoal sb'a yuj junc mach tzmilwji, a jun tzmilwj cha, tztac' schami, palta toto cojn junc mach tzyac' testigoal sb'a yu'uj, a jun 'anma cha, matz tac' schami.

Lc 19:24

Xlajw cha, xyaln win 'ixtc 'a eb' 'ayc' yet' cha: 'Ijec 'ec' q'uen tumn chi 'a winac, tzeya'n 'a win lajn̈e sb'isl yune yico', xchi 'a eb'.

Dt 17:6

A jun chaml cha, tz'ajx 'och 'a yib'n̈ junc mach toto 'ay chawn̈oc mto 'oxwn̈oc testigo tz'iln jun 'anma cha. Palta toto cojn junc mach tzyac' testigoal sb'a yuj junc mul cha, matz tac' yoch chaml 'a yib'n̈ jun 'anma cha.

Dt 19:15

Toto cojn junc mach tzyac' testigoal sb'a yuj junc 'anma tz'och smul, matz tac' yoch 'a yib'an̈, masnto 'ay chawn̈oc mto 'oxwn̈oc tzyac' testigoal sb'a yuj smul cha, 'ixta b'i'an tz'och 'a yib'an̈.

Rt 4:1

Ax yic 'ix sacb'i, 'ix 'at 'em chotn win Booz 'a sti spuertail chon̈b' 'aj tzyam sb'a eb' 'anma'. Jab'nant cha, 'ix jaw win 'ayt yuj sb'a yet' win Elimelec, atn jun xyal win Booz 'a 'ix Rut. 'Ix yaln win 'a win 'ixtic: —Cotn̈ 'a tic, 'emn̈ wocan, to 'oj qui paxtin jab'oc, xchi win Booz 'a winac. 'Ix syiclni win scoti, 'ix 'em wocn winac.

Rt 4:11

'Ix ta'w eb' yichm wincal chon̈b' cha, yet' smasnil eb' 'ayc' cha, 'ix yaln eb' 'ixtic: —Tic tzquila, testigo tzon̈ 'ajcni. Ya' cab' Jehová syaxilal 'a yib'n 'ix 'ix tz'ochcn 'a yol atut cha. Lajn cab' 'oj 'el'chc 'ix 'icha 'ix Raquel yet' 'ix Lea, 'a 'aj cotnn̈c quin̈tl an̈ israel on̈c tic. An̈jtona pax ach tic, niwn cab' tz'aj a b'inax 'a yol yic Efrata yet' 'a Belén.

Rt 4:4

Yuj cha, tzwaln ab'i'. Tope tza mancn lu'um. Toto tzej lu'um, 'a sat eb' testigo tic yet' 'a eb' yichm wincal chon̈b' tic, tzaln cani to tzej lu'um, yujto caw 'ayt oj a b'a yet' win Elimelec cha. 'Ay aln ec a mann can 'ec' lu'um. Palta toto matz a mancn 'ec' lum jun, tzal 'ayn ticnec, yujto an tic, schac'ajil xoj waji. Yuj cha, 'ay pax waln wic in mann 'ec' lu'um, xchi win Booz. 'Ix ta'w winac, 'ix yaln win 'ixtic: —'Oj in man lu'um, xchi winac.

Rt 4:9

Xlajw cha, 'ix yaln win Booz 'a eb' yichm wincal chon̈b' cha, yet' 'a eb' 'ayc' cha: —E masnil ax tic, testigo tzex 'ajcn ticnec, tic an 'oj in mancn lum slum 'ix Noemí, lum slum win Elimelec, win Quelión, yet' yic win Mahlón.