Gn 22:18 - Chuj San Sebastian Bible

¹⁸ Yujto 'ix a yiclj tas 'ix wala, yuj cha, smasnil chon̈b' 'a yolyib'n̈q'uinl tic, 'oj scha eb' in yaxilal o'oj, xchi Dios 'a winac.

Chuj San Mateo Bible

¹⁸ Yujto ix a c'anab'ajej tas ix vala', yuj chi' masanil nación d'a yolyib'an̈q'uinal tic ol scha in vach'c'olal yuj eb' in̈tilal, xchi d'a vin̈.

Gn 22:18 ပူးပေါင်းရင်းမြစ်များ

Gn 12:2

A en̈til, a 'oj 'och niwc chon̈b'al wu'uj. 'Oj in ch'ox in wach'c'ojlal 'ayach. Yel xo wal 'oj a b'inaxi, o'oj ax schan eb' 'anma yaxilal.

Gn 12:3

'Oj wac' in yaxilal 'a eb' wach' 'oj yutc snab'en 'ayach, ax eb' tu 'oj yutc snab'en 'ayach, 'oj in catb'oc can 'el eb'. O'oj ax wa'n yaxilal 'a yib'n̈ smasnil 'anma 'a yolyib'n̈q'uinl tic, xchi Dios.

Gn 18:18

yujto a 'oj 'och smamc jun niwquil chon̈b' to caw 'ay yip. Tox 'ix wac' in ti 'a 'a; to yu'uj ax schan smasnil chon̈b' 'a yolyib'n̈q'uinl tic in yaxilal.

Gn 18:19

An 'ix in sic' 'elta yic tzyaln smasnil in checnb'il 'a eb' yunnal yet' 'a smasnil eb' yin̈til, sec 'oj syiclc eb'. Ax sb'eylb'an eb' smasnil tas wach' yet' tas tojol, sec wach' tz'el'ch smasnil tas waljnac can yet' in ti 'a eb', xchi Dios 'a snab'en.

Gn 22:10

Ax 'a yic jun rato cha, xya'n 'at sc'ab', xyi'n cot scuchlub' yic tzmiln jun yunnal chi xajmb'al-l snani.

Gn 22:3

Yic wal caw sq'uin̈b'ilto, 'ix q'ue wan Abraham, 'ix ya'n 'och stz'um jun no sb'uru, stzu'n win sc'atzitz yic tz'a te yet' jun xajmb'al cha. 'Ix 'at 'a jun lugar 'aj 'ix yal Dios 'a 'a. Xyi'n 'at Isaac, yet' pax chawn̈ eb' schecab'.

Gn 28:14

A eb' en̈tl cha, caw niwn 'oj 'aj eb' 'icha spoccal lum lu'um, ax spuccn 'at eb' 'a stojlal norte yet' 'a stojlal sur. 'Ay pax eb' 'oj 'atcn 'a stojlal 'aj tzq'uel c'u yet' 'a stojlal 'aj tz'em c'u, ax smasnil eb' 'anma 'a yolyib'n̈q'uinl tic, 'oj scha eb' yaxilal 'a a patctacl ach tic, yet' a eb' en̈tl b'aq'uin̈.

Salmos 72:17

B'inax cab' sb'i win rey 'a smasnil tiempo, ya' sb'a 'ayt 'ec' c'u. Smasnil nacion̈ 'a yolyib'n̈q'uinl tic, scha cab' eb' yaxilal yuj winac, yal cab' eb', chajtlto wach' yic eb' yuj winac.

Ex 7:6

Syiclj Moisés yet' Aarón sb'on 'icha tas 'ix yal Jehová.

Jeremías 4:2

Toto caw yel tzin e b'inej an Jehová in tic, wal 'a stojlal yet' wal 'a swach'il. To 'ixta', 'oj scha smasnil nacion̈ in yaxilal, ax yi'n chan̈ pax eb' in b'i, xchi Dios.

Jeremías 7:23

A tas 'ix wal pax 'a eb', to yiclum cab' eb' 'ayin, to 'ixta', an ton sDiosal in eb', ax eb' tz'ochcn in chon̈b'oc. 'Ix walni to tzyiclj eb' tas 'ix wal 'a eb' sec wach' tz'aj 'el'ch eb'.

Mt 1:1

A jun libro tic tzaln cot yab'xil Jesucristo yin̈tl can David, yin̈tl pax Abraham. Atn sb'i eb' smam yichm Jesucristo tic.

A Tas Sc'ulejnac Eb' Schecab' Jesús Hechos 3:25

Ax tic, eyit chon̈b' can e b'a yet' eb' schecb' Dios quet' on̈. Yuj cha, a yic ya'n can Dios strato 'a eb' qui mam quichmec, ya'n can pax 'ayn̈ec yet' eb'. Atn jun strato tic ya'jnac 'a Abraham, 'a yic yaln can 'ixtic: Yuj en̈til, 'oj wac' in yaxilal 'a eb' 'anma 'a junjn chon̈b' 'a yolyib'n̈q'uinl tic, xchi Dios 'a Abraham.

Ro 1:3

A jun wach' 'ab'x tic, atn yab'xil Cajlil Jesucristo, Yunnal Dios. A yic yalj Jesucristo, yin̈tl win rey David x'ajcni. Yuj cha, chequel to 'ochnc 'anma'il.

Gl 3:16

Ax Dios, ya'jnac can sti 'a Abraham yet' 'a yin̈til. Ma'ix yal 'a Ch'an̈ U'un̈: A jun tzo'n̈ eb' en̈til, man̈ xchioc. Yujto man̈ niwnoc eb' yin̈tl 'aj xyala. Palta xyal 'ixtic: A en̈til, xchi. Yujto jun wal yin̈tl Abraham chi 'aj xyala, atn Cristo.

Gl 3:18

Q'uinloc yuj jun ley cha, tzyac' Dios qui colnb'ilec ticnec. Toto 'ixta', man̈ yujoc to ya'jnac can Dios sti', tzya'n qui colnb'ilec cha. Palta ya'jnac can Dios sti 'a Abraham, chajtlto 'oj yac' jun chi 'a nab'an̈ej.

Ef 1:3

Calc wach' paxti 'a qui Mam Dios, atn 'a Smam Cajlil Jesucristo. C'uxn xyac' jun tzo'n̈ wach'l yic Espíritu 'ayn̈ec, atn jun tzo'n̈ yic satcha'an̈, yujto junxn̈ej cajc yet' Cristo ticnec.

A Ch'an̈ B'ab'el Libro Samuel 2:30

Yuj cha, an Jehová e Diosal in ax israel ex tic, an waljnac 'ixtic: Ach tic yet' eb' en̈tl b'aq'uin̈, ax tzin eyac' servil, xin chi. Ax ticnec tzwaln can paxi, to man̈x 'ixta'oc 'oj 'ajoc. A eb' 'ay wel'ch 'a sat, 'ay pax yel'ch eb' 'a in sat. Ax eb' may wel'ch 'a sat, may pax yel'ch eb' 'a in sat. An Jehová in, an tzwala.