Gn 21:4 - Chuj San Sebastian Bible

⁴ Yucb'ixial yalj win 'unn cha, 'ix 'ajx 'och jun yechl strato Dios 'a sniwnal win yuj Abraham, 'icha yaj yaln can Dios.

Chuj San Mateo Bible

⁴ Yucub'ixial yalji vin̈ unin chi', ix ac'jioch yechel strato Dios d'a snivanil vin̈ yuj vin̈aj Abraham chi' icha yaj yalan Dios d'a vin̈.

Gn 21:4 ပူးပေါင်းရင်းမြစ်များ

Ex 12:48

Palta toto 'ay junc win man̈ israeloc 'ayc' 'a e cal, tznib'j tzyiclj q'uin̈, b'ab'el tz'ajx can circuncidar eb' winc 'ay 'a junjn n̈ail, 'ixta to b'i'an, tztac' snan eb' jun q'uin̈ cha, 'icha to eyit chon̈b' tz'aji. A pax junc winc man̈ 'ac'b'ilc circuncidar, matz tac' schin win no xajmb'al cha.

Lv 12:3

Ax 'a yucb'ixial yalj jun winc 'unn cha, tz'ajx circuncidar.

Lc 1:59

Yucb'ixial xo yalji, xc'och eb' 'a yatut Zacarías, yic x'ajx 'och jun senya circuncisión 'a sniwnal jun 'unn cha. 'Ix snib'j eb' xyac' sb'ic Zacarías, yic tz'och sq'uexloc smam cha.

Lc 1:6

Caw tojl snab'en eb' schawn̈il 'a sat Dios. Caw yiclum eb' 'a jun tzo'n̈ schecnb'il Cajlil, yet' 'a jun tzo'n̈ xo sley, caw may spalta'il eb' 'a 'a.

Lc 2:21

Yucb'ixial xo yalj jun 'unn cha, 'ix 'ajx 'och jun senya circuncisión 'a sniwnal. 'Ix ya'n eb' sb'ic Jesús. Atn jun sb'i tic yaljnac can jun ángel 'a María, yic mantzac pitzw 'a 'ix.

A Tas Sc'ulejnac Eb' Schecab' Jesús Hechos 7:8

An̈jtona', ya'jnac can pax Dios strato yet' Abraham cha. Yaljnac can 'a 'a, to tz'och jun senya 'a sniwnal, yet' 'a eb' yin̈til, sec chequel to 'ay strato yet' eb'. A jun senya cha, atn jun circuncisión sb'i. Yuj cha, a yic yalj jun yunnal Abraham Isaac sb'i, yucb'ixial xo yalji, yajx circuncidar yuj Abraham cha. An̈jtona', 'ix 'alj pax jun yunnal Isaac, Jacob sb'i. 'Ix 'ajx pax circuncidar yuj Isaac cha. Ax Jacob, lajchwan̈ eb' yunnal 'aljnac. C'uxn xyac' circuncidar eb' smasnil. A eb' lajchwan̈ cha, atn eb' qui mam quichmec an̈ israel on̈c tic.

Dt 12:32

A smasnil jun tzo'n̈ tzwalcn tic, yowlal tze b'eylb'ej, man̈ eya'ch stz'acub', man̈ eyi'l pax jab'oc 'a 'a, xchi Moisés.