Gn 2:7 - Chuj San Sebastian Bible

⁷ 'Ix sb'on Dios jun 'anma'. A yet' spoccal lum lum 'ix b'o'i. 'Ix yutz'n 'och Dios yic' 'a sn̈i', 'ixta wal x'aj yel yich spitzw 'el 'anma'.

Chuj San Mateo Bible

⁷ A d'a jun tiempoal chi', ix sb'o jun anima Jehová Dios. A spococal lum luum ix yac'lab'ej sb'oani. Ix lajvi chi', axo yic' ix spuoch d'a yol sn̈i'. Icha chi' ix aj spitzvi vin̈ anima chi'.

Gn 2:7 ပူးပေါင်းရင်းမြစ်များ

Gn 1:27

Xlajw cha, sb'on Dios 'anma', 'icha wal Dios cha, 'ixta xyutej, sb'o win winac, yet' 'ix 'ix.

Gn 2:6

Cojn b'i'an, to 'ay a a tzq'uel 'a yol lu'um, a a tz'a'n yaxb'oc sat lu'um.

Gn 3:19

'Oj 'el yalil snan̈l a sat, ax yilchj tas 'oj a c'uxu', masnto 'oj a meltzj 'a lum lum tic jun 'ejm xo, yujto a 'a lum ach coti, yuj cha, 'oj a meltzj can pax 'och lumal jun 'ejm xo, xchi Dios.

Gn 3:23

Yuj cha, spechn can 'elt Jehová eb' 'anma 'a Edén, 'ix 'ochcn win winc munljoc 'a sat lum lu'um, yujto a 'a lum xcot winac.

Gn 7:22

Smasnil tasto tzyij yic' cajn 'a sat lum lum tic, c'uxn 'ix chami.

Job 27:3

ya' sb'a tzat yac' Dios wip yic tzwi'n jac wic',

Job 33:4

A Dios tztac' yuj smasnil, a b'ojnac in, a 'a'jnac 'och wic', yuj cha pitzn in.

Job 33:6

Lajn on̈ qui chawn̈il 'a sat Dios, yujto a pax 'a lum lum cotn̈c in.

Job 4:19

Ocxom wal eb' 'anma', caw wal may ste'nal eb'. Lajn eb' 'icha junc xamit n̈a b'ob'il q'ue 'a yib'n̈ poc. Wach' yic tzq'uin̈lb'i, ax 'a yic yemc'ual juwnc xo paxi. Lajn pax eb' 'icha no 'ij tzte'x can 'ejm 'a sat lum, jun 'ejmn̈ej tzcham muc'uc, toc 'ay mach tzcus yu'uj.

Salmos 100:3

Tzcojcanec 'eli to a Jehová Dios toni; a b'ojnacn̈ec, yuj cha, to yic on̈ec; schon̈b' cajec, 'icha to scalnelu on̈ec, yuj cha, tan̈b'iln̈ec yu'uj.

Salmos 103:14

Yujto yojtac tas 'ajnc on̈c qui b'o'i, a yet' lum pococ b'ob'iln̈ec.

Pr 20:27

A jun espíritu 'ac'b'il 'ayn̈ec yuj Dios, lajn wal 'icha junc luz, a tzch'oxni tas wal yaj qui nab'enec.

Ec 12:7

A yic 'oj lajwc c'och jab' qui q'uinlec tic, ax qui niwnalec 'oj meltzjoc can pax 'och poccal 'a sat lum tic, 'icha xon yaj 'a yic yaln̈taxi; ax qui pixnec, 'oj meltzjoc can pax 'a Dios, yujto a 'a'jnac 'ayn̈ec.

Ec 3:7

'Ay yorail tzjat junc tas, 'ay pax yorail snipxi. 'Ay yorail sictac tzon̈ 'ajec, 'ay pax yorail tzon̈ paxtinec.

Is 2:22

Cactquec ca'n 'och eb' 'anma yipc qui c'ojol, yujto an̈ 'anman̈ec tic chamlb'a cajec. Jun wal rato tz'el jab' qui'c tic, yuj cha, man̈ ca'c 'och qui nab'en 'a eb' 'anma'.

Is 64:8

Mamin Jehová, ach tic qui Mam aj on̈; an̈ xo tic on̈, lum on̈n̈ej, ach tz'acjnacn̈ yet' lum lu'um, caw ach b'ojnacn̈ on̈.

Lm 4:20

A jun qui reyl cob' yipc'ojlal yaj cuj on̈, atn jun sic'b'il 'el yuj Jehová, tox 'ix yamchj win yuj eb' 'ajc'ojol. An̈ tic on̈, xqui na cob'i', to 'oj on̈ scol win 'a jun tzo'n̈ xo nacion̈.

Ez 37:5

Al 'a eb' to an Jehová Yajl in, an tzwal 'ixtc 'a eb': A ticnec, 'oj wa'x 'och eyic', ax e pitzw paxi.

Ez 37:6

'Oj wecx e cha e b'a, ax wa'n pitzwc 'och e chib'jal. 'Oj pitzwc pax 'och stz'umal e niwnal cha, ax wa'n pax 'och eyic' yic tzex pitzw paxi. 'Ixta to b'i'an, ax eyojcan 'eli to an Jehová in, to cojn in ton Dios in, xchi Dios, xa chi 'a eb', xchi 'ayin.

Zacarías 12:1

A Jehová a b'ojnac satcha'an̈, sb'on 'ejm yipnub'al yich lum lum tic, a tz'a'n sq'uinl eb' 'anma', a tzaln 'ixtc yuj chon̈b' Israel:

Nm 16:22

A yic xyab'n Moisés yet' Aarón jun paxti cha, 'ix 'em n̈ojn eb' 'a sat lu'um, 'ix yaln eb' 'ixtic: —Mamin, ach ton wal tzac' sq'uinl smasnil 'anma', ¿tom tztac' scot owl 'a yib'n̈ smasnil eb' a chon̈b' tic yuj smul junc win winac? xchi eb'.

Nm 27:16

Mamin Jehová, ach tzac' sq'uinl smasnil 'anma', yuj cha, a ticnec, sic' 'elt junc mach tz'och syajlilc eb' a chon̈b' tic,

Jn 20:22

Xlajw yaln jun tzo'n̈ tic, 'ix yutz'n 'at yic' 'a yib'n̈ eb'. 'Ix yaln 'ixtic: —Chajec can Yespíritu Dios.

A Tas Sc'ulejnac Eb' Schecab' Jesús Hechos 17:25

Man̈ yowlalc 'ay tas tz'ajx yuj eb' 'anma 'a 'a. Yujto atn tz'a'n qui q'uinlec qui masnil. A tz'a'n qui'c quic', tzya'n pax jantcn̈ej tas 'ay 'ayn̈ec.

Ro 9:20

Palta caw matz tac' calnec 'ixta'. May junc mach tztac' sten sb'a yet' Dios. A junc lum chen, ¿tom tztac' yaln lum 'ixtc 'a jun tz'acm cha: ¿Tas yuj 'ixtc in otej? tom 'oj schic lu'um?

1 Co 15:45

'Ixtc yaj stz'ib'x can 'a Ch'an̈ Un̈ 'ixtic: A jun b'ab'l winac, Adán sb'i, a 'ajxnac pitzwc 'anma'il, xchi. Palta 'ay junx tza'n to xjawi, 'icha Adán chi yaji. Palta a jun cha, espíritu. Atn tz'a'n qui q'uinlec 'a jun 'ejmn̈ej.

1 Co 15:47

A jun b'ab'l winac, a 'a lum lum b'onac. Yuj cha, yic yolyib'n̈q'uinl tic yaji. Ax junx schab'il atn Cajlilec, yic satchan̈ yaji.

2 Co 4:7

'Ay ton jun caw wach' tic 'ayn̈ on̈, palta an̈ tic on̈, lajn on̈ 'icha junc lum chen on̈, yujto may jac quel'ch on̈. Yuj cha, tzcheclj 'eli, to a jun niwquil poder tic, man̈ quico'oc on̈, cojn Dios 'ay yico'.

2 Co 5:1

A qui niwnalec tic, lajn 'icha junc pat yajn̈ej tzlan̈chji. Palta cojquec, a yic 'oj lajwc 'ec' jun qui niwnalec tic, 'ay junx 'oj yac' Dios 'ayn̈ec 'a satcha'an̈. A jun cha, may b'a'n̈ 'oj lajwoc. Lajn 'icha junc n̈a caw wach' tz'aj sb'o'i, yujto man̈oc junc 'anma b'ojnac.

1 Ti 2:13

Yujto a Adán, a b'ab'l b'ob'il yuj Dios. Ax Eva, tza'n to b'onac.

A Ch'an̈ Carta D'a Eb' Hebreo 12:9

A yic tzon̈ ya'n cuenta eb' qui mam 'a yolyib'n̈q'uinl tic, 'ay yel'ch eb' 'a qui satec. Yuj cha, yel xo caw yiclum tzcutjec qui b'a 'a junx qui Mamc 'a 'esal, sec 'oj qui chac qui q'uinl 'a jun 'ejmn̈ej.