Gn 2:17 - Chuj San Sebastian Bible

¹⁷ ax pax te tz'a'n nachjoc 'el tas wach' yet' tas tu', man̈ a lo sat te'. Toto 'oj a lo sat te', wal yel 'oj a chami, xchi Dios 'a winac.

Chuj San Mateo Bible

¹⁷ Axo pax te' tz'ac'an nachajel b'aj ay vach'il yed' chucal, man̈ a lo sat te'. Tato ol a lo sat te' chi', d'a val yel ol ach chamoc, xchi Dios d'a vin̈.

Gn 2:17 ပူးပေါင်းရင်းမြစ်များ

Gn 2:9

'Ix ya'n Jehová q'uib' smasnil te te caw wach' yilx tzyac' sat, te wach' slox sat. Ax 'a scal jun tzo'n̈ xo te 'awb'ente cha, ata 'ay jun te te tz'a'n q'uinal, yet' jun te tz'a'n nachjoc 'el 'aj 'ay tas wach' yet' tas tu'.

Gn 20:7

A ticnec, 'ac' meltzjoc 'ix 'a yichmil, yujto in checb' yaj winac, tztac' sleslwi win o'oj, sec matz ach chami. Palta toto ma'oj ac' meltzjoc 'ix, wal yel 'oj a chami, yet' jantcn̈ej mach 'ayc' et'oc, smasnil 'oj chamoc, xchi Dios 'a winac.

Gn 3:11

'Ix sc'anb'n Dios 'ixtc 'a winac: —¿Mach x'a'n ojcoc 'eli chajtlto jitn ach 'eli? ¿Tope wal 'ix a lo sat te te 'ix wal 'ayach to matz a lo'o? xchi.

Gn 3:17

Xyaln pax 'ixtc 'a win winc cha: —Yujto xa yiclj 'a 'ix estzil tic, xa lon sat te te xwal to matz a lo'o, a ticnec, tic wal tzin catb'ej can 'el lum lum tic a mulojoc. Ya' sb'a 'aych 'ec' 'a yolyib'n̈q'uinl tic, 'oj ab' syal a munlji, 'ixta to b'i'an ax yilchj tas tza c'uxu.

Gn 3:19

'Oj 'el yalil snan̈l a sat, ax yilchj tas 'oj a c'uxu', masnto 'oj a meltzj 'a lum lum tic jun 'ejm xo, yujto a 'a lum ach coti, yuj cha, 'oj a meltzj can pax 'och lumal jun 'ejm xo, xchi Dios.

A Ch'an̈ B'ab'el Libro Yic Yab'ixal Eb' Rey 2:37

Toto tzach 'el 'a tic, tza'n pural ec' 'a yojl a Cedrón, toto 'ixta', yowlal tzach chami, mun wal ach tzej cot chaml 'a eb'an̈, xchi Salomón 'a 'a.

A Ch'an̈ B'ab'el Libro Yic Yab'ixal Eb' Rey 2:42

Yuj cha, 'ix ya'n win rey 'awtxoc cot winac, 'ix yaln 'a 'ixtic: —¿Tom ma'ix wac' ac' a ti 'a Jehová, to matz ach 'at 'a junc xo lugar? 'Ix cham waln 'ayach, toto 'ay 'aj tzach 'at 'a junc xo lugar, yowlal tzach chami. ¿Tom ma'ix ach ta'w 'ayin, 'ix aln 'ixtic: Caw 'oj in yicl in b'on tas 'ix ala, xa chi 'ayin.?

Jeremías 26:8

A yic xlajw waln 'el smasnil tas 'ix 'ajx wal yuj Jehová, in syamn cot eb'. 'Ix yaln eb' 'ixtic: Wal a cham tic,

Ez 18:13

Tzyac' tumn majnil, tzc'ann yune q'uen tumn cha. A junc winc 'ixta sb'eyb'al cha, man̈ najtloc 'oj yila', yujto yajb'entac tas tzb'o'o, yuj cha, mun tzyij cot chaml 'a yib'an̈.

Ez 18:32

Yujto an tic, matz in nib'j to tzex comn chami. 'Actjec e b'on maysch'olnil, sec 'ay e q'uinal. An Jehová in, an tzwala, xchi Dios.

Ez 18:4

A eb' 'anma', wic eb' smasnil, wic win mamb'il yet' win 'unnab'il, a mach tz'och smul, tojln̈ej schami.

Ez 33:14

Toto tzwal 'a junc 'ay smul cha, to tzchami, palta ax tz'aji, tznan sb'a sc'ojol, ax wach' tzb'o'o:

Ez 33:8

A yic 'oj walnc 'a junc maysch'olnil snab'en 'ixtic: Wal yel 'oj a cham yuj a mul, 'oj in chic 'a 'a. Toto ach tic, ma'oj al yab'i', to tzyactj can stu b'eyb'al cha, sec tzyil jacx tiempo, a jun cha 'oj cham xon yuj smul cha, palta a schamlil cha, eb'n̈ tzcan wu'uj.

Nm 26:65

Yujto a Jehová, a 'ix alni to smasnil eb' cha, yowlal tzchamcn eb' 'a lum cusltac lu'um, man̈x 'a xon junc eb' 'ix cani, cojxn Caleb win yunnal Jefone, yet' win Josué yunnal Nun, cojn eb' xcani.

Ro 1:32

Yojc xon eb' jun sley Dios tzalni, to a eb' tzb'on jun tzo'n̈ chi 'ixta', smoj s'atcn eb' 'a chaml 'a jun 'ejmn̈ej. Palta an̈j 'ijnoc sb'on eb', tzlaj tzalj pax eb' yet' eb' yit 'anmal tzb'on jun tzo'n̈ chi yet'oc.

Ro 6:16

Cojquec, toto 'ay junc mach tzya'ch sb'a smoosoc junc winac, to man̈x yico'oc sb'a, toto 'ixta', an̈j win 'ay yic 'a jun 'ejmn̈ej. Yowlal tzyiclj tas tzyal winac. An̈jtona', 'ixta on̈c paxi. Toto tzca'c 'och qui b'a ya'malc servil maysch'olnil, tzqui yiclni tas tznib'ej, to 'ixta', an̈j 'ayn̈ec yico'. Ax qui chamc yuj 'a jun 'ejmn̈ej. Palta toto tzca'c servil Dios, tzqui yiclniec tas tznib'ej, to 'ixta', an̈j 'ayn̈ec yico'. Ax swach' tojlb'i qui nab'enec yu'uj.

Ro 6:23

Toto a maysch'olnil tzqui b'o'ec, 'oj qui chac stojol, atn chaml 'a jun 'ejmn̈ej. Palta ax jun siylab' tzyac' Dios 'ayn̈ec, atn qui q'uinlec 'a jun 'ejmn̈ej, yujto junxn̈ej cajc yet' Cristo Jesús, atn Cajlilec.

Ro 8:2

A Yespíritu Dios a tz'a'n qui q'uinlec 'a jun 'ejmn̈ej, yujto junxn̈ej cajc yet' Cristo Jesús. Yuj spoder Yespíritu, on̈ colchjec 'elt 'a yol sc'ab' maysch'olnil, yet' 'a yol sc'ab' chamel.

1 Co 15:22

Smasnil 'anma 'oj chamoc, yujto yin̈tl Adán eb'. An̈ xo qui masnil yic on̈c xo Cristo, 'oj qui pitzwec paxi.

1 Co 15:56

Yuj qui mulec, 'ay spoder chaml chi 'on̈ smilnec. Yuj sley Dios, 'ix 'ajx can spoder qui mulc chi qui cham yu'uj.

Gl 3:10

A eb' tzya'ch yipc sc'ojl syiclni ley yic Moisés, 'ay cot yowl sc'ojl Dios 'a yib'n̈ eb'. Yujto tzyal 'ixtc 'a Ch'an̈ U'un̈: Tzann̈j mach matz yiclnin̈ej smasnil tas tz'ib'b'il can 'a ley, 'ay cot yowl sc'ojl Dios 'a yib'n̈ eb', xchi.

Ef 5:14

Yuj cha, 'ay jun tzaln 'ixtic: Ach 'icha to waynac, 'ij 'el a wayan̈. Q'uen̈ wan 'a scal eb' 'icha to chamnc to. Ax Cristo 'oj 'a'nc sacq'uinl 'ayach, xchi.

Dt 27:26

Catb'tzaxc cab' eb' to matz yiclni jun tzo'n̈ checnb'il tic, yet' pax eb' matz b'eylb'ani, xchi eb' levita. 'Ixta cab' tz'aji, 'oj xchic eb' chon̈ab'.

Dt 30:15

A ticnec, tic wal tzwac' e si'loc 'aj 'ay tas tze nib'ej: ¿tom a e q'uinal yet' swach'ilal mto a maysch'olnil yet' chamel?

Dt 30:19

Wal 'a jun c'u tic, tzwa'n can 'och satcha'an̈ yet' lum lum tic testigoal to 'ix wa'cn e si'loc tas tze nib'ej, ¿am q'uinal, mto a chamel? ¿am yaxilal, mto a catab'? Palta a cab' e q'uinl tze si'cn 'eli, sec wach' 'oj eyaj e b'ey yet' eb' eyin̈tl 'a eyojltac b'aq'uin̈.

A Scarta San Pablo D'a Eb' Aj Colosas 2:13

A 'a yic yalan̈, chamnc ex 'a sat Dios yuj e mul, yuj pax to man̈ ex israeloc, may e circuncisión. Palta ax ticnec, junn̈j xyutj Dios ya'n e q'uinl yet' Cristo. 'Ix ya'n lajwc smasnil qui mulec.

1 Ti 5:6

Palta 'ay pax eb' 'ix chamnc yichmil, cojxn 'a tas tznib'ej, ata tzya'ch eb' snab'en. Yuj cha, wach'xam pitzn eb' 'a sat 'anma', palta ax 'a sat Dios, chamnc xo eb'.

Santiago 1:15

Ax 'a yic tzqui b'on jun tzo'n̈ maysch'olnil tzqui nib'j 'och cha, tzwach' 'och qui mul. Ax yic tzwach' juw 'el qui nab'en yuj qui mul cha, yujn̈ej cha, ax qui cham 'a jun 'ejmn̈ej.

1 Jn 5:16

Q'uinloc tzeyil junc quit creyenteal to wan sb'on maysch'olnil. Toto a jun tzb'o cha, matz 'ijx 'at yuj 'a chamel, tzex leslwi yu'uj, ax Dios 'oj 'a'nc sq'uinal. Palta 'ay jun tzo'n̈ maysch'olnil tzon̈ 'i'nec 'at 'a chamel. May tas tzwal 'ayex, to tzex leslwi yuj eb' tzb'on jun tzo'n̈ cha.

Apoc 2:11

Jantcn̈ej eb' tz'ab'ni, ya' cab' 'och eb' schicn 'a tas tzyal Espíritu 'a junjn iglesia. A eb' 'oj 'a'nc ganar ya'n techjoc, caw man̈x 'oj yab' eb' syal junx schab'l chamel, xchi.

Apoc 20:14

Ax jun chaml cha, yet' jun yet'l spixn eb' chamnac, 'ix julx can 'at 'a scal jun niwquil c'ac' tzn̈ilchji, jun 'icha pama'. A jun c'ac' cha, atn jun schab'l chamel.

Apoc 20:6

Caw wach' yic eb' tzb'ab'l pitzw cha. Yicn̈ej Dios yaj eb'. May spoder jun schab'l chaml 'a yib'n̈ eb'. 'Oj 'ajxc yopiso eb' ya'n 'och sti 'a Dios yet' 'a Cristo. Jun mil ab'il 'oj yac' eb' yajlil yet'oc.

Apoc 21:8

Palta 'ay eb' 'anma tzcomn xiwi, 'ay eb' matz ya'ch sc'ojl 'ayin, eb' yajb'entac, eb' milm cham 'anma', eb' tzb'on 'ajmulal, eb' 'ajchum, eb' tzyal sb'a 'a jun tzo'n̈ tzalx 'och diosal, yet' eb' 'a'm 'es. A eb' cha, 'oj scha eb' spac yico', 'oj 'atcn eb' 'a scal jun c'ac' tzn̈ilchji, caln yaj yet' azufre, atn jun 'icha pama'. A jun cha, atn schab'l chamel, xchi Dios.

Jueces 3:2

'Ix can eb', sec wach' a eb' yin̈tl Israel tzcuy sb'a eb' ya'n owal, atn eb' mant 'a xon 'aj tzyac' owal.

A Ch'an̈ B'ab'el Libro Samuel 14:39

Yujto wa'jnac in ti 'a Jehová, qui Colmal an̈ israel on̈c tic, wach'xam a win wunnal Jonatán 'ix 'och smul, cojnto tojln̈ej scham winac, xchi. Palta may junc 'a scal eb' chon̈b' chi xta'wi.

A Ch'an̈ B'ab'el Libro Samuel 14:44

—Ya'ch cab' Dios junc niwquil yailal 'a wib'an̈ toto ach tic, ma'oj a chami, xchi Saúl.

A Ch'an̈ B'ab'el Libro Samuel 20:31

Yujto ya' sb'a pitzn win yunnal Isaí cha, ma'oj och reyl ach tic. Yuj cha, a ticnec 'a't saymal, tzlajw cha, tze'n cot 'ayin, yujto smoj 'oj chamoc, xchi.

A Ch'an̈ B'ab'el Libro Samuel 22:16

Palta yelc'ojlal xyal win rey 'a win 'ixtic: —Cojn to tza'ch 'a a c'ojl ach Ahimelec, chajtlto 'oj a cham yet' eb' ecan smasnil, xchi.