Gn 19:9 - Chuj San Sebastian Bible

⁹ Palta xyaln ewin 'ixtc 'a 'a: —'Eln̈ 'a qui sat. ¿Tom ach chuc chon̈b'alch tic tza nib'j cojxn ach tzala? A ticnec, 'ec'b'al xo 'oj ach quixtc 'a yib'n̈ ewinac, xchi eb'. Xlajw cha, snib'n eb' yecl Lot cha, yic tznitzn 'ochch sb'a eb' 'a stz'ey te smac n̈a cha, yic tzma'n poj eb' te snani.

Chuj San Mateo Bible

⁹ Ix yalan eb' vin̈: —Man̈ ac'och a b'a, elan̈ d'a quichan̈. A ach tic ch'oc chon̈ab'il ach, ¿tom a ach ijan tzala'? A ticnaic ec'b'al ol ach quixtej d'a yichan̈ eb' vin̈, xchi eb' vin̈. Ix och ijan eb' vin̈ yecanel vin̈aj Lot chi' yic sc'och eb' vin̈ d'a te' puerta chi', yic smac'anpoj te' eb' snaani.

Gn 19:9 ပူးပေါင်းရင်းမြစ်များ

Gn 11:6

Yuj cha, xyaln Jehová 'ixtic: A eb' 'anma tic, junn̈j chon̈b'al yaj eb', junn̈j pax sti eb', ¿toc 'ay tas tztenn 'och wan eb' 'a jun munjel x'el yich sb'on eb' tic?

Gn 13:12

'Ix can Abram 'a yol yic Canaán, ax Lot, 'ix c'och cajn 'a scal eb' chuc chon̈b'al 'a ya'lical sti a Jordán, 'a sla'nil chon̈b' Sodoma.

Ex 2:14

'Ix ta'w win yit chon̈b' chi 'a 'a: —¿Mach ach 'a'n 'och yajlil mto juezal 'a qui cal on̈, yuj cha, tzon̈ a b'onyaj on̈? ¿mto tza nib'j tzin a mil cham 'icha otj a miln cham win 'aj Egipto 'ewi? xchi winac. —A yic 'ix yab'n Moisés tas 'ix yal win cha, caw 'ix xiw cha'an̈; 'ix snan 'eli, to 'ix 'ab'xi chajtlto a 'ix miln win 'aj Egipto cha.

Pr 14:16

Toto 'ay qui nab'enec, tzon̈ xiwc 'a tas 'ay smay, tzqui'nec 'el qui b'a 'a scal maysch'olnil, ax toto tu qui nab'enec, caw tzqui b'an̈c qui b'a, may yel'ch junc tas 'a qui satec.

Pr 17:12

Yel xom wach' tzqui chajec qui b'a yet' junc no snun oso 'ic'b'il 'el yune 'a spatic, 'a yib'n̈ to tzqui chajec qui b'a yet' junc mach wan sb'on tas tu'.

Pr 27:3

A q'uen q'ue'en yet' q'uen arena, caw 'al q'ue'en; 'ixta wal yowl sc'ojl junc tu snab'en, caw wal matz techj cu'uj.

Ec 10:13

A junc may snab'en, a yic tzchan 'el yich spaxtini, a jun tzo'n̈ comn paxti tzyal muc'uc, ax yic tzlajw spaxtin cha, man̈x 'a yel'ch tas tzyala.

Ec 9:3

'Ay jun tas tu tzb'o 'a scal smasnil tas tzuj 'a yolyib'n̈q'uinl tic: atn yujto junn̈j tas tzon̈ satnec 'eli. Ax tas 'ayc' 'a qui nab'enec qui masnil, atn maysch'olnil yet' man̈ nab'enal; ax yic tzjaw tza'n̈joc qui chamlec 'a quib'an̈, tzon̈ satc can pax 'ejmi.

Is 65:5

Tzlaj yaln eb' 'ixtic: Wach' eyaj ta', man̈ ex jawc 'a qui tz'ey tic on̈, yujto an̈ tic on̈, caw 'ay smay on̈ eyamni, xchi cob' eb'. A jun tzo'n̈ 'anma cha, lajn wal eb' 'icha te c'ac' 'aychi tz'ec' c'u; caw tu s'at stab'l 'a yol qui n̈i'.

Jeremías 3:3

Yuj wal e mul cha, x'och wan ya'n n̈ab' 'a stiempoal. Caw lajn yilx 'och e sat 'icha junc 'ix 'ajmul 'ix. ¡Caw matz eyec q'uixwc e b'a!

Jeremías 6:15

¿Tom 'ix q'uixw eb' sb'on jun tzo'n̈ maysch'olnil cha? Wal yel, caw ma'ix q'uixw xon wal eb' jab'oc, ¡toxn man̈ yojcoc eb' sq'uixwi! Yuj cha, an Jehová in, an tzwala to a wal yic 'oj wa'nc 'och yailal 'a yib'n̈ eb', 'oj satcn 'el eb', xchi Dios.

Jeremías 8:12

¿Tom tzq'uixw jac eb' yuj jun tzo'n̈ tas matz tzchaj in c'ojl tzb'o cha? Wal yel tzwala, caw matz q'uixw xon eb', caw matz chacb' 'el sat eb' sq'uixw xon jab'oc. Yuj cha, an Jehová in, an tzwala, to a yic 'oj wa'n jawc yailal 'a yib'n̈ eb', 'oj telwc 'ejm eb', 'icha jun tzo'n̈ eb' 'emnc xo, xa chi 'a eb', xchi Dios 'ayin.

Ez 16:49

Yaj jun tzo'n̈ smul chon̈b' Sodoma yet' yaldeail. Caw wal sb'an̈ sb'a yet' tas 'ay 'a 'a. Til wal tas tzc'uxu, caw wach' yaji, palta ma'ix colwj jac 'a eb' meb'a', yet' 'a eb' 'anma may tas tzc'uxu.

Mt 7:6

A spaxti Dios, yicn̈ej yaji, lajn 'icha jun tzo'n̈ q'uen ton̈ perla sb'i, caw chan̈ stojol. Yuj cha, matz tac' ca'nec 'a eb' toxn may jac yel'ch Dios 'a sat. Yujto 'a eb' cha, lajn eb' 'icha jun tzo'n̈ tz'i tzcot 'ayon̈, tzon̈ schini. 'Ay pax eb' lajn 'icha jun tzo'n̈ no chitam, ton̈j tztec' 'ejm tas tzcac' 'a 'a.

A Ch'an̈ B'ab'el Libro Samuel 17:44

Xyaln 'a David 'ixtic: —Cotn̈ 'a tic, 'oj wac' a niwnal schi no 'usej, yet' 'a jun tzo'n̈ xo no chiwjum noc', xchi.

A Ch'an̈ B'ab'el Libro Samuel 2:16

Q'uinloc tzta'w win 'ay xajmb'al cha, tzyaln 'ixtic: Tz'a cab' no xepu tic b'ab'el, tzlajw cha, ax e'n no chib'j tic 'icha tza nib'j cha, toto xchi winac. Ma'ay, yowlal 'oj 'ac' xon no 'ayn ticnec, toto ma'ay, 'oj in to'c no 'ayach, xchi win checb' cha.

A Ch'an̈ B'ab'el Libro Samuel 25:17

Palta a win echmil, caw tu snab'en winac, caw matz tac' qui paxtin yet'oc. Yuj cha, na ach tic, tzel tas tzotej, wal yel 'ay tas 'oj jawc 'a quib'n̈ eyet'oc, xchi.