Gn 19:5 - Chuj San Sebastian Bible

⁵ Syamn 'och eb' yawj 'och 'a Lot, xlaj yalnc eb' 'ixtic: —¿'Ajtil 'ay jun tzo'n̈ winc xjaw wayc 'a atut 'a jun 'ac'wl tic? 'Ij 'elt ewin 'ayn̈ on̈, yic tzquixtn eb' on̈, xchi ewinac.

Chuj San Mateo Bible

⁵ Ix och ijan eb' vin̈ yavajoch d'a vin̈aj Lot chi', ix yalan eb' vin̈ icha tic: —¿B'ajtil ayec' juntzan̈ eb' vin̈ vinac ix jacan d'a a pat tic d'a jun ac'val tic? Iq'uelta eb' vin̈ d'ayon̈ yic squixtej eb', xchi eb' vin̈.

Gn 19:5 ပူးပေါင်းရင်းမြစ်များ

Gn 19:6

Ax yic xyab'n Lot jun tzo'n̈ paxti cha, 'ix 'elt 'a eb'; caw wach' 'ix yutj smacn can 'elt spuerta 'a spatic.

A Ch'an̈ B'ab'el Libro Yic Yab'ixal Eb' Rey 14:24

'Ay pax eb' winc tzb'on 'ajmulal yet' eb' yit wincal yic tz'och eb' 'emmquilal 'a sdiosal. Tzb'on pax eb' jun tzo'n̈ 'ajmulal to caw yajb'entac, 'icha sb'ojnac jun tzo'n̈ nacion̈ yijnac 'el Jehová 'a 'aj c'ochnc eb'.

A Ch'an̈ B'ab'el Libro Yic Yab'ixal Eb' Rey 22:46

Spechl win ewin winc tzb'on 'ajmulal yet' yit wincal 'a yol smacb'en cha, atn ewin cannc to yuj win Asa smam Josafat chi 'a yic ya'n win reyal.

Is 1:9

A Jehová tztac' yuj smasnil, 'ix 'el 'a sc'ojol, on̈ yactj can jaywn̈ on̈c tic. Q'uinloc ma'ay, 'icha am 'ajnc satl Sodoma yet' Gomorra, 'ixta on̈ 'ajec.

Is 3:9

A sat eb' 'anma chi tzch'oxn 'eli to b'an̈quintac eb', tzch'oxn 'el eb' to 'ay smul eb' 'icha eb' 'aj Sodoma, toc tzq'uixw eb' sb'on 'a sat 'anma'. 'Oltac wal eb', mun wal tzyij cot eb' yailal 'a yib'an̈.

Jeremías 3:3

Yuj wal e mul cha, x'och wan ya'n n̈ab' 'a stiempoal. Caw lajn yilx 'och e sat 'icha junc 'ix 'ajmul 'ix. ¡Caw matz eyec q'uixwc e b'a!

Jeremías 6:15

¿Tom 'ix q'uixw eb' sb'on jun tzo'n̈ maysch'olnil cha? Wal yel, caw ma'ix q'uixw xon wal eb' jab'oc, ¡toxn man̈ yojcoc eb' sq'uixwi! Yuj cha, an Jehová in, an tzwala to a wal yic 'oj wa'nc 'och yailal 'a yib'n̈ eb', 'oj satcn 'el eb', xchi Dios.

Ez 16:49

Yaj jun tzo'n̈ smul chon̈b' Sodoma yet' yaldeail. Caw wal sb'an̈ sb'a yet' tas 'ay 'a 'a. Til wal tas tzc'uxu, caw wach' yaji, palta ma'ix colwj jac 'a eb' meb'a', yet' 'a eb' 'anma may tas tzc'uxu.

Ez 16:50

Caw b'an̈quintac xyutj sb'a, sb'on tas yajb'entac 'a wojltac; yuj wal jun tzo'n̈ cha, xin satn 'eli.

Ez 16:51

Ax Samaria, ma'ix q'ue'ch 'a spacl sayn smulc 'icha Jerusalén cha. Yujto yel xo wal x'ec' 'a yib'n̈ sb'on tas yajb'entac 'a yib'n̈ eb' 'ay 'a sla'nil cha; tu 'ix yal 'a eb', palta wach' to wal eb' jab'x 'a yib'an̈.

Lv 18:22

May cab' mach tzb'on 'ajmulal yet' yit wincal, 'icha tzb'o yet' 'ix 'ix. A jun cha, caw wal yajb'entac.

Lv 20:13

Toto 'ay junc winc tzb'on 'ajmulal yet' yit wincal, 'icha tzyutj sb'a yet' junc 'ix 'ix, yowlal tzcham eb' schawn̈il. Mun a eb' tzyij cot chaml 'a yib'an̈, yujto a tas tzb'o eb' cha, yel xo yajb'entac.

1 Co 6:9

¿Tom mant eyojcoc, to a eb' man̈ tojloc tzyutj sb'a, may yaln eb' yic sc'och 'a yol sc'ab' Dios? Caw man̈ e cha 'ixtxoc paxti e b'a. Yujto a eb' 'oj wal tic, may xon jac yaln eb' yic sc'och 'a yol sc'ab' Dios. A eb' mant 'a yistzil tzcomn b'on 'ajmulal, yet' eb' tzyal sb'a 'a jun tzo'n̈ tzalx 'och diosal, eb' 'ayx yistzil tzb'on 'ajmulal, eb' tzyixtj sb'a yet' eb' yit wincal.

Dt 23:17

May cab' junc winac, mto junc 'ix quit chon̈b'ec tzya'ch sb'a 'ajmulal, yuj ya'n 'och sb'a 'emmquilal 'a jun tzo'n̈ comn dios.

1 Ti 1:10

eb' tzb'on 'ajmulal, eb' winc tzyixtj sb'a yet' yit wincal, eb' 'elc'm 'anma', eb' 'a'm 'es, yet' eb' tz'a'n 'och 'es 'a yib'n̈ eb' yit 'anma'il. An̈jtona', yet' eb' tzchichn 'och 'a jun cuynb'il caw yel. Yuj eb' x'ajx can jun ley cha.

2 Ti 3:13

Palta ax eb' maysch'olnil sb'eyb'al, yet' eb' tz'ixtn paxti yit 'anma'il, 'oj wach' 'atcn eb' 'a maysch'olnil. Tzyixtn paxti eb' junc xo mach. Palta tz'ixtx paxti pax eb' jun xo.

A Schab'il Carta San Pedro 2:2

Til wal eb' 'oj b'eylb'anc jun stu b'eyb'al eb' cha. Yuj eb' cha, 'oj alxoc, to may yel'ch jun b'eyb'al yel 'aj 'ayn̈ec 'och tic.

A Schab'il Carta San Pedro 2:7

Cojxn wal win Lot colchjnac 'el 'a scal eb', yujto tojl yutjnac snab'en. Yic 'ayt 'ec' eb', caw 'ochnc pitz'n cusc'ojlal 'a spixn yuj eb'.

San Judas 1:7

An̈jtona', tze nan cot tas 'ajnc eb' 'aj Sodoma yet' eb' 'aj Gomorra, yet' eb' 'a jun tzo'n̈ xo chon̈b' 'a sla'nil. 'Icha yutjnac sb'a eb' ángel cha, 'ixta yutjnac pax sb'a eb'. Caw ya'jnac 'at sb'a eb' 'a scal 'ajmulal. An̈jtona sb'ojnac eb' jun tzo'n̈ xo 'ajmulal yet' yit wincal. A eb' cha, ch'oxnb'il yaj eb' 'a smasnil 'anma ticnec, yujto wan yab'n eb' syal 'a scal c'ac' 'a jun 'ejmn̈ej.

Jueces 19:22

Wanto wal stzalj eb' cha, 'ix jaw jun tzo'n̈ ewin 'aj chon̈b' cha, caw maysch'olnil snab'en ewinac. 'Ix 'och oyn eb' 'a spatquil te n̈a cha, syamn 'och eb' sma'n poj spuertail te'. 'Ix yaln eb' 'ixtc 'a win 'ichm winc 'ay yic te n̈a cha: —'Ac' 'elt win 'ayc' ula'il chi 'ayach. Tzqui nib'j tzquixtej, xchi ewinac.