Gn 19:34 - Chuj San Sebastian Bible

³⁴ Ax 'a yic junx c'u 'ix yaln 'ix b'ab'l 'ix chi 'a 'ix tza'n 'ix chi 'ixtic: —A 'a 'ac'wl q'uiq'ui, in way yet' qui mam tic; ax ticnec 'oj ac' 'u'wc 'an̈ paxi, sec wach' 'oj a way pax yet' ach tic, 'ixta b'i'an, ax yalj cune yet' qui chawn̈il, xchi 'ix.

Chuj San Mateo Bible

³⁴ Axo d'a junxo c'u ix yalan ix b'ab'el chi' d'a ix snulej chi': —A q'uiq'ui d'ac'val ix in vay yed' vin̈ co mam tic, axo ticnaic cac'xi an̈ yuc' vin̈ yic vach' tzach vay yed' vin̈ yic ol can yin̈tilal vin̈ qued' co chavan̈il, xchi ix.

Gn 19:34 ပူးပေါင်းရင်းမြစ်များ

Gn 19:33

A 'a yic jun 'ac'wl cha, 'ix yac' eb' 'ix 'u'wc 'an̈ smam cha. Caw 'ix q'ue te 'a sjolm winac, ax 'ix b'ab'l 'ix cha, xway 'ix yet' smam cha. Ma'ix yab' win yec' teln 'ix sway yet'oc, ma'ix yab' win sq'uex wan 'ix 'a stz'ey.

Gn 19:35

Ax 'a yic junx 'ac'wl cha, 'ix ya'n pax eb' 'ix 'u'wc 'an̈ smam jun 'ejm xo, ax 'ix tza'n 'ix chi xway yet' winac. Ax Lot cha, ma'ix yab' win sway 'ix yet'oc, ma'ix yab' pax win sq'uex wan 'ix.

Is 3:9

A sat eb' 'anma chi tzch'oxn 'eli to b'an̈quintac eb', tzch'oxn 'el eb' to 'ay smul eb' 'icha eb' 'aj Sodoma, toc tzq'uixw eb' sb'on 'a sat 'anma'. 'Oltac wal eb', mun wal tzyij cot eb' yailal 'a yib'an̈.

Jeremías 3:3

Yuj wal e mul cha, x'och wan ya'n n̈ab' 'a stiempoal. Caw lajn yilx 'och e sat 'icha junc 'ix 'ajmul 'ix. ¡Caw matz eyec q'uixwc e b'a!

Jeremías 5:3

'Ix waln 'a 'ixtic: Mamin, a wal mach tza sayq'ui, atn wal eb' 'anma caw yeln̈j tas tzyala. 'Ix a'ch wal yailal 'a yib'n̈ eb' a chon̈ab', palta may jac yel'ch 'a sat eb'. Xlaj a'ch syailal eb', palta ma'ix nachj 'el yuj eb'. Yel xo wal pit snab'en eb', 'ec'b'al stzatzl snab'en eb' 'a yib'n̈ q'uen q'ue'en. Ma'ix snib'j xon eb' xyactjcan stu b'eyb'al, xin chi.

Jeremías 6:15

¿Tom 'ix q'uixw eb' sb'on jun tzo'n̈ maysch'olnil cha? Wal yel, caw ma'ix q'uixw xon wal eb' jab'oc, ¡toxn man̈ yojcoc eb' sq'uixwi! Yuj cha, an Jehová in, an tzwala to a wal yic 'oj wa'nc 'och yailal 'a yib'n̈ eb', 'oj satcn 'el eb', xchi Dios.

Jeremías 8:12

¿Tom tzq'uixw jac eb' yuj jun tzo'n̈ tas matz tzchaj in c'ojl tzb'o cha? Wal yel tzwala, caw matz q'uixw xon eb', caw matz chacb' 'el sat eb' sq'uixw xon jab'oc. Yuj cha, an Jehová in, an tzwala, to a yic 'oj wa'n jawc yailal 'a yib'n̈ eb', 'oj telwc 'ejm eb', 'icha jun tzo'n̈ eb' 'emnc xo, xa chi 'a eb', xchi Dios 'ayin.