Gn 19:31 - Chuj San Sebastian Bible

³¹ 'Ay jun c'ual, 'ix yal 'ix b'ab'l chi 'a 'ix tza'n 'ix chi 'ixtic: —A qui mam tic, caw wal 'ichm xo, toc 'ayt pax junc winc 'a jun lugar tic 'oj stac' qui'ni, 'icha xon sb'eyb'al smasnil 'anma'.

Chuj San Mateo Bible

³¹ Ay jun c'ual ix yal ix b'ab'el ix d'a ix snulej: —A vin̈ co mam tic, te ichamxo vin̈, malaj junoc vinac d'a jun lugar tic syal quic'lan co b'a yed'oc icha sb'eyb'al eb' anima.

Gn 19:31 ပူးပေါင်းရင်းမြစ်များ

Gn 16:2

'Ix yaln 'ix Sarai chi 'a win yichmil 'ixtic: —'In may wune tzyac' Jehová tic, yuj cha, tzin tew 'ayach, to tzach way yet' 'ix wa'mal servil tic. Toq'ue tz'alj junc yune 'ix, sec a tz'och wune'oc, xchi 'ix. Xchaj sc'ojl Abram tas 'ix yal Sarai cha.

Gn 16:4

Yuj cha, xway Abram yet' 'ix Agar cha, 'ix scuchn chan̈ 'ix yune'. Palta ax xyab'n 'ix to 'ayx 'unn chi 'a 'ix, yuj cha, man̈x 'a yel'ch 'ix Sarai 'a sat 'ix.

Gn 19:28

'Ix yilni to a 'a Sodoma, 'a Gomorra yet' 'a smasnil ya'lical jun lugar cha, wacqui sq'ue wan stab'il, 'icha sq'ue wan stab'l junc niwquil jorna.

Gn 4:1

'Ix yi'n sb'a Adán yet' 'ix Eva, yuj cha, scuchn chan̈ 'ix yune'. Xlajw cha, x'alj jun yune 'ix, xya'n sb'ic Caín, xyaln 'ix 'ixtic: X'alj jun in winc 'unin. A Jehová a x'a'n 'ayin, xchi 'ix.

Gn 6:4

A 'a yic jun tiempoal cha, xyij sb'a eb' yunnal Dios yet' eb' 'ix yisl ewin 'anma cha, ax yunnal eb' x'alji, 'ix 'ajx sb'ic eb' Nefilim. Atn wal ta 'ix checlj chan̈ eb' 'anma to caw wal 'ay yip, b'inab'il eb' 'a yic pecti cha.

Is 4:1

A 'a jun tiempoal cha, jaywn̈xoj eb' winc 'oj canoc, yuj cha, 'ay ucwn̈oc eb' 'ix 'ix 'oj alnc 'ixtc 'a junc winc cha: Comnoc tzyal a c'ojl on̈ e'n on̈, mun 'oj qui say wa qui b'a 'on̈, ax qui pichn qui b'a 'on̈, cojnto tzon̈ ej on̈, sec tz'el q'uixwelal 'aych 'ayn̈ on̈, yujto may quichmil on̈, 'oj schic eb' 'ix.

Mr 9:6

Caw 'ix xiw chan̈ eb' scuywum Jesús cha, yuj cha, man̈ yojcoc Pedro chi tas wan yalni.

Dt 25:5

Toto 'ay chawn̈oc winc to yu'tac sb'a, junn̈j yatut eb' 'aj 'ay, ax tz'aji tzcham junc winac, palta mant 'a junc yunnal win tz'elcn yet' yistzil. A 'ix yistzil win cha, matz tac' yi'n 'ix junc xo win chuc wincal. Palta a win yu'tac win yichmil 'ix cha, a win tztac' yi'n can pax 'ix, sec 'ixta tzyutj win syiclni sleyal yic tzyi'n win 'ix smu cha.