Gn 19:24 - Chuj San Sebastian Bible

²⁴ Ax 'a satcha'an̈, ata 'ix ya' cot Jehová c'ac' yet' azufre 'a yib'n̈ chon̈b' Sodoma yet' Gomorra.

Chuj San Mateo Bible

²⁴ Ix lajvi chi' ix yac'ancot c'ac' Jehová yed' azufre d'a satchaan̈ d'a yib'an̈ chon̈ab' Sodoma yed' Gomorra chi'.

Gn 19:24 ပူးပေါင်းရင်းမြစ်များ

Gn 13:10

'Ix 'at q'ueln Lot 'a jun niwquil span̈nil sti a Jordán masnto tzc'och 'a jun yune chon̈b' Zoar sb'i. Caw 'ay a a 'a jun niwquil pan̈n 'a'lic cha, lajn yilx 'icha Edén 'aj 'ay te 'awb'ente yic Jehová, mto 'icha yilx lum Egipto, 'ixta yilx xyil Lot. A yic 'ix sb'on win Abram strato yet' Lot cha, mantzac satl Sodoma yet' Gomorra yuj Jehová.

Gn 13:12

'Ix can Abram 'a yol yic Canaán, ax Lot, 'ix c'och cajn 'a scal eb' chuc chon̈b'al 'a ya'lical sti a Jordán, 'a sla'nil chon̈b' Sodoma.

Gn 18:17

Yuj cha, snan Jehová 'ixtic: Smoj waln yab' Abraham tic tas jab'xoj in b'oni,

Gn 19:23

Ax yic tox sacb' 'eli, 'ix c'och Lot 'a jun chon̈b' Zoar cha.

Job 1:16

Mantzac lajw yaln win cha, 'ix jaw junx winac, xyaln 'a Job 'ixtic: —'Ix cot jun c'ac' 'a satchan̈ yuj Dios, 'ix tz'a e no calnelu yet' eb' yilmal e no'. Cojxn̈ej in 'elcni yic tzwul walnc ab' jun tic, xchi winac.

Job 18:15

A yatut cha, chucx mach 'oj cajnoc. Ax smasnil tas 'ay 'a 'a, 'oj tzicxoc can 'och azufre 'a 'a.

Salmos 11:6

'Oj ya' cot c'ac' 'a yib'n̈ eb' maysch'olnil cha. 'Oj cot azufre 'a yib'n̈ eb' 'icha wal yem yaxn̈ab', 'ixta wal 'oj 'emoc. Ax ya'n cot pax jun niwquil 'ic' yic tztacj 'el smasnil tas yu'uj. 'Ixta 'oj yutc ya'n spac tas tzb'o eb'.

Ex 9:23

Xlajw xoj cha, xyi'n chan̈ Moisés sc'ab' 'a satcha'an̈, ax Jehová 'ix 'a'n c'an̈ c'u, 'ix laj 'ec' letz'lo'om, 'ix 'em niwc sacb'at 'a sat smasnil lum lum 'a yol yic Egipto.

Is 1:9

A Jehová tztac' yuj smasnil, 'ix 'el 'a sc'ojol, on̈ yactj can jaywn̈ on̈c tic. Q'uinloc ma'ay, 'icha am 'ajnc satl Sodoma yet' Gomorra, 'ixta on̈ 'ajec.

Is 13:19

A chon̈b' Babilonia cha, cojxn yel wach' yilx 'a yib'n̈ jun tzo'n̈ xo nacion̈. A 'aych yi'nb'ilc chan̈ sb'i eb' cajn chi ta', palta lajn 'oj 'ajcn 'icha wutjnac can Sodoma yet' Gomorra yic in satn 'eli.

Is 30:33

Pectix b'ob'il jun yet'l eb' 'aj Asiria chi yet' sreyl 'aj 'oj tz'a sniwnal eb', caw lewn sat, xab' pax yich, b'ut'n yet' c'atzitz. A Jehová a 'oj 'a'nc 'och sc'a'l yet' spaxti', 'oj n̈ilchjoc 'icha wal azufre.

Jeremías 20:16

Sat cab' 'el jun winc cha, 'icha jun tzo'n̈ chon̈b' satnc 'el yuj Jehová 'a jun 'ejmn̈ej. 'Ab'x cab' yel 'aw yuj yailal 'a yic sq'uin̈b'ial, yet' 'aw yic 'a'j owl 'a yic chimc'ual.

Jeremías 23:14

'Ix wiln pax eb' tzyalch sb'a in checb'oc 'a Jerusalén, tzb'o eb' 'anma tas caw tu'. Tzb'o eb' 'ajmulal, tzyixtn eb' yit 'anma'il, tz'iptzax eb' sb'on maysch'olnilal yuj eb'. Yuj wal cha, may junc eb' tzyij 'el sb'a 'a scal maysch'olnil. A wal 'a in sat, a jun tzo'n̈ 'anma tic, yet' eb' cajn 'a Jerusalén, caw lajn eb' 'icha eb' 'aj Sodoma yet' eb' 'aj Gomorra.

Jeremías 49:18

An Jehová in, an tzwala: To caw lajn 'oj 'aj satl Edom 'icha 'ajnc satl Sodoma yet' Gomorra yet' pax jun tzo'n̈ xo eb' chon̈b' 'ay 'a stz'ey. Man̈x 'a junc mach 'oj c'ochx cajn ta', man̈x 'a pax mach 'oj b'eyc'oc 'a 'a.

Jeremías 50:40

An Jehová in, an tzwala, to lajn 'oj wutc can Babilonia 'icha Sodoma yet' Gomorra, yet' pax jun tzo'n̈ chon̈b' 'ay 'a stz'ey, c'uxn 'ix in satcn 'el 'a jun 'ejmn̈ej. Man̈x 'a mach 'oj cajnoc.

Lm 4:6

A wal yailal 'ix jaw 'a yib'n̈ eb' wit chon̈b' tic, yel xo wal niwquil 'a yib'n̈ yailal xjaw 'a yib'n̈ eb' 'aj Sodoma. A jun chon̈b' cha, yajn̈ej 'ix satli wach'xam may mach x'och oyn yac' owl 'a 'a.

Os 11:8

¿Tas wal 'oj wutc ex wactn can ex 'aj Efraín, atn ex yin̈tl can Israel? ¿Tom 'oj ex in satl 'icha wutjnac chon̈b' Admá, mto 'icha wutjnac chon̈b' Seboím? Caw ya tzwab' eyu'uj, caw tzcusch pax in c'ojl ex wiln 'ochi.

Am 4:11

An Jehová in, an tzwala, ex wac' lajwc 'el 'icha 'ajnc slajw 'el eb' 'aj Sodoma, yet' eb' 'aj Gomorra, yuj cha, ax jaywn̈ ex cannc ex tic, lajn ex xoj 'icha junc te cux tz'ijx can 'elt 'a scal te c'ac'. Palta man̈ yujoc cha, ex meltzj paxt 'ayin.

Sofonías 2:9

Yuj cha, an wal tzwal 'ixtic: A Moab, lajn 'oj 'ajcn 'icha Sodoma, ax chon̈b' Amón, lajn 'oj 'ajcn 'icha Gomorra, 'oj pac' chan̈ te q'uix 'a 'a. 'Oj 'ochcn sminasil 'atz'am. Caw cusltac 'oj 'ajcn 'a jun 'ejmn̈ej. A eb' in chon̈b' 'oj can to 'a eb' yin̈tl Judá cha, a eb' 'oj 'i'nc 'elt smasnil tas 'ay 'a eb' 'anma cha. A eb' 'oj 'ica'anc can slum eb' cha, xchi Dios.

Lc 10:12

An tzwal 'ayex, at yic 'oj jawc jun c'u yic sb'eyc'ojlal Dios, yel xo wal niwn yailal 'oj 'ajxc 'a eb' 'aj chon̈b' chi 'a yib'n̈ eb' 'aj Sodoma.

Dt 28:24

A pococ yet' arena, a chi 'oj ya' cot Jehová sjelc n̈ab' 'a eyib'an̈, masnto 'oj e lajw 'eli.

Dt 29:22

A eb' eyin̈tl b'aq'uin̈ yet' eb' chuc chon̈b'al 'oj cot 'a najat, 'oj yil eb' smasnil jun tzo'n̈ yailal cha, yet' jun tzo'n̈ yab'il 'oj ya' cot Jehová 'a yib'n̈ lum lum cha,

Dt 29:23

'oj yil eb', chajtlto a jun lum cha, c'uxn tz'anc smasnil, cojn azufre, yet' 'atz'm 'ay 'a 'a. Man̈x 'a tas tztac' yawx 'a lu'um, man̈x 'a xon tas 'oj yac'a. Man̈x 'a sc'ultcal 'oj pac'oc 'icha wal 'ajnc slajw 'el chon̈b' Sodoma, Gomorra, Adma yet' Zeboim. Atn jun tzo'n̈ chon̈b' chi 'ix yac' Jehová lajwc 'el yet' yowl sc'ojol.

A Schab'il Carta San Pedro 2:6

An̈jtona', ya'jnac Dios yailal 'a yib'n̈ eb' 'aj Sodoma yet' eb' 'aj Gomorra. C'uxn lajwnac 'el chab' chon̈b' chi yet' c'ac'. Nab'a tan̈ xoj 'ajnc can smasnil. A eb' lajwnac 'el cha, ch'oxnb'il yaj eb' 'a jantcn̈ej mach maysch'olnil sb'eyb'al.

San Judas 1:7

An̈jtona', tze nan cot tas 'ajnc eb' 'aj Sodoma yet' eb' 'aj Gomorra, yet' eb' 'a jun tzo'n̈ xo chon̈b' 'a sla'nil. 'Icha yutjnac sb'a eb' ángel cha, 'ixta yutjnac pax sb'a eb'. Caw ya'jnac 'at sb'a eb' 'a scal 'ajmulal. An̈jtona sb'ojnac eb' jun tzo'n̈ xo 'ajmulal yet' yit wincal. A eb' cha, ch'oxnb'il yaj eb' 'a smasnil 'anma ticnec, yujto wan yab'n eb' syal 'a scal c'ac' 'a jun 'ejmn̈ej.

Apoc 14:10

a eb' cha, yowlal 'oj jawc jun niwn yailal 'a yib'n̈ eb' yuj Dios. 'Icha junc yal uva tzjaw sti', caw ow, may jac a 'ay't 'a scal, 'ixta wal yowl sc'ojl Dios 'oj yac' 'a eb'. Caw wal ow si'mb'il. 'Oj yab' eb' syal 'a scal c'ac' yet' azufre 'a yojltac eb' yángel Dios, yet' 'a yojltac jun tzcuch Calnelu.