Gn 19:19 - Chuj San Sebastian Bible

¹⁹ Caw wal niwn xo e wach'c'ojlal tze ch'ox 'ayin, 'in to in e colcn 'elta, sec matz in chami. Palta matz tac' in 'at 'a jolmctac witz cha, tecn tzin yamchj yuj jun yailal chi 'a yol b'e, ax in chami.

Chuj San Mateo Bible

¹⁹ Te nivanxo e vach'c'olal ix e ch'ox d'ayin, ina ix in eyiq'uelta yic max in chami. Palta max yal-laj in b'atcan d'a jolomtac vitz chi', tecan tzin yamchajc'och yuj jun yaelal chi', tzin chami.

Gn 19:19 ပူးပေါင်းရင်းမြစ်များ

Gn 12:13

Yuj cha, 'oj ala', to wanb' 'ach, sec 'oj tzaljoc ewin wet'oc, sec ma'oj in smil cham ewin o'oj, xchi 'a Sarai.

Gn 19:18

'Ix yaln Lot 'ixtc 'a eb': —Ma'ay, tzin tew 'ayx ex wajlil, yuj wal dios 'ayex.

Gn 19:20

A 'a sla'nil tic 'ay jun yune chon̈ab', ata tztac' in 'ati. Comnoc wal tzin e chaj 'at 'a jun chon̈b' cha, sec wach' ata tz'at in col in b'a, yujto yune chon̈b'al, xchi 'a eb'.

Gn 19:30

Xlajw cha, ax Lot xiw yaj cajn 'a chon̈b' Zoar, yuj cha, 'ix 'atcn 'a lum jolmctac witz yet' eb' 'ix yisl chi schawn̈il. 'Ix 'ec' cajn eb' 'a yoltc n̈aq'ue'en.

Gn 39:4

Yuj cha, caw wach' xcan win 'a sat win capitan̈ cha, xya'n 'och win mayltomail win 'a yatut. A smasnil tas 'ay 'a winac, xcan 'a yol sc'ab' José.

Gn 6:8

Cojxn wal Noé wach' snab'en 'a sat Jehová.

A Ch'an̈ B'ab'el Libro Yic Yab'ixal Eb' Rey 9:9

Ax yaln pax eb' 'ixtic: Yujto 'ix yactj can eb' Jehová sDiosal, jun x'i'n 'elt eb' smam yichm eb' 'a lum Egipto, ax 'a jun tzo'n̈ comn dios 'ix yac' eb' 'emmquilal, 'ix ya'n servil pax eb'. Yuj wal jun tzo'n̈ cha, 'ix ya'n cot Jehová jun niwquil yailal tic 'a yib'n̈ eb', 'oj schic eb', xchi Dios.

Mr 9:19

Yuj cha, 'ix yaln Jesús 'ixtic: 'A... ax tic, caw matz eya'ch e c'ojl 'a Dios, 'in 'ayx tiempo 'ayn 'ec' eyet'oc. ¿B'a'n̈to wal 'oj nachjc 'el eyu'uj? Caw tzwab' syal eyu'uj. 'At 'ijc cot jun 'unn chi 'ayin, xchi.

Lc 1:58

Ax eb' 'ay 'a stz'ey 'ix, yet' eb' yican, 'ix laj yab'nc eb' chajtlto sch'ox Dios swach'c'ojlal 'a 'ix. Yuj cha, caw xlaj tzalj eb' yet' 'ix jun xo.

Ro 8:31

Yuj jun tzo'n̈ tzwal tic, caw man̈x 'a tas tzqui nac ticnec. Caw 'aych Dios quet'ec. Yuj cha, ¿tom 'ay junc mach tztac' ya'n ganar ya'n owl quet'ec?

Dt 31:17

Yuj wal cha, 'oj cot wowl 'a eb', ax wactn can eb' sch'ocoj. Man̈x 'oj in na cot eb', man̈x yalnb'ilc yailal yet' pax b'ilc'ojlal 'oj jawc 'a yib'n̈ eb', masnto 'oj yal eb' 'ixtic: ¿Tas wal yuj tzcab'c syail, yuj am to man̈x 'ayc 'ec' qui Diosalec quet'oc? 'oj schic eb'.

A Ch'an̈ B'ab'el Libro Samuel 27:1

Palta a David 'ix sna 'ixtic: 'Ay am wal b'a'n̈ 'oj in smil cham Saúl, yuj cha, a tas 'oj wutc ticnec, to 'oj in 'atcn 'a scal eb' filisteo, sec wach' man̈xtzac in sayx 'ec' yu'uj, 'ixta 'oj waj in colchj 'a yol sc'ab', xchi.