Gn 19:17 - Chuj San Sebastian Bible

¹⁷ Ax yic tox 'ix 'el eb' 'a sti 'el chon̈b' cha, 'ix yaln jun ángel 'a eb' 'ixtic: —¡Yelc'ojlal tzex 'ati, colc e b'a! Man̈ ex cot q'ueln 'a e patic, man̈ ex 'och wan xon jac 'a jun 'a'lic tic, 'ixquec 'a jolmctac witz, toto matz yal e c'ojl tzex satli, xchi 'a eb'.

Chuj San Mateo Bible

¹⁷ Ayic toxo ix el eb' d'a stiel chon̈ab' chi', ix yalan junoc eb' ángel chi' d'a eb': —Yelc'olal tzex b'ati, man̈ ex meltzajcot q'uelan d'a e patic. Man̈ ex och vaan e b'ey d'a jun ac'lic tic, q'uean̈ec d'a jolomtac vitz, tato max yal e c'ol tzex sateli, xchi d'a eb'.

Gn 19:17 ပူးပေါင်းရင်းမြစ်များ

Gn 13:10

'Ix 'at q'ueln Lot 'a jun niwquil span̈nil sti a Jordán masnto tzc'och 'a jun yune chon̈b' Zoar sb'i. Caw 'ay a a 'a jun niwquil pan̈n 'a'lic cha, lajn yilx 'icha Edén 'aj 'ay te 'awb'ente yic Jehová, mto 'icha yilx lum Egipto, 'ixta yilx xyil Lot. A yic 'ix sb'on win Abram strato yet' Lot cha, mantzac satl Sodoma yet' Gomorra yuj Jehová.

Gn 14:10

A 'a smasnil lum niwn pan̈n yic Sidim, til wal 'aj tzpac' q'uet jun asfalto lajn 'icha tzataj. Yuj cha, a yic x'at win sreyl Sodoma yet' win yic Gomorra 'eloc, 'ay eb' soldado eb' x'atcn 'a scal asfalto cha, ax jun tzo'n̈ xo eb', x'at eb' 'elc 'a jolmctac witz.

Gn 18:22

A chawn̈ eb' winc x'ec' paxtinc yet' Abraham cha, tojl xoj x'at eb' 'a Sodoma, ax pax Abraham, 'ix cancn paxtinc yet' Jehová.

Gn 19:18

'Ix yaln Lot 'ixtc 'a eb': —Ma'ay, tzin tew 'ayx ex wajlil, yuj wal dios 'ayex.

Gn 19:22

'Ixquec mu'c 'an, colc e b'a yic tzex 'atcn 'a cha, yujto mant 'a tas tztac' in b'oni yic mantzac ex c'och 'a jun lugar cha, xchi jun ángel cha. Yuj cha, Zoar scuchcn jun chon̈b' cha.

Gn 19:26

Ax 'ix yistzil win Lot cha, najt tza'n xoj xcot 'ix, 'ix 'atcn q'ueln 'ix 'a spatic. Yuj cha, 'ix cann̈j 'ix 'a yet'ul, 'ix 'ochcn 'ix q'uenal, 'icha junc snun 'atz'am.

Gn 19:30

Xlajw cha, ax Lot xiw yaj cajn 'a chon̈b' Zoar, yuj cha, 'ix 'atcn 'a lum jolmctac witz yet' eb' 'ix yisl chi schawn̈il. 'Ix 'ec' cajn eb' 'a yoltc n̈aq'ue'en.

A Ch'an̈ B'ab'el Libro Yic Yab'ixal Eb' Rey 1:12

A ticnec jun, chaj ab' jun nab'en 'oj wal 'ayach, sec wach' ma'oj a cham yet' win one Salomón.

A Ch'an̈ B'ab'el Libro Yic Yab'ixal Eb' Rey 19:3

Ax xyab'n Elías to 'ay smay tas xalx 'a yib'an̈, yuj cha, 'ix 'at scolnc sb'a 'a chon̈b' Beerseba, sec matz chami. A jun chon̈b' cha, ata 'ay 'a yol yic Judá, axta xyactj can jun schecb' cha.

Salmos 121:1

A yic tzin laj 'at q'ueln 'a lum jolmctac witz, tzwaln 'ixtic: ¿'Aj wal 'oj cot mach tzin colni? xin chi.

Jeremías 48:6

¡A eb' tztac' to yu'uj, 'at cab' eb' 'eloc! ¡Scol cab' sb'a eb'! Lajn xoj cab' tzyutj sb'a eb' 'icha no calte'al b'uru 'a cusltac lu'um.

Nm 16:26

'Ix yaln 'ixtc 'a smasnil eb' 'anma cha: —'Ijec 'el e b'a 'a stz'ey smantiado jun tzo'n̈ 'anma maysch'olnil snab'en tic, man̈ eyam junc tas 'ay 'a eb', ax to laj x'aji, locn ex tzex cham yuj smul eb', xchi.

Mt 3:7

Til wal eb' fariseo yet' eb' saduceo xlaj c'och 'a 'a, sec tz'ajx bautisar eb' yu'uj. Palta xyaln 'a eb' 'ixtic: —Ax tic, caw 'ixtm 'anma 'ex, lajn ex 'icha junc chan. ¿Mach 'ix aln 'ayex, to 'oj stac' e coln 'el e b'a 'a jun niwn yailal 'oj jawoc?

Lc 12:23

A Dios x'a'n qui tzatzlec, ocxo tas tzqui c'uxec, ¿tom ma'oj yac'a'? A x'a'n qui niwnalec tic, ocxo qui pichlec, ¿tom ma'oj yac'a'?

Lc 9:62

Palta xyaln pax 'a win 'ixtic: —Q'uinloc 'ay junc winc tzmunlj yet' no wacax, tzyamn st'oclab' lum no'. Tzlajw cha, tzsutmj pax 'at q'ueln win 'a spatic. Toto 'ay eb' 'ixta yaj snab'en, may jac yopiso eb' 'a yol sc'ab' Dios, xchi Jesús.

A Ch'an̈ Carta D'a Eb' Hebreo 2:3

Toto 'ixta x'aj eb' cha, ¿tast wal 'oj cutquec qui coln qui b'a an̈ec tic, toto tzquijec 'el qui nab'en 'a jun qui colnb'il caw niwn yel'ch tic? Caw a Cajlilec, a b'ab'l aljnac yab'xil qui colnb'ilec tic. Ax eb' 'ab'jnac, sch'oxjnac 'el eb' chajtlto caw niwn yel'ch jun 'ab'x tic, xyaln pax eb' 'ayn̈ec.

A Ch'an̈ B'ab'el Libro Samuel 19:11

Yajn̈j wal cha, 'ix schecn 'at Saúl chi eb' soldado 'a yatut David cha, yic tz'at stan̈wnoc eb', sec ax yic tzsacb' 'eli tzmilx chamoc. Palta ax 'ix yistzil David cha, 'ix yaln 'ix 'a win 'ixtic: —Toto ma'oj a col a b'a 'a jun 'ac'wl tic, q'uic'an chamnc ach xo, xchi 'ix 'a winac.