Gn 18:31 - Chuj San Sebastian Bible

³¹ 'Ix 'och tecn Abraham yaln 'ixtc 'a Dios: —Mamin ach Wajlil, tzin tew 'och wal 'ayach, ¿tas wal tzotej, toto cojxn junc'l 'anma may smul? xchi. 'Ix ta'w pax Dios, xyalni: —Yuj junc'l 'anma wach' sb'eyb'al cha, ma'oj in satl jun chon̈b' cha, xchi.

Chuj San Mateo Bible

³¹ Axo vin̈aj Abraham chi' ix ochn̈ej ijan vin̈ yalani: —Mamin Vajalil, tzin tevi val d'ayach, ¿tas tzutej ta axon̈ej 20-oc eb' vach'? xchi vin̈. Ix tac'vixi Jehová chi' icha tic: —A yuj eb' 20 chi', man̈ ol in satel-laj jun chon̈ab' chi', xchi.

Gn 18:31 ပူးပေါင်းရင်းမြစ်များ

Gn 18:27

'Ix yaln pax Abraham 'ixtic: —'Ac' niwnc'ojlal 'ayin, to tzin paxtin to jacx et'oc, ach tic Yajl ach, an tic 'anmann̈ej, may jac wel'chi.

Gn 18:30

'Ix yaln pax Abraham: —Ach Wajlil, tzin tew 'ayach, comnoc matz cot owl 'ayin, yujto tzin tew 'och 'ayach, q'uinloc cojxn 30 eb' 'anma wach' sb'eyb'al tz'ilchj o'oj, xchi 'a Dios. 'Ix ta'w pax Dios, xyaln 'ixtic: —Yuj 30 'anma may smul cha, 'oj wac' niwnc'ojlal 'a yib'n̈ jun chon̈b' cha, xchi.

Gn 18:32

'Ix yaln Abraham jun 'ejm xo: —'Ac' wal niwnc'ojlal 'ayn Mamin, ach Wajlil matz cot cab' owl 'ayin, cojxn jun 'ejm tic tzin tew 'ayach. ¿Tas tzotej toto cojxn lajn̈wan̈ 'anma wach' sb'eyb'al tz'ilchj o'oj? xchi. 'Ix yaln pax Dios 'a 'a: —Toto 'ay lajn̈wan̈ 'anma wach' sb'eyb'al, matz in satl jun chon̈b' cha, xchi Dios.

Mt 7:11

Ax tic, wach'xam may e ch'olnil, palta eyojc tas tzeyutj eya'n jun tzo'n̈ tas wach' 'a eb' eyunnal. Ax qui Mamc 'ayc' 'a satcha'an̈, yel xo wal niwn tas wach' tzyac' 'a eb' tzc'ann 'a 'a.

Mt 7:7

C'anec, 'oj yac' Dios 'ayex; sayec, ax schax eyu'uj. 'Awjan̈c 'och 'a te puerta, 'oj jacxoc te 'ayex.

Lc 11:8

An tzwal 'ayex, wach'xam e wach'c'ojol, tecn matz ex q'ue wan eyac' mu'c 'a 'a. Palta toto an̈ja yawj 'och sc'ann 'ayex, tecn tzeyac' 'a 'a, sec wach' tzyactj yawj 'och 'ayex. Jantcn̈ej tas 'ay tz'och yu'uj, tzeyac' 'a 'a.

Lc 18:1

'Ix yal Jesús junx 'ab'x 'a eb' scuywum, yic tzyaln yab' eb', to wach' tzleslwi eb' 'a smasnil tiempo, man̈ comnoc tzactzj eb'.

Ef 6:18

An̈jtona', smasnil tiempo caw tzex leslwi 'a Dios yet' spoder Yespíritu, tze c'ann tas 'a 'a. Caw tzeya'ch e nab'en e leslwi. Man̈ ex tzactzjoc. Leslwan̈c yuj jantcn̈ej eb' yic xo Dios quet'ec.

A Ch'an̈ Carta D'a Eb' Hebreo 4:16

Yuj cha, caw man̈ on̈ xiwc qui c'ochc 'a sdespacho Dios, 'a 'aj tzcheclj 'el swach'c'ojlal. Ata tz'o'ch sc'ojl 'ayn̈ec, tzch'oxn swach'c'ojlal, 'a yic 'ay tas 'ay tz'och cujec.