Gn 18:22 - Chuj San Sebastian Bible

²² A chawn̈ eb' winc x'ec' paxtinc yet' Abraham cha, tojl xoj x'at eb' 'a Sodoma, ax pax Abraham, 'ix cancn paxtinc yet' Jehová.

Chuj San Mateo Bible

²² Ay chavan̈ eb' b'en̈ej ix b'atcan d'a Sodoma, axo vin̈aj Abraham chi' ix loloncan vin̈ yed' Jehová.

Gn 18:22 ပူးပေါင်းရင်းမြစ်များ

Gn 18:16

Xlajw cha, 'ix 'atx eb' winc cha, a 'a sb'el Sodoma 'aj 'ix 'at eb'. 'Ix 'at Abraham yet' eb' jab'xo, yic tzyaln can sb'a 'a eb'.

Gn 18:17

Yuj cha, snan Jehová 'ixtic: Smoj waln yab' Abraham tic tas jab'xoj in b'oni,

Gn 19:1

Ax yic wan sq'uic'b'i, 'ix c'och eb' ángel schawn̈il 'a Sodoma. Ax Lot wocn 'ejm 'a spuertail sti chon̈ab'. 'Ix yiln sb'a 'a eb', xq'ue wa'an, x'at schanc eb'. 'Ix 'em n̈ojn 'a yojltac eb' 'a sat lu'um.

Gn 19:27

Ax 'a junx c'u yic sq'uin̈b'il to, 'ix 'at Abraham chi 'a 'aj xpaxtin yet' Jehová.

Salmos 106:23

Xa nalb'ej a satn 'el eb' qui mam quichm on̈, palta ax Moisés win sic'b'il 'el o'oj, 'ix tew 'aych yuj eb'; yuj cha, 'ix 'ec' yowl a c'ojl 'a yib'n̈ eb', man̈x 'ic a satl eb'.

Jeremías 15:1

'Ix ta'w Jehová 'ayn 'ixtic: Man̈x 'oj 'o'ch in c'ojl 'a eb' in chon̈b' tic. Wach'xam caw a Moisés mto a Samuel tzjapx tewc 'a wojltac yuj eb' 'icha yutjnac eb' 'a yic pecti', man̈x 'oj in ta'w 'a eb'. Yuj cha, al 'a eb' chon̈b' cha, to tz'el eb' 'a wojltac, sayt cab' sb'a eb'.

Jeremías 18:20

¿Tom a yet' maysch'olnil tzpactzax wach'c'ojlal? A eb' cha, tox 'ix sna eb' tas 'oj yutc eb' in smiln chamoc. Na coti, chajtlto in 'och lin̈n 'a ojltac, yic in tew 'aych yuj eb', sec matz cot yowl a c'ojl 'a yib'n̈ eb'.

Ez 22:30

'Ix cob' in sayc' 'a scal eb', lemb'il 'ay junc mach tztew to 'ayn yuj jun chon̈b' cha, sec matz in satli, palta may junc x'ilchj wu'uj.

A Tas Sc'ulejnac Eb' Schecab' Jesús Hechos 7:55

Palta ax Esteban cha, caw 'aych Yespíritu Dios 'a 'a. Yuj cha, 'ix q'ue q'ueln 'a satcha'an̈, 'ix yiln q'ue stzictznil Dios. 'Ix yilni lin̈n 'ec' Jesús 'a swach' c'ab' Dios.

1 Ti 2:1

A ticnec, tzin b'ab'l alj 'at jun tic 'ayach. Yowlal tzon̈ tew 'a Dios, tzon̈ leslwi yuj smasnil 'anma'. Yowlal tzqui c'an 'a Dios, tzca'n pax yuj diosal yuj eb'.