Gn 18:12 - Chuj San Sebastian Bible

¹² Yuj cha, ton̈j stzewj 'ix 'a yol sc'ojol, yic xyab'n 'ix yalx jun cha, 'ix snan 'ix 'ixtic: ¿Tasto wal 'oj wutc in nib'n jun tic, 'in chichm inx 'ix, yet' 'ichm winc xo win wichmil tic? xchi 'ix.

Chuj San Mateo Bible

¹² yuj chi' ton̈ej ix tzevaj ix d'a yol sc'ool. Ayic ix yab'an ix yalji jun chi', ix snaan ix icha tic: ¿Tasto val ol aj in nib'anoch jun tic, ina te chichim inxo, te ichamxo pax vin̈ vetb'eyum? xchi ix.

Gn 18:12 ပူးပေါင်းရင်းမြစ်များ

Gn 17:17

A yic xyab'n win Abraham jun cha, 'ix 'em n̈ojnjoc, masnto x'emch snan̈l sat 'a sat lu'um. 'Ix stzewji, syamn 'och snan 'ixtic: ¿Tom 'oj jawc to wal wunnal, jun ciente ab'il xo in q'uinal, ax 90 ab'il xo sq'uinl Sara? ¿Tom 'oj jawc to wal yune 'ix? xchi 'a snab'en.

Gn 18:13

Yuj cha, xyaln Jehová 'ixtc 'a Abraham: —¿Tas yuj ton̈j tzewj 'ix Sara tic? ¿Am snan 'ix, yujto chichm 'ixx 'ix, man̈xtzac stac' yiln 'ix satc junc 'unin?

A Ch'an̈ Schab'il Libro Yic Yab'ixal Eb' Rey 4:16

Xlajw cha, 'ix yaln Eliseo 'a 'ix 'ixtic: —Yab'n 'ixtc junab', mec'b'ilx chan̈ junc one o'oj, xchi 'a 'ix. —May mamin, ach schecb' Dios, man̈ ach b'uchwjoc 'ayin, xchi 'ix.

Salmos 126:2

Xlajw cha, 'ix ca'nec wal qui gana qui tzewji, 'ix 'el wal cawc qui b'itnec yuj tzaljc'ojlal; ax eb' chuc chon̈b'al, xlaj yal eb' 'ixtic: A Jehová, caw niwn swach'c'ojlal xyac' 'a eb', xchi eb'.

Salmos 45:11

Yujto a win rey tznib'n 'och swach'l elxi. A win ajlil tz'aji, yuj cha, yiclum tzotj a b'a 'a winac.

Ef 5:33

An̈jtona', tzyaln pax eyuj junjn ex ax 'ichmilab'il ex, chajtlto tze chamc'ojlej eyistzil, 'icha tzeyutj eya'iln e b'a junjn ex. Tzyaln pax eyuj ax 'istlab'il ex, to yowlal niwn cab' yel'ch eyichmil 'ayx junjn ex.

A Sb'ab'el Carta San Pedro 3:6

'Ixta yutjnac sb'a 'ix Sara. Caw yiclum yutjnac sb'a 'ix 'a Abraham. 'In yaljnac 'ix 'ixtic: Wajlil ach, xchi 'ix 'a winac. Yuj cha, toto wach' tzeyutj e b'a jun xo, may junc tas 'aj tzex xiw jab'oc. Toto 'ixta', lajn e nab'en yet' Sara cha.

Jueces 19:26

A yic wan xo sacb'i, 'ix meltzj 'ix 'a yatut win 'ichm winc 'aj 'ayc' win yichmil 'ix cha. A yic 'ix jaw 'ix 'a sti puerta, 'ix telw 'ix, xcham 'ix ta'.