Gn 18:1 - Chuj San Sebastian Bible

¹ Xlajw cha, sch'oxn sb'a Jehová 'a win Abraham 'a sla'nil 'aj 'ay te ma'ach', 'a yol yic win Mamre. Yic am chimc'ual, wocn 'elt Abraham 'a sti smantiado,

Chuj San Mateo Bible

¹ Ix lajvi chi' ix sch'oxanxi sb'a Jehová d'a vin̈aj Abraham d'a slac'anil juntzan̈ te' ji d'a yol yic vin̈aj Mamre. Chimc'ualil am val c'ojanelta vin̈ d'a sti' smantiado.

Gn 18:1 ပူးပေါင်းရင်းမြစ်များ

Gn 12:7

Ata xch'ox sb'a Jehová 'a Abram cha, 'ix yaln 'ixtic: A jun lum tic 'oj wac' 'a smasnil eb' en̈til, xchi 'a 'a. Yuj cha, sb'on Abram jun yet'l xajmb'al 'a 'aj tzyal sb'a 'a Jehová, yujto ata xch'ox sb'a Dios 'a 'a.

Gn 13:18

Yuj cha, xyi'n chan̈ Abram smantiado 'ix c'och cajn 'a sla'nil 'aj 'ay jun tzo'n̈ te ma'ach', 'a yol yic win Mamre sb'i, 'a stz'ey chon̈b' Hebrón. Xlajw cha, sb'on jun yet'l xajmb'al 'a 'aj tzyal sb'a 'a Jehová.

Gn 14:13

Palta 'ay jun win 'ix yac' ganar yel 'a scal owal, 'ix 'at yalnc 'a Abram win hebreo, chajtlto tox 'ix 'ijx 'at Lot 'icha presoal. Ata cajn win 'a lum 'aj 'ay te ma'ach', 'a yol yic win Mamre amorreo. A win Mamre cha, yu'tac sb'a win yet' Escol, yet' pax Aner. A ewin cha, a yet' Abram 'aych ewinac.

Gn 15:1

Yic xlajw 'ec' jun tzo'n̈ tic, 'ix paxtin Jehová yet' Abram 'a 'icha waychil, 'ix yaln 'a 'ixtic: —Man̈ ach xiw Abram, an 'oj ach in colo', caw wal niwn spac 'oj a cha', xchi Dios.

Gn 17:22

A yic xlajw spaxtin Dios yet' Abraham, 'ix 'ati.

Gn 18:22

A chawn̈ eb' winc x'ec' paxtinc yet' Abraham cha, tojl xoj x'at eb' 'a Sodoma, ax pax Abraham, 'ix cancn paxtinc yet' Jehová.

Gn 20:1

'Ix 'elx win Abraham 'a lum yic Mamre, 'ix 'atcn 'a yol yic Neguev, 'a jun chon̈b' tzcuch Gerar, ata 'ay 'a snan̈l Cades yet' Shur.

Gn 26:2

Ata sch'ox sb'a Jehová 'a 'a, xyaln 'a 'ixtic: Man̈ ach 'at 'a Egipto, cann̈ 'aj xwal 'ayach.

Gn 35:27

'Ix 'at win Jacob 'at yil smam, atn win Isaac, cajn win 'a lum Mamre, 'a chon̈b' Arba, tzcuch pax Hebrón. Ata 'e'nc cajn Abraham yet' Isaac.

Gn 48:3

Xlajw cha, xyaln Jacob 'ixtc 'a José: —A jun Dios tztac' yuj smasnil, a xch'ox sb'a 'ayn 'a chon̈b' Luz, 'a yol yic Canaán, xyaln wach' paxti 'a wib'an̈.

2 Cr 1:7

A 'a yic jun 'ac'wl cha, 'ix sch'ox sb'a Dios 'a Salomón, 'ix yaln 'a 'ixtic: C'an 'ayin tas tza nib'ej, ax wa'n 'ayach, xchi.

Ex 4:1

'Ix ta'w Moisés 'ixtc 'a Jehová: Ma'oj scha eb' yab' 'ayin, ¿tom 'oj syiclc eb' tas 'oj wala'? Tecn 'oj yal eb' 'ayn 'ixtic: Totn am wal yel 'ix sch'ox sb'a Dios 'ayach, mto ma'ay, 'oj schic am eb', xchi Moisés.

A Tas Sc'ulejnac Eb' Schecab' Jesús Hechos 7:2

Yuj cha, 'ix yaln Esteban chi 'ixtic: —Ex wit chon̈ab', ex 'ichmtac winac, 'ab'ec. A Dios, caw niwn yel'chi. Sch'oxjnac sb'a 'a qui mam quichmec Abraham, yic 'ayc' 'a yol yic Mesopotamia, yic mantzac c'och cajn 'a chon̈b' Harán.

A Ch'an̈ Carta D'a Eb' Hebreo 11:9

Yujto ya'jnac 'och Dios 'a sc'ojol, yuj cha, c'ochnc cajn 'a jun lugar ya'jnac Dios sti ya'n 'a 'a. A te mantiado sb'ojnac yatutoc. An̈jtona', 'ixta yutjnac sb'a Isaac yet' Jacob, yujto locn eb' xchan jun 'aj ya'jnac Dios sti cha.

A Ch'an̈ Carta D'a Eb' Hebreo 13:2

Qui nac coti, to yowlal wach' tzcutjec qui b'a 'a eb' tzlaj 'ec' 'ayon̈. 'Ay eb' 'ixta yutjnac sb'a, palta man̈ yojcoc eb', toto ángel eb' 'aj wach' yutjnac sb'a eb' cha.

Josué 5:13

A yic 'ayc' Josué 'a sla'nil Jericó, 'ay jun c'ual 'ix yilni to 'ay jun winc lin̈n 'ec' 'a yojltac. A jun winc cha, yamb'il jun espada yu'uj. Ax Josué 'ix c'och 'a stz'ey, sc'anb'n 'a 'ixtic: —¿Tom quitb'eym qui b'a et'oc, mto etb'eym a b'a yet' eb' 'ajc'ojl yajch 'ayn̈ on̈? xchi 'a winac.