Gn 17:24 - Chuj San Sebastian Bible

^24-25 A Abraham 99 ab'il sq'uinal, ax Ismael 'oxlajn̈e ab'il sq'uinal yic 'ix 'ajx 'och jun yechl chi 'a eb'.

Chuj San Mateo Bible

^24-25 A vin̈aj Abraham chi', 99 ab'il sq'uinal vin̈, axo vin̈aj Ismael 13 ab'il sq'uinal vin̈ ayic ix ac'jioch jun yechel chi' d'a eb' vin̈.

Gn 17:24 ပူးပေါင်းရင်းမြစ်များ

Gn 12:4

Xlajw cha, x'elt Abram 'a Harán, 'icha xyutj Jehová yaln 'a 'a. 'Ay 75 ab'il sq'uinal, yic 'ix 'elt 'a jun lugar cha. 'Ix yij cot yistzil, atn 'ix Sarai, xyi'n cot jun yunnal can yu'tac tzcuch Lot, yet' jantcn̈ej tas 'ay 'a 'a, tzyal 'el'chi eb' schecab' yet' smasnil tas 'ix yac' ganar 'a Harán. 'Ix 'och eb' 'a b'eyel masnto xjaw eb' 'a Canaán.

Gn 17:1

A Abram 99 ab'il sq'uinal, yic sch'oxn sb'a Jehová 'a 'a, xyaln 'a 'ixtic: —An ton Dios in, tztac' wuj smasnil, wach' tzotj a b'a 'a in sat.

Gn 17:11

Yuj cha, 'ijx cab' 'el jac stz'umal sjolm swincal eb' winac, atn jun cha, yechl in trato tz'ajcn eyet'oc.

Gn 17:17

A yic xyab'n win Abraham jun cha, 'ix 'em n̈ojnjoc, masnto x'emch snan̈l sat 'a sat lu'um. 'Ix stzewji, syamn 'och snan 'ixtic: ¿Tom 'oj jawc to wal wunnal, jun ciente ab'il xo in q'uinal, ax 90 ab'il xo sq'uinl Sara? ¿Tom 'oj jawc to wal yune 'ix? xchi 'a snab'en.

Gn 18:11

A Abraham yet' 'ix Sara cha, caw wal 'ichm 'anma xo eb', 'ayxtax tiempo scan sch'oxn sb'a a a 'a 'ix.

Gn 21:5

A Abraham, jun ciente ab'il xo sq'uinal, yic 'ix 'alj Isaac.

Ro 4:11

Palta c'ojnc'ojnilt chab'il jun circuncisión chi yuj winac. A jun cha, ch'oxnb'il yaji, chajtlto wach' win 'a sat Dios, yujn̈ej to ya'jnac 'och win sc'ojl 'a Dios, yic mantzac 'ajx 'och jun senya chi 'a winac. Yuj cha, a win mamb'il yaj 'a jantcn̈ej eb' man̈ 'ac'b'ilc circuncidar, toto tzya'ch eb' sc'ojl 'a Dios. Mamb'il yaj 'a eb' yujto wach' pax eb' 'a sat yet' winac.