Gn 17:18 - Chuj San Sebastian Bible

¹⁸ Xlajw cha, xyaln win 'ixtc 'a Dios: —Octom wal tz'el 'a a c'ojol, tzac' stzatzl win Ismael tic. Comnoc wach' tz'el'ch can winac, xchi.

Chuj San Mateo Bible

¹⁸ Ix lajvi chi' ix yalan vin̈ d'a Dios icha tic: —Tzin c'an d'ayach, tzoc el val d'a a c'ool tzac' sq'uinal vin̈aj Ismael tic yic vach' ol elc'och vin̈, xchi vin̈.

Gn 17:18 ပူးပေါင်းရင်းမြစ်များ

Gn 17:17

A yic xyab'n win Abraham jun cha, 'ix 'em n̈ojnjoc, masnto x'emch snan̈l sat 'a sat lu'um. 'Ix stzewji, syamn 'och snan 'ixtic: ¿Tom 'oj jawc to wal wunnal, jun ciente ab'il xo in q'uinal, ax 90 ab'il xo sq'uinl Sara? ¿Tom 'oj jawc to wal yune 'ix? xchi 'a snab'en.

Gn 17:19

Yuj cha, xta'w Dios 'a Abraham 'ixtic: —Tox 'ix wal 'ayach, chajtlto 'oj jawc jun onnal yet' 'ix Sara. Isaac 'oj ac' sb'ioc, atn yet' win 'oj wac' jun in trato tic yet' 'a jun 'ejmn̈ej, yet' pax 'a eb' yin̈tl winac.

Gn 21:11

A jun paxti cha, caw wal ya 'ix yab' Abraham, yujto a 'ay yunnal pax win Ismael cha.

Gn 4:12

A yic 'oj a munlj 'a sat lum lum tic, may jac 'oj ec' 'a sat lu'um, ma'oj elj xon jab'oc, ton̈j 'oj a satc' 'a sat lum lum tic, ya' sb'a 'aych 'ec' 'a yolyib'n̈q'uinl tic, xchi 'a winac.

Gn 4:14

'In to tzin ej can 'el 'a sat lum lum tic, tzin c'ub'n 'el in b'a 'a ojltac, toxn̈ej 'oj in satq'ui. Yaln̈j mach 'oj wilchj yu'uj, ax in sma'n chamoc, xchi winac.

Salmos 4:6

Til wal eb' tzaln 'ixtic: Comnoc 'ay mach tzch'oxn quil wach'l cha, xchi eb'. Mamin Jehová, ch'ox quil a wach'l chi 'on̈.

Salmos 41:12

An xo pax tic, wach'n̈j xwutj in b'a 'a ojltac. Quetzn chan̈ Mamin, 'aynn̈ej cab' 'ec' et'oc.

Is 59:2

¡Palta man̈ 'ichc ta'! A tas maysch'olnil tze b'o'o, a chi 'ayc' 'a e nan̈l yet' Dios. A jun tzo'n̈ e mul cha, a tz'ec' jen̈n 'a e nan̈l yet'oc, yuj cha, man̈xtzac snib'j yab' tas tzeyala.

Jeremías 32:39

Junxn̈ej 'oj 'aj snab'en eb' wu'uj, jun lajnxoj 'oj yutc eb' in ya'n servil 'a smasnil tiempo, yic tz'och swach'loc eb', yet' swach'loc yin̈tl eb'.

A Tas Sc'ulejnac Eb' Schecab' Jesús Hechos 2:39

Yujto 'ixta yutjnac ya'n can sti 'ayx quet' on̈, yet' 'a eyunnal, yet' pax 'a smasnil mach 'ay 'a najat. Yujto a Cajlil qui Diosalec, tzyac' Yespíritu 'a jantcn̈ej mach tzyawtj 'och yico'oc, xchi Pedro 'a eb'.