Gn 17:10 - Chuj San Sebastian Bible

¹⁰ Atn jun in trato tic tzwac' et'oc, yowlal tzyiclj smasnil eb' en̈til, smasnil winc 'unin, yowlal tz'ajx 'och yechl sniwnal.

Chuj San Mateo Bible

¹⁰ A jun in trato van in b'oan tic eyed'oc to yovalil tze c'anab'ajej. Masanil eb' vinac unin, ochocab' yechel snivanil eb'.

Gn 17:10 ပူးပေါင်းရင်းမြစ်များ

Gn 17:11

Yuj cha, 'ijx cab' 'el jac stz'umal sjolm swincal eb' winac, atn jun cha, yechl in trato tz'ajcn eyet'oc.

Gn 17:23

Wal 'a jun c'u cha, 'ix ya'ch Abraham yechl win Ismael yet' 'a smasnil eb' schecab', eb' to 'aljnac 'a yatut, yet' smasnil eb' to manb'il yu'uj, yet' smasnil eb' winc cajn 'ec' yet' 'a yatut. 'Ix ya'ch yechl eb' smasnil, 'icha xyutj yaln Dios 'a 'a.

Gn 17:27

yet' 'a smasnil eb' winc 'ayc' yet'oc, yet' 'a eb' schecb' 'aljnac 'a yatut, yet' pax 'a eb' manb'il yuj 'a junc xo chuc chon̈b'al.

Gn 21:4

Yucb'ixial yalj win 'unn cha, 'ix 'ajx 'och jun yechl strato Dios 'a sniwnal win yuj Abraham, 'icha yaj yaln can Dios.

Gn 34:15

Cojn toto tzchaj e c'ojl 'icha caj an̈ tic on̈, toq'ue tzcac' 'unx 'ayex, yujto an̈ tic 'ac'b'iln̈ circuncidar on̈. Toto tzyal e c'ojl tzex 'ajx circuncidar yet' smasnil ewin winc 'ayc' 'a e cal tic,

Gn 34:22

Cojn b'i'an, to tznib'j ewin qui masnil an̈ec winc on̈c tic, tzca'c 'ajxc circuncidar qui b'a, 'icha sb'eyb'al ewinac. Toto 'ixta', junxn̈ej chon̈b'al tzon̈ 'ajc can yet' eb'.

Ex 12:48

Palta toto 'ay junc win man̈ israeloc 'ayc' 'a e cal, tznib'j tzyiclj q'uin̈, b'ab'el tz'ajx can circuncidar eb' winc 'ay 'a junjn n̈ail, 'ixta to b'i'an, tztac' snan eb' jun q'uin̈ cha, 'icha to eyit chon̈b' tz'aji. A pax junc winc man̈ 'ac'b'ilc circuncidar, matz tac' schin win no xajmb'al cha.

Ex 4:25

Yajn̈j wal cha, 'ix yi'n cot 'ix Séfora jun comn cuchlub' nab'a q'ue'en, spoln 'el 'ix jab' stz'umal sjolm swincal win yune 'ix cha, squiln 'och 'ix 'a yoc Moisés cha, 'ix yaln 'ix 'ixtic: Wal yel wichmil ach, yuj cha, locn in 'a jun chic' tic, xchi 'ix.

Jeremías 4:4

Ex 'aj Judá yet' ex 'aj Jerusalén, yicljec in trato. 'A'c 'och wal 'a e c'ojl eyiclni yechl in trato cha. 'Ojquejec 'eli to an ton Jehová in. Ax to laj x'aji yuj e mul cha, ax wa'n cot yowl in c'ojl 'a eyib'n̈ 'icha te c'ac' caw ow sn̈ilchji, man̈x 'a mach tztac' sma'n tupoc.

Jn 7:22

Yuj eb' qui mam quichmec 'a pecti', yuj cha, yelcn yich jun b'eyb'al tzcuch circuncisión. Ax Moisés a aljnac cani, chajtlto yowlal tzqui b'eylb'ejec jun cha. Yuj cha, wach'xam sc'ul 'iljelal, tzeyac' circuncidar eb' 'unn tzlaj 'alji.

A Tas Sc'ulejnac Eb' Schecab' Jesús Hechos 7:8

An̈jtona', ya'jnac can pax Dios strato yet' Abraham cha. Yaljnac can 'a 'a, to tz'och jun senya 'a sniwnal, yet' 'a eb' yin̈til, sec chequel to 'ay strato yet' eb'. A jun senya cha, atn jun circuncisión sb'i. Yuj cha, a yic yalj jun yunnal Abraham Isaac sb'i, yucb'ixial xo yalji, yajx circuncidar yuj Abraham cha. An̈jtona', 'ix 'alj pax jun yunnal Isaac, Jacob sb'i. 'Ix 'ajx pax circuncidar yuj Isaac cha. Ax Jacob, lajchwan̈ eb' yunnal 'aljnac. C'uxn xyac' circuncidar eb' smasnil. A eb' lajchwan̈ cha, atn eb' qui mam quichmec an̈ israel on̈c tic.

Ro 2:28

Man̈ yujoc to israel e b'i 'a sat eb' 'anma', man̈ yujoc cha caw yel israel ex 'a sat Dios. Man̈ yujoc to 'aych jun circuncisión 'a e niwnal, man̈ yujoc cha wach'x 'a sat Dios.

Ro 3:25

A Cristo 'ajxnac 'och xajmb'al-l yuj Dios. 'Elnc schiq'uil, yic tzyi'n 'el qui mulec, yujto tzca'c 'och qui c'ojl 'a 'a. 'Ixta yutjnac Dios sch'oxni, to caw tojl yutjnac sb'a pecti', yic ya'n niwnc'ojlal 'a eb' laj 'ochnc smul 'a 'a.

Ro 3:28

'Ixta tzcutjec cojcan 'eli, to yujn̈ej tzca'c 'och qui c'ojl 'a Jesús, wach'n̈ec 'a sat Dios, man̈ yujoc qui yiclni tas tzyal jun ley cha.

Ro 3:30

yujto junn̈j Dios 'ay. Tzann̈j 'anma'il, wach'xam israel, wach'xam ma'ay, cojn toto tzya'ch eb' sc'ojl 'a Jesús, wach' eb' 'a sat Dios.

Gl 3:28

Man̈x 'a yel'chi, toto israel on̈, mto griego on̈. Wach'xam 'ayn̈ 'och mosoal to man̈ quico'oc qui b'a, wach'xam mun quic qui b'a, toxn̈ej winac, toxn̈ej 'ix, may yel'chi, yujto junxn̈ej cajc qui masnil yet' Cristo. 'Icha to junxn̈ej 'anmal cajc qui masnil.

Gl 6:12

'Ay eb' tznib'n tzex 'a'n pural, sec tzex 'ajx circuncidar. Palta ton̈j tznib'j eb' to wach' 'a sat eb' 'anma'. 'Ay eb' israel tz'a'n 'och yailal 'a yib'n̈ eb', yujn̈ej to 'aych snab'en eb' 'a schamlil Cristo 'a spenc culus. Palta tznib'j eb' matz 'ajx 'och syailal, yuj cha, 'ixta tzex yutj eb' ex ya'n pural.

Ef 2:11

Yuj cha, nac coti, tas 'ajnc ex man̈ ex israeloc 'a yic yalan̈. A eb' wit israelal, yaljnac eb' eyu'uj, chajtlto man̈ ex yico'oc Dios, yujto man̈toc 'ac'b'ilx circuncidar. Yujto a eb' cha, tzya'ch eb' jun senya circuncisión sb'i 'a sniwnal.

Dt 10:16

'A'c 'och yechl jun trato tic 'a e nab'en, man̈ eyac' pitl e b'a 'a 'a,

Dt 30:6

'Oj ya'ch Jehová qui Diosalec yechl strato 'a e nab'en yet' 'a snab'en eb' eyin̈til, sec 'oj e chamc'ojloc Jehová yet' smasnil e c'ojol yet' smasnil e nab'en. Toto 'ixta', 'oj najtxb'oc e q'uinal.

A Scarta San Pablo D'a Eb' Aj Filipos 3:3

Palta an̈ec xo, a 'a sat Dios 'ac'b'iln̈ec xo circuncidar 'a yel, yujto tzcalc qui b'a 'a Dios 'a 'esal. An̈j 'a Cristo Jesús 'aj tzon̈ tzaljec. Ax jun tas tzb'o 'a qui niwnalec, matz ca'c 'och xon jac yipc qui c'ojol.

Josué 5:2

Atn 'a yic jun tiempoal cha, ata yaljnac Jehová 'ixtc 'a Josué: B'o jaye'oc q'uen cuchlub' 'a q'uen suyq'ue'en, tza'n pax circuncidar eb' et chon̈b' tic, xchi.

Josué 5:4

'Ix yac' 'ajxoc circuncidar eb' winc cha, yujto a smasnil eb' winc stiempoal xo yoch soldadoil yic yelt eb' 'a Egipto, c'uxn xchamcn eb' 'a yol b'e 'a lum cusltac lu'um.