Gn 14:14 - Chuj San Sebastian Bible

¹⁴ A yic 'ix yab'n Abram to 'ix 'ijx 'at Lot 'icha presoal, yuj cha, 'ix syamb'tzan smasnil ewin schecb' to cuyb'il 'a owal, atn eb' 'aljnac 'a yatut, 'ay 3l8 eb' 'a smasnil. Xlajw cha, 'ix 'at eb' 'a spatc chan̈wn̈ eb' rey cha, atta 'ix yamchj eb' yuj eb' 'a chon̈b' Dan.

Chuj San Mateo Bible

¹⁴ Ayic ix yab'an vin̈aj Abram to ix ic'jib'at vin̈aj Lot chi', ix smolb'an masanil eb' schecab' vin̈ c'ayb'ab'il d'a oval, aton eb' ix alji d'a yol scuenta vin̈, 318 eb' smasanil. Ix b'at eb' d'a spatic eb' chan̈van̈ rey chi' masanto b'aj ay chon̈ab' Dan ticnaic, ata' ix yamchaj eb' yuj eb'.

Gn 14:14 ပူးပေါင်းရင်းမြစ်များ

Gn 12:16

Yujn̈ej Sarai, yuj cha, wach' 'ix yutj win rey snab'en 'a Abram cha. Til wal calnelu, wacax, b'uru, 'axna, cameyo, til wal pax ewin checab' yet' eb' 'ix checb' siyj win rey chi 'a winac.

Gn 13:8

Yuj cha, 'ay jun c'u, 'ix yaln Abram 'a Lot 'ixtic: Caw an̈to 'ochi, man̈ smojc ca'n owal, 'ixta pax eb' yilmal qui cajb'en noc', man̈ smojc ya'n eb' owal.

Gn 14:12

Ax pax Lot, yunnal yu'tac Abram, ata cajn 'a Sodoma, an̈jtona 'ix 'ijx 'at 'icha presoal yuj ewinac, yet' smasnil tastc 'ay 'a 'a.

Gn 14:16

'Ix yi'n 'ec' Abram smasnil tas yet' eb'. 'Ixta 'ix yutj scoln can 'el Lot yet' smasnil tastc 'ay 'a 'a. 'Ix colchj can pax eb' 'ix 'ix, yet' jun tzo'n̈ xo eb' 'aj Sodoma 'ix 'ijx 'at cha.

Gn 17:12

Yucb'ixial yalj junjn winc 'unin, tz'ajx 'och jun yechl chi 'a eb' eyunnal yet' 'a yunnal eb' e checab'. An̈jtona yet' eb' e checb' manb'il 'a chuc chon̈b'al, tz'ajx 'och jun yechl chi 'a eb'. Junjn ex yowlal tz'ajx 'och jun yechl chi 'ayex, matz 'eq'ui, sec a jun in trato tzwac' eyet' cha, checl cab' 'a e niwnal 'a smasnil tiempo.

Gn 17:23

Wal 'a jun c'u cha, 'ix ya'ch Abraham yechl win Ismael yet' 'a smasnil eb' schecab', eb' to 'aljnac 'a yatut, yet' smasnil eb' to manb'il yu'uj, yet' smasnil eb' winc cajn 'ec' yet' 'a yatut. 'Ix ya'ch yechl eb' smasnil, 'icha xyutj yaln Dios 'a 'a.

Gn 17:27

yet' 'a smasnil eb' winc 'ayc' yet'oc, yet' 'a eb' schecb' 'aljnac 'a yatut, yet' pax 'a eb' manb'il yuj 'a junc xo chuc chon̈b'al.

Gn 18:19

An 'ix in sic' 'elta yic tzyaln smasnil in checnb'il 'a eb' yunnal yet' 'a smasnil eb' yin̈til, sec 'oj syiclc eb'. Ax sb'eylb'an eb' smasnil tas wach' yet' tas tojol, sec wach' tz'el'ch smasnil tas waljnac can yet' in ti 'a eb', xchi Dios 'a snab'en.

Gn 23:6

—Mamin, 'ab' wal tas 'oj cal 'ayach, ach tic niwn 'elch 'a qui cal on̈. Yuj cha, muc 'ix estzil chi 'a junc 'aj tzmucx eb' chamnc 'anma', junc caw wach' yilx tzela. May junc on̈ matz qui chaj a muc sniwnal 'ix estzil 'a 'aj tzmucx eb' chamnac, xchi eb' 'a winac.

A Ch'an̈ B'ab'el Libro Yic Yab'ixal Eb' Rey 15:20

'Ix schan sc'ojl win Ben-adad tas 'ix yalb't win rey Asa, yuj cha, schecn 'at win eb' capitan̈ yet' eb' soldado yic tz'at ya'nc eb' owl 'a eb' lum chon̈b' 'a yol yic Israel. 'Ixta x'aj yajx ganar chon̈b' Ijón, Dan, Abel-bet-maaca, yet' smasnil chon̈b' 'a yol yic Cineret yet' 'a smasnil yol smacb'en eb' yic Neftalí.

Salmos 68:12

A eb' rey caw tz'at eb' 'elc yet' soldado, ax eb' 'ix 'ix xlaj can 'a yatut, wan spojn 'ec' eb' 'ix tas x'at to'xoc can 'ec' 'a eb' 'ajc'ojl cha,

Pr 17:17

A junc mach wach' xon cajc yet'oc, 'aychn̈ej quet'oc. A yic tzjaw qui yailal, 'icha wal to cu'taquec qui b'a yet'oc, 'ixta tzyutj sb'a.

Ec 2:7

'Ay ewin in moso xlaj in mana', 'ay pax eb' 'ix wa'mal servil; 'ay pax eb' 'aljnac 'a watut. An̈jtona', til wal x'aj in wacax yet' in calnelu 'a yib'n̈ eb' 'e'nc 'a Jerusalén tic 'a yic yaln̈taxi.

Jeremías 41:12

'ix smolb'tzan eb' soldado, 'ix 'at ya'nc eb' owl yet'oc. Axta x'ilchj yuj eb' 'a 'aj 'ay jun niwquil tanque 'ay 'a Gabaón.

Dt 34:1

'Ix 'at Moisés 'a lum cusltac lum 'a yol yic Moab, 'ix q'ue'ch 'a sjolm lum witz tzcuch Nebo, 'a lum switzl Pisgá, lum 'ay 'a yojltac Jericó. Ata 'ix sch'oxcn 'at Jehová yil Moisés lum slum Galaad, masnto 'aj tzc'och lum yic Dan,

1 Jn 2:18

Ex chamc'ojlb'il wu'uj, 'ayn̈ecx 'ec' 'a jun slajb' tiempo. 'Ix cab'ec to a jun 'ajc'ojl yajch 'a Cristo, 'oj pitzwc cha'an̈. Ax ticnec, niwn xo eb' 'ajc'ojl yajch 'a Cristo tox 'ix pitzw cha'an̈. Yuj cha, cojquec to 'ayn̈ecx 'ec' 'a jun slajb' tiempo.

Jueces 18:29

A 'a yaln̈taxi, Lais sb'i jun chon̈b' cha, ax yic scajn eb' yic Dan cha, xya'n eb' sb'ic Dan, yuj ya'n eb' b'inaxc sb'i smam 'icham, atn Dan yunnal Israel.

Jueces 20:1

Yuj cha, 'ix syamn sb'a eb' israel 'a yojltac Jehová 'a Mizpa. 'Ix cot eb' 'a smasnil yol yic Israel, a chon̈b' Dan 'ay a stojlal norte masnto 'a Beerseb'a 'ay 'a stojlal sur yet' 'a Galaad 'a stojlal 'a 'aj tzq'uel c'u. Junxn̈ej xyutj sb'a eb'.

A Ch'an̈ B'ab'el Libro Samuel 30:19

May junc 'anma 'ix yij 'at eb' amalecita to ma'ix 'e'cn yuj eb'; atn eb' 'ichm 'anma', eb' 'ix 'ix, eb' 'unin, eb' 'ix 'islab'il, yet' smasnil tas 'ix yij 'at eb', 'ix yijcan pax 'ec' eb' smasnil.