Gn 13:13 - Chuj San Sebastian Bible

¹³ A 'a jun chon̈b' cha, caw maysch'olnil sb'eyb'al eb' 'anma', til wal maysch'olnil tzb'o eb' 'a sat Jehová.

Chuj San Mateo Bible

¹³ A d'a jun chon̈ab' chi', te chuc sb'eyb'al eb' anima, man̈ jantacoc chucal sc'ulej eb' d'a yichan̈ Jehová.

Gn 13:13 ပူးပေါင်းရင်းမြစ်များ

Gn 10:9

A Nimrod cha, jeln sma'w noc' 'a sat Jehová, yuj cha, 'ay jun paxti tzyal eb' 'anma 'ixtic: Lajn win 'icha Nimrod, win jeln sma'w noc' 'a sat Jehová, xchi eb'.

Gn 15:16

Chan̈ macn̈ xo 'in̈tal tox x'eq'ui, 'ixta to b'i'an ax smeltzj pax eb' jun 'ejm xo 'a tic, yujto mantzac tz'acw smul eb' amorreo tic, xchi Dios.

Gn 18:20

Xlajw cha, 'ix yaln Jehová 'a Abraham 'ixtic: —A smasnil eb' 'anma 'a Sodoma yet' 'a Gomorra, caw wal tu yalx speclal eb'. Yel xo wal caw xniwtj smaysch'olnilal eb'.

Gn 19:13

Yujto 'oj qui satl jun chon̈b' tic on̈, caw wal niwquil xo smaysch'olnilal eb' 'anma 'a sat Jehová, yuj cha, on̈ ya'n cot Jehová wul qui satl jun tzo'n̈ 'anma tic on̈, xchi eb'.

Gn 38:7

Caw tu sb'o win Er 'a sat Jehová, yuj cha, 'ix yi'n 'ec' Jehová sq'uinl winac.

Gn 39:9

A smasnil tas 'ay 'a yol te n̈a tic, 'aych 'a yol in c'ab', an tztac' wa'n mandar; cojn 'ayach, matz tac' wa'n 'och in c'ab', yujto yistzil ach win in patron̈. ¿Tom 'oj stac' in b'on junc tas maysch'olnil, yujto tz'och pax in mul 'a sat Dios? xchi José.

Gn 6:11

A 'a sat Dios, man̈x yalnb'ilc maysch'olnilal tzb'o eb' 'anma 'a yolyib'n̈q'uinl tic, comn xoj tzlaj meltzj 'och eb' 'a yit 'anma'il.

A Ch'an̈ Schab'il Libro Yic Yab'ixal Eb' Rey 21:6

Xya'n win tz'a yunnal xajmb'alil, scuyn sb'a win 'a jun tzo'n̈ xo b'eyb'al tic; atn wayjlil, 'ajchumal, tzc'umn win spixn eb' chamnac. Yel xo caw tu 'ix 'el sb'on 'a sat Jehová, caw 'ix tzuntzj cot yowl sc'ojl Dios chi 'a yib'an̈.

Is 1:9

A Jehová tztac' yuj smasnil, 'ix 'el 'a sc'ojol, on̈ yactj can jaywn̈ on̈c tic. Q'uinloc ma'ay, 'icha am 'ajnc satl Sodoma yet' Gomorra, 'ixta on̈ 'ajec.

Jeremías 23:14

'Ix wiln pax eb' tzyalch sb'a in checb'oc 'a Jerusalén, tzb'o eb' 'anma tas caw tu'. Tzb'o eb' 'ajmulal, tzyixtn eb' yit 'anma'il, tz'iptzax eb' sb'on maysch'olnilal yuj eb'. Yuj wal cha, may junc eb' tzyij 'el sb'a 'a scal maysch'olnil. A wal 'a in sat, a jun tzo'n̈ 'anma tic, yet' eb' cajn 'a Jerusalén, caw lajn eb' 'icha eb' 'aj Sodoma yet' eb' 'aj Gomorra.

Jeremías 23:24

May xon junc lugar 'aj wach' e c'ub'n 'el e b'a 'a in sat. An tic, 'aynn̈ej 'ec' 'a satcha'an̈ yet' 'a sat lum tic.

Nm 32:23

Palta toto matz 'el'ch tas wan eyaln tic, eyojc xon wal b'i'an, to tz'och e mul 'a yojltac Jehová, 'ay jun c'ual, ax ya'n eyailal yuj e mul cha.

Mt 9:10

Ax 'a jun 'el, wocn 'ejm Jesús wac yet' eb' scuywum 'a yol jun n̈a. An̈jtona', til wal eb' tecm 'el tumn 'ayc' ta', yet' jun tzo'n̈ xo eb' maysch'olnil sb'eyb'al, jun xwa' eb' yet' eb'.

Mt 9:13

'Ixquec, 'at cuyc tas tzyal 'el'ch jun yaljnac can Dios 'a Ch'an̈ U'un̈, yic yaln can 'ixtic: A tas tzin nib'j 'ayex, to tz'o'ch e c'ojl 'a eb' eyit 'anma'il, man̈ocn̈ej jun tzo'n̈ xajmb'al tzin nib'ej, xchi 'a Ch'an̈. A eb' wach' sb'eyb'al snani, toc 'ay tzin 'och yuj eb', palta yuj wawtn eb' tznachj 'el yu'uj to maysch'olnil sb'eyb'al, yuj cha, in jawi, xchi Jesús.

Jn 9:24

Xlajw cha, 'ix yawtn paxt ewin win 'ix jacw sat cha, 'ix yaln ewin 'ixtc 'a 'a: —Caw yel tzach paxtin 'a sat Dios. Yujto cojc on̈, caw 'ajmul jun winc tzal jacnc a sat cha, xchi ewin 'a 'a.

Jn 9:31

Cojquec, caw matz yab' Dios slesl eb' maysch'olnil sb'eyb'al. Cojn eb' tzyal sb'a 'a 'a, eb' tzyiclni tas tzyala, cojn eb' tzyab' yico'.

Ro 1:27

'Ixta pax eb' winac, 'ay eb' tzlaj 'actn can eb' 'ix 'ix, ax yet' yit wincal tzlaj yixtc sb'a. A eb' winc cha, a yet' yit wincal tzlaj sb'o eb' jun tzo'n̈ caw q'uixweltac. Yuj cha, a yet' sniwnal eb' wan schan syailal yuj spacc jun tzo'n̈ man̈ smojc sb'on cha.

A Ch'an̈ Carta D'a Eb' Hebreo 4:13

May junc mach tztac' sc'ub'n 'el sb'a 'a sat Dios. Caw checln̈ej smasnil tas 'a sat. 'Oj qui c'ochc 'a yojltac yic tzqui chanec spac tastc tzqui b'o junjn on̈ec.

A Schab'il Carta San Pedro 2:10

'Ay eb' caw tzya'ch snab'en sb'on jun tzo'n̈ maysch'olnil tznib'j 'och yet' sniwnal. May jac yel'ch Cajlilec 'a sat eb', yujto matz chaj eb' 'ajxc mandar sb'a yu'uj. Atn eb' chi 'oj wach' 'ajx can 'och 'a syailal. Man̈xtzac xiw eb' jac sb'on jun tzo'n̈ maysch'olnil cha. Toxn̈ej tzcomn b'oj eb' 'icha tznib'ej. 'In matz xiw eb' sb'uchwj 'a jun tzo'n̈ caw niwn spoder.

San Judas 1:7

An̈jtona', tze nan cot tas 'ajnc eb' 'aj Sodoma yet' eb' 'aj Gomorra, yet' eb' 'a jun tzo'n̈ xo chon̈b' 'a sla'nil. 'Icha yutjnac sb'a eb' ángel cha, 'ixta yutjnac pax sb'a eb'. Caw ya'jnac 'at sb'a eb' 'a scal 'ajmulal. An̈jtona sb'ojnac eb' jun tzo'n̈ xo 'ajmulal yet' yit wincal. A eb' cha, ch'oxnb'il yaj eb' 'a smasnil 'anma ticnec, yujto wan yab'n eb' syal 'a scal c'ac' 'a jun 'ejmn̈ej.

A Ch'an̈ B'ab'el Libro Samuel 15:18

A pax ach checn 'ati, xyaln 'aych 'ixtic: —'Ixic, 'at satl jun tzo'n̈ 'anma maysch'olnil sb'eyb'al chi 'a Amalec, 'at 'ac' owl yet' eb', masnto tza satl eb' smasnil, xchi.

A Ch'an̈ B'ab'el Libro Samuel 2:17

Yuj jun cha, caw wal niwquil jun tzo'n̈ smul eb' yunnal Elí chi tz'och 'a yojltac Jehová, yujto may yel'ch tzyutj eb' no xajmb'al tz'ajx cha.