Gn 13:10 - Chuj San Sebastian Bible

¹⁰ 'Ix 'at q'ueln Lot 'a jun niwquil span̈nil sti a Jordán masnto tzc'och 'a jun yune chon̈b' Zoar sb'i. Caw 'ay a a 'a jun niwquil pan̈n 'a'lic cha, lajn yilx 'icha Edén 'aj 'ay te 'awb'ente yic Jehová, mto 'icha yilx lum Egipto, 'ixta yilx xyil Lot. A yic 'ix sb'on win Abram strato yet' Lot cha, mantzac satl Sodoma yet' Gomorra yuj Jehová.

Chuj San Mateo Bible

¹⁰ Ix b'at d'an̈an vin̈aj Lot chi' d'a jun nivan ac'lic ay d'a sti' a' Jordán masanto sc'och d'a chon̈ab' Zoar. Te yax sat jun ac'lic chi' yuj a a' chi', lajan yilji icha jun avb'en te' b'ob'il yuj Jehová, icha yilji yol yic Egipto ix yil vin̈. Ayic ix sb'oan strato vin̈aj Abram yed' vin̈aj Lot chi', manto satel-laj chon̈ab' Sodoma yed' Gomorra yuj Jehová.

Gn 13:10 ပူးပေါင်းရင်းမြစ်များ

Gn 11:27

A jun tic, yab'xil eb' yin̈tl Taré, atn win smam Abram, Nacor, yet' Harán. A Harán cha, atn smam Lot.

Gn 13:11

A jun span̈nil sti a Jordán cha, a 'ix si'cn 'el Lot. Yuj cha, 'ix c'och cajn 'a stojlal 'a 'aj tzq'uel c'u, 'ixta xyutj spojn sb'a Abram yet' Lot.

Gn 13:9

A smasnil jun lum tic, coln yaj lu'um, tztac' a si'lni 'aj tzach cani, yic wach' tzqui poj qui b'a. Toto tzach 'ochcn 'ixtic, an xo tzin 'elcni. Toto tzach 'elcn 'ixtc jun, an xo tzin 'ochcni, xchi Abram 'a Lot.

Gn 14:2

A chan̈wn̈ eb' rey tic, tzyac' eb' owl yet' own̈ xo eb' rey, atn eb' tic: Bera sreyl Sodoma, Birsa sreyl Gomorra, Sinab sreyl Adma, Semeber sreyl Zeboim, yet' sreyl Bela, atn jun chon̈b' chi tzcuch pax Zoar.

Gn 14:8

Ax eb' own̈ rey cha, atn win yic Sodoma, win yic Gomorra, win yic Adma, win yic Zeboim, yet' win yic Bela, 'ix 'at eb' yown̈il 'a lum niwn pan̈n yic Sidim. Ata 'ix yac' ewin owl yet' eb' rey cha, atn Quedorlaomer, Tidal, Amrafel, yet' Arioc. A eb' tic rey eb' 'a Elam, 'a Goím, 'a Sinar, yet' 'a Elasar.

Gn 3:6

'Ix yiln 'och 'ix te sat cha, to wach' sloxi, wach' pax yilxi, snib'n pax 'ochi sec wach' tz'acw snab'en 'ix yalni. Yuj cha, sch'inn 'elt 'ix jun te sat cha, slon 'ix te'. 'Ayc' pax win yichmil 'ix chi yet'oc, xya'n 'ix te 'a winac, slon pax win te yet' 'ix.

Gn 47:6

a lum slum Egipto tic, 'ayc' lum 'a yol a c'ab'. Tztac' a'n lum Gosén 'a a mam yet' 'a ewin o'tac tic. A wal lum lum caw wach' 'a yol yic Egipto tic, a cab' lum 'aj tzcan cajn ewinac. Toto 'ay eb' o'tac caw jeln 'a 'ilj noc' jun, tztac' a'n 'och ewin yilmalc no in cajb'en noc', xchi win rey cha.

Gn 6:2

Ax yic xyiln 'och ewin yunnal Dios eb' 'ix yisl ewin 'anma cha, to caw wal wach' yilx eb' 'ix, 'ix syamn 'och ewin si'lan yistzil 'a scal eb' 'ix.

A Ch'an̈ B'ab'el Libro Yic Yab'ixal Eb' Rey 7:46

'Ix ya'n win rey Salomón tz'acxoc 'a smoldeal 'a scal arena, 'a lum chab'ic lum 'ay 'a span̈nil sti a Jordán, 'a snan̈l Sucot yet' Saretán.

Job 40:23

Wach'xam tzq'uib' a a 'a yol sb'e no', palta matz xiw no', toxn̈ej tz'och chel-loc a 'a sn̈i no', toc 'ay tzna no'.

Salmos 107:34

A lum lum 'ay syaxil sat, tzyac' jelmjoc sat lu'um yic man̈x 'a sb'al tzyac'a; yuj smul eb' 'anma cajn 'a sat lu'um, 'ixta tz'aji.

Is 15:5

Caw wal tzcus in c'ojl yuj eb' 'aj Moab; a eb' 'anma 'a jun chon̈b' cha, 'oj 'at eb' 'eloc. Atta 'oj c'och eb' scol sb'a 'a Zoar, masnto 'oj c'och eb' 'a Eglat-Selisiya. 'Oj q'ue'choc eb' 'o'c 'a lum tzaln Luhit; yet' 'aj tz'ec' sb'el Horonaim. Caw wal ji'jmtac yoc' eb' yab'n syal tas tzjaw 'a yib'n̈ cha.

Is 51:3

'Ixta 'oj wutc wa'n in wach'c'ojlal an Jehová in 'a yib'n̈ eb' 'aj Sión, atn jun chon̈b' mac'b'il 'ejm lan̈chjoc. A eb' lum tacn̈ lu'um, 'oj 'och eb' lum yaxlumal, 'icha lum 'aj 'ay te 'awb'ente 'a Edén. Cojxn tzaljc'ojlal, b'it yet' alj yuj diosal 'ay 'ayn ta'.

Jeremías 48:34

A eb' 'anma 'aj Hesbón, caw tz'el yaw eb' yuj yailal. Tzc'och yel yaw eb' 'a Eleale yet' 'a Jahaza. Tzc'och pax yel yaw eb' 'a Zoar masnto 'a Horonaim, yet' pax 'a Eglat-selisiya, an̈jtona eb' a spac'b'a 'a Nimrim 'ix tup chan̈ eb' a'.

Ez 16:46

A 'ix b'ab'l 'ix cha, tzyal 'el'chi atn chon̈b' Samaria 'ay 'a stojlal norte yet' yaldeail; ax 'ix tza'n 'ix, tzyal 'el'chi atn chon̈b' Sodoma yet' yaldeail 'ay 'a stojlal sur.

Ez 16:49

Yaj jun tzo'n̈ smul chon̈b' Sodoma yet' yaldeail. Caw wal sb'an̈ sb'a yet' tas 'ay 'a 'a. Til wal tas tzc'uxu, caw wach' yaji, palta ma'ix colwj jac 'a eb' meb'a', yet' 'a eb' 'anma may tas tzc'uxu.

Ez 28:13

A 'a scal te 'awb'ente 'a Edén, ata 'e'nc ach cajan, ax jun tzo'n̈ q'uen wach' yilxi, a eb' 'aych yelwnub'loc a pichul, atn eb' q'uen tic: Q'uen rubí, q'uen crisólito, q'uen jade, q'uen topacio, q'uen cornalina, q'uen jaspe, q'uen zafiro, q'uen granate yet' q'uen esmeralda. Ax tas yamjnac jun tzo'n̈ q'uen cha, nab'a oro. A jun tzo'n̈ tic lista xon yaj eb' yictax ach in b'on cani.

Ez 31:8

May junc te c'ute 'a scal yawb'ente Dios tztac' slajb'tzan sb'a yet'oc; may junc te taj lajn tz'aj sc'ab' yet' sc'ab' cha, may pax junc te castaño lajn xil yet'oc, may xon wal junc te te chi lajn swach'l yilx 'icha jun te cha.

Ez 31:9

A Dios xb'on jun te cha, man̈x jantcoc swach'l yilx yet' sc'ab'; ax eb' te 'awb'ente yic Dios 'a lum Edén, caw tzchichn 'och eb' te 'a 'a.

Ez 47:18

A smon̈jonal lum 'a stojlal 'aj tzq'uel c'u, tz'atn̈j 'a chon̈b' Haurán yet' 'a chon̈b' Damasco masnto 'a chon̈b' Tamar jun 'ay 'a sti a Mar Muerto. Tz'ejmn̈ej jun mon̈jon chi 'a sti 'a Jordán, atn jun a chi 'aych smon̈jonalc lum chon̈b' Galaad yet' lum Israel.

Jl 2:3

Lajn wal no 'icha te c'ac', c'uxn tzsatl smasnil yu'uj. A wal yic mantzac jaw e no', man̈x jantcoc swach'l yilx lum lu'um, 'icha wal yilx lum Edén. Ax yic 'oj lajwc ye'cn no', lajn 'oj 'ajcn lum 'icha lum cusltac lu'um. Man̈x 'a jac 'oj colchjoc cani.

Dt 34:3

An̈jtona', tzcot lum 'a Négueb, masnto tzc'och lum 'a ya'lical sti a Jordán, yet' lum ya'lical Jericó to nab'a palma, masnto tzc'och lum 'a Sóar.