Gn 11:7 - Chuj San Sebastian Bible

⁷ Ax ticnec, 'em coyc 'a scal eb', ca'c somchjoc 'el sti eb', yic wach' man̈xtoc 'oj yab'lac eb' sti', xchi.

Chuj San Mateo Bible

⁷ A ticnaic, con̈ emec d'a scal eb' yic sco somchitan sti' eb', yic vach' man̈xo ol nachajel yuj eb' tastac syal junjun, xchi Jehová chi'.

Gn 11:7 ပူးပေါင်းရင်းမြစ်များ

Gn 1:26

Xyaln pax Dios 'ixtic: A ticnec qui b'oc 'anma 'icha on̈c tic, sec wach' a tzyac' yajlil 'a yib'n̈ no chay 'ay 'a yojl a mar, 'a yib'n̈ smasnil no ch'ic, 'a yib'n̈ no cajb'en noc', 'a yib'n̈ no calte'al noc', yet' 'a yib'n̈ no tzjuc sb'a 'a sat lum lum tic, xchi.

Gn 10:20

A eb' tic yin̈tl win Cam eb', junjn c'aj eb' yet' yin̈til, junjn c'aj eb' yet' slu'um, junjn c'aj eb' yet' sti'.

Gn 10:32

Smasnil jun tzo'n̈ 'anma tic, yin̈tl eb' yunnal win Noé, junjn c'aj eb' yet' yin̈til. A yic xlajw can 'ec' jun owl yaxn̈ab' cha, 'ix sactzic can eb', 'ix 'och eb' chon̈b'al 'a yolyib'n̈q'uinl tic.

Gn 10:5

A eb' tic, yin̈tl Jafet eb' smasnil. Ata x'aj cajn eb' 'a stitc a mar, junjn c'aj eb' yet' slu'um, junjn c'aj eb' yet' sti'.

Gn 11:5

Ax Jehová, 'ix 'eml wul yil jun chon̈b' cha, yet' jun torre tzb'o eb' cha.

Gn 3:22

Xlajw cha, xyaln Jehová Dios: A ticnec 'icha 'on̈c tic, 'ixta x'aj eb' 'anma tic, xnachj 'el tas wach' yet' tas tu yuj eb'. Ax ticnec, slot laj eb' sat te te tz'a'n q'uinal, ax spitzw can eb' 'a smasnil tiempo, xchi.

Gn 42:23

Ma'ix nachj 'el xon yuj ewinac toto wan yab'n José tas wan yaln eb' cha, yujto a 'a sti eb' 'aj Egipto tzpaxtini, chuc win tz'a'n 'och sti eb' a 'a.

Job 12:20

Ax eb' 'ichmtac winc yipc'ojlal ya'n junc nab'en, sictac xoj tz'ajcn eb', 'ixta pax eb' 'aych yopiso sb'eyc'ojlwi, tz'ijx 'ec' sjelnal eb' cha.

Salmos 2:4

Ax Jehová Syajlil satcha'an̈, ton̈j tzewj yuj eb', tzlaj b'uchx eb' yu'uj.

Salmos 33:10

A tztenn juwc smasnil tas tzlaj cob' sna eb' 'anma sb'o', atn eb' man̈ schon̈b'oc.

Salmos 55:9

Mamin, satcn 'el eb' 'ajc'ojl cha, 'ac' somchjoc 'el eb', yujto may sniwnc'ojlal eb'. Cojxn̈ej owl tzwil sb'on eb' 'a yol chon̈ab'.

Ex 4:11

'Ix ta'w pax Jehová, 'ix yaln 'ixtic: —An xwala, yuj cha, tztac' spaxtin eb' 'anma', an xwala, yuj cha, 'ay eb' chacan̈, 'ay eb' matz uj spaxtini, 'ay eb' matz uj yilni, 'ay eb' wach' yilni.

Is 33:19

Man̈x b'a'n̈ 'oj eyil jun tzo'n̈ eb' b'an̈quintac chi 'a e cal, atn eb' chuc til tzyala, may mach tz'ab'n tas tzyal eb'.

Is 6:8

Xlajw cha, xwab'n yaln Cajlil 'ixtic: ¿Mach wal junc 'oj in chec ticnec? ¿mach wal junc tz'och qui checb'oc? xchi. Yuj cha, in ta'w 'a 'a: Waj Mamin, tztac' in a checni, xin chi.

Jeremías 5:15

Tzyaln pax Jehová 'ixtic: Ex yin̈tl can Israel, a wal jun chon̈b'al eb' 'anma caw najt 'ay, a eb' 'oj wi' cot 'ayex, atn eb' 'anma caw 'ay yip, eb' 'ayc' xon 'a yictax pecti', eb' man̈ eyojcoc sti', ma'oj eyab' xon tas 'oj yal eb'.

1 Co 14:23

Q'uinloc tzeyam e b'a e masnil ax creyente ex ta ticnec. Q'uinloc c'uxn tzex laj paxtin e masnil 'a jun tzo'n̈ chucchc ti'al. Toto tz'och junc man̈ creyenteoc 'a e cal, toto man̈ yojcoc, tas yaj jun quiquec tic, tecn 'oj yal 'ixtic: 'Icha to owya tzcot 'a sjolm eb' tic, 'oj schioc.

Dt 28:49

A junc nacion̈al eb' 'anma caw najt 'ay 'a slajb' yolyib'n̈q'uinl tic, a 'oj yi' cot Jehová 'ayex. 'Icha wal sjelnal sb'ey junc no salt'iw yic tzjen̈wj no', 'ixta 'oj 'aj sjaw eb'. Chuc sti eb', ma'oj eyab' tas tzyal eb'.