Gn 11:30 - Chuj San Sebastian Bible

³⁰ A 'ix Sarai cha, man̈ 'unewumoc 'ix.

Chuj San Mateo Bible

³⁰ A ix Sarai chi' max unevilaj ix.

Gn 11:30 ပူးပေါင်းရင်းမြစ်များ

Gn 11:31

Xlajw cha, 'ix 'el Taré 'a yol chon̈b' Ur 'a yol yic Caldea, yic tz'at 'a yol yic Canaán. 'Ix yi'n 'at jun yunnal yet'oc atn Abram, 'ix yi'n pax 'at Lot, atn win yixchiquin, win yunnal can win Harán, yet' 'ix yalb' winac, tzcuch Sarai. Xc'och eb' 'a chon̈b' Harán, ata 'ix can cajn eb' ta'.

Gn 25:21

A 'ix Rebeca cha, may yune 'ix, ax Isaac xleslwi 'a Jehová yic tzya'n Dios yunnal eb'. Ata xyab' Jehová slesal, yuj cha, scuchn chan̈ 'ix Rebeca chi yune b'i'an.

Gn 29:31

Ax xyiln Jehová to tzchab'c'ojlej Jacob 'ix Lea, yuj cha, 'ix yalni, to tz'unewi 'ix, ax pax 'ix Raquel may yune 'ix.

Salmos 113:9

Ax eb' 'ix 'ix may xon yune', 'oj tzaljoc eb' 'ix yic 'oj 'och eb' 'ix nunb'ilal. ¡Alx cab' wach' paxti 'a Jehová!

Lc 1:36

'Ay jun 'ix ecan Elisabet sb'i, caw chichm 'ix xo, palta 'oj 'aljoc jun swinc 'unin. Tzyal eb' 'anma', to may xon b'a'n̈ 'oj 'aljoc junc yune', palta swacl xo 'uj scuchn chan̈ 'ix yune ticnec.

Lc 1:7

May junc yunnal eb' yujto matz 'unewi xon 'ix, 'ichm 'anma xo pax eb' schawn̈il.

Jueces 13:2

A 'a chon̈b' Zora 'a scal eb' yin̈tl Dan, ata 'ay jun winc Manoa sb'i. A 'ix yistzil winac, may xon yune 'ix, yujto man̈ 'unewumoc 'ix.

A Ch'an̈ B'ab'el Libro Samuel 1:2

A win tic, chawn̈ yistzil winac, Ana sb'i jun 'ix, Penina sb'i junx 'ix. A 'ix Penina cha, 'ay yune 'ix, ax pax 'ix Ana cha, may yic 'ix.

A Ch'an̈ B'ab'el Libro Samuel 1:5

Palta ax 'a 'ix Ana cha, a no chib'j caw wach' tzya'cn win 'a 'ix, yujto caw wal 'ay schamc'ojlal win 'a 'ix, wach'xam may yune 'ix tzyac' Jehová.