Gn 10:32 - Chuj San Sebastian Bible

³² Smasnil jun tzo'n̈ 'anma tic, yin̈tl eb' yunnal win Noé, junjn c'aj eb' yet' yin̈til. A yic xlajw can 'ec' jun owl yaxn̈ab' cha, 'ix sactzic can eb', 'ix 'och eb' chon̈b'al 'a yolyib'n̈q'uinl tic.

Chuj San Mateo Bible

³² Masanil juntzan̈ anima tic, a eb' yuninal vin̈aj Noé ay yin̈tilal eb', junjun macan̈ yin̈tilal eb' yed' smacb'en. Ayic ix lajvi yec' jun oval a' mucvajum chi', ix saclemcanb'at eb'. A d'a eb' tic ix pitzvi juntzan̈ nación ay d'a yolyib'an̈q'uinal tic.

Gn 10:32 ပူးပေါင်းရင်းမြစ်များ

Gn 10:1

A jun tic yab'xil eb' yunnal Noé, atn sb'i eb' tic: Sem, Cam yet' Jafet. Yic 'ix lajw 'ec' niwquil owl yaxn̈ab', 'ix laj 'alj yunnal eb'.

Gn 10:20

A eb' tic yin̈tl win Cam eb', junjn c'aj eb' yet' yin̈til, junjn c'aj eb' yet' slu'um, junjn c'aj eb' yet' sti'.

Gn 10:25

A Heber 'ay chawn̈ yunnal, Peleg sb'i jun winac. A 'a yol stiempoal win tic, ata 'ix pucx can 'at eb' 'anma 'a sat lum lum tic. Ax junx yu'tac cha, tzcuch Joctán.

Gn 10:31

Atn eb' tic yunnal Sem, junjn c'aj eb' yet' yin̈til, junjn c'aj eb' yet' slu'um, junjn c'aj eb' yet' sti'.

Gn 10:5

A eb' tic, yin̈tl Jafet eb' smasnil. Ata x'aj cajn eb' 'a stitc a mar, junjn c'aj eb' yet' slu'um, junjn c'aj eb' yet' sti'.

Gn 11:1

A 'a yic pecti', junn̈j sti eb' 'anma tzyala. 'Ix 'el eb' 'a lum lum 'ay 'a stojlal 'aj tzq'uel c'u, ax x'aji, 'ix 'ilchj jun niwquil pan̈n yuj eb' 'a yol yic Sinar, ata 'ix can cajn eb'.

Gn 9:1

'Ix yaln can Dios wach' paxti 'a yib'n̈ Noé, yet' 'a eb' yunnal. 'Ix yaln 'a eb' 'ixtic: Niwtj cab' 'el eyunnal, 'a'c b'ut'joc sat lum lum tic.

Gn 9:19

Atn 'a ewin 'oxwn̈ tic, xcot yin̈tl eb' 'anma sactzicnac yaj 'a sat lum lum tic.

Gn 9:7

Ax xo tic, niwtj cab' eyunnal, b'ut'j cab' 'el yolyib'n̈q'uinl tic eyu'uj, xchi Dios.

Job 15:19

A eb' 'ichmtac winc cha, atn 'a eb' 'ac'b'il can lum lum tic, may eb' chuc chon̈b'al scalj sb'a yet' eb'.

A Tas Sc'ulejnac Eb' Schecab' Jesús Hechos 17:26

Atn b'ojnac jun b'ab'l winac, yin̈tl junjn chon̈b'al. Yuj cha, 'ayn̈j 'anma 'a smasnil yolyib'n̈q'uinl tic. An̈j tzalni, 'aja tiempoal tzq'ue wan junjn chon̈b'al. A tz'a'n slugar junjn chon̈b'al eb' 'anma 'aj tzcan cajan.