Gn 10:22 - Chuj San Sebastian Bible

²² Eb' yunnal Sem, atn Elam, Asur, Arfaxad, Lud yet' Aram.

Chuj San Mateo Bible

²² A eb' yuninal vin̈aj Sem chi', aton vin̈aj Elam, vin̈aj Asur, vin̈aj Arfaxad, vin̈aj Lud yed' vin̈aj Aram.

Gn 10:22 ပူးပေါင်းရင်းမြစ်များ

Gn 10:21

A Sem atn sb'ab'l 'u'tac Jafet, 'ay pax yunnal x'alji, smasnil eb' yin̈tl Heber, ata cotnc yin̈tl eb' 'a Sem.

Gn 11:10

Atn yab'xil eb' yin̈tl win Sem tic: Jun ciente ab'il xo sq'uinl Sem 'a jun tiempoal cha, yic x'alj jun yunnal Arfaxad sb'i, 'a yic schab'l ab'il xo ye'cn owl yaxn̈ab'.

Gn 9:26

'Ix yaln pax win 'ixtic: Ya' cab' Jehová in Diosal syaxilal 'a yib'n̈ ni Sem, ax ni Canaán tz'ochcn mosoal 'a na.

A Ch'an̈ Schab'il Libro Yic Yab'ixal Eb' Rey 15:19

ata 'ix jaw win Pul sreyl Asiria yet' eb' soldado yac' owl yet' Israel. Yuj cha, 'ix yac' Menahem 750 quintal q'uen tumn plata 'a win Pul cha yic tz'och win yet'oc, sec wach' te'n yaj 'a yopiso.

Job 1:17

Mantzac wal lajw yaln win cha, 'ix jaw junx winac, xyaln 'ixtic: —'Ay 'oxc'aj ewin caldeo 'ix c'och yac' owl quet' on̈, smiln cham ewin eb' yilmal e no cameyo, 'ix yelc'n 'at ewin e no'. Cojxn̈ej in 'elcni yic tzwul walnc ab' jun tic, xchi winac.

Is 11:11

A 'a jun tiempoal cha, ata 'oj sch'oxx Cajlil spoder 'a jun tzo'n̈ nacion̈ cha, ax smolb'tzan paxt eb' schon̈b' sactzicnac yajcn 'ati. 'Oj paxtc eb' 'aycn 'at 'a Asiria, 'a Egipto, 'a Patros, 'a Etiopía, 'a Elam, 'a Sinar, 'a Hamat yet' 'a jun tzo'n̈ xo chon̈b' 'ay 'a sti a mar.

Is 21:2

Caw wal 'ay xo smay jun tas x'ajx wil tic 'a 'icha waychil. A mach toxn to tu snab'en, caw tu tas tzb'o'o, a mach milwjum xoni, caw tzmilwjn̈ej. 'Ixquec mu'c 'a owl ex 'aj Elam, ex 'aj Media, 'ochn̈ec oyn 'a chon̈b' Babilonia. Smasnil jun tzo'n̈ yailal xya'ch Babilonia cha, c'uxn 'oj 'och wan yuj Jehová.

Is 22:6

A eb' 'aj Elam, wan sb'on eb' sjul-lab', 'ayx 'och eb' 'a yol scaruaje, 'ayx q'ue pax eb' 'a yib'n̈ schej; ax pax eb' 'aj Kir, wan yi'n 'elt eb' smacl sat jul-lab' tzc'anlb'ej.

Is 66:19

'Ay jun senya 'oj in ch'ox yil eb', 'oj wac' 'elcn jaywn̈oc eb' 'a scal owl cha, ax in checn can 'at eb' 'a jun tzo'n̈ nacion̈ tic: 'Ay eb' 'oj c'och 'a Tarsis, 'a Libia, 'a Lidia, atn jun chon̈b' chi 'aj caw jeln eb' 'anma sjulwji. 'Ay pax eb' 'oj c'och 'a Tubal, 'a Grecia yet' 'a jun tzo'n̈ chon̈b' 'ay 'a sti a mar. A eb' 'anma cha, may 'aj tzyab' eb' in b'inaxi, may pax 'aj tzyil eb' in poder. A 'a jun tzo'n̈ nacion̈ xwal tic, ata 'oj wac' yal-l eb' 'anma chi wab'xil.

Jeremías 25:25

'Ix wa'n 'a smasnil eb' rey 'a chon̈b' Zimri, 'a Elam, yet' 'a Media,

Ez 32:24

Ata mucb'il win sreyl chon̈b' Elam, oyn 'och smasnil eb' soldado 'a stz'ey, atn eb' chamnc yuj owal. Teln 'ec' sniwnal win 'a scal eb' 'anma chamnc yuj owl cha, atn eb' man̈ wico'oc, eb' 'a'jnac 'ejm xiwc'ojlal 'a scal eb' 'anma 'a yolyib'n̈q'uinl tic, palta man̈x 'a yel'ch x'aj sc'och eb' 'a scal eb' chamnc cha.

Dn 8:2

A wal xwutj wilni, 'icha wal to 'ayn 'ec' 'a chon̈b' Susa, jun 'ay 'a yol yic Elam 'a sti a niwn a Ulai sb'i.

Nm 23:7

Xlajw cha, 'ix syamn 'och Balaam yaln 'ixtic: Atta 'ayn 'ec' 'a jun lum witz 'a stojlal 'aj tzq'uel c'u, 'a yol yic Aram, yic in ya'n 'ijxoc cot Balac sreyl Moab. 'Ix yaln 'ixtc 'ayin: Lem, cotn̈ muc'uc, wul catb'tzej can eb' israel tic, alcn 'el tu paxti 'a yib'n̈ eb' yin̈tl Jacob, xchi 'ayin.

Nm 24:22

palta 'oj satl e chon̈ab', ax jantc to ex ma'oj e chami, 'oj ex yi'cn 'at eb' 'aj Asiria 'a 'icha presoal, xchi.

A Tas Sc'ulejnac Eb' Schecab' Jesús Hechos 2:9

A 'a qui calec, 'ay mach 'aj Partia, 'aj Media, 'aj Elam, 'aj Mesopotamia, 'aj Judea, 'aj Capadocia, 'aj Ponto, yet' 'a yol yic Asia.