Gl 6:9 - Chuj San Sebastian Bible

⁹ Yuj cha, caw wach'n̈j tzcutjec qui b'eyb'al 'a smasnil tiempo, matz tac' qui tzactzjec. Toto matz cactjec can qui wach' b'eyb'al tic, ax yic 'oj jawc stiempoal, ax qui chanec spac.

Chuj San Mateo Bible

⁹ Yuj chi' vach'n̈ej scutej co b'eyb'al d'a masanil tiempo, max yal tzon̈ tzactzaji. Tato max cactejcan co c'ulan vach'il, ayic ol ja stiempoal, ol co cha spac.

Gl 6:9 ပူးပေါင်းရင်းမြစ်များ

Gn 29:7

Xyaln Jacob 'ixtc 'a eb': —Chan̈to c'u, ¿tas yuj man̈toc ton̈j tzeyac' yuc' e no a', tze tan̈wni swa e no jac xo? xchi 'a eb'.

Salmos 104:27

Smasnil jun tzo'n̈ noc' cha, tan̈b'il yuj e no', 'aja yorail tzac' tas tzc'ux e no'.

Salmos 126:5

A eb' tz'aw yet' scusc'ojlal, ax yic 'oj smolnoc chan̈ eb' sat yawb'en cha, caw 'oj tzaljoc eb'.

Salmos 145:15

Tan̈b'il yuj smasnil 'anma', janc' tzac' tas tzc'ux eb' 'a 'icha yorail.

Pr 11:18

Toto maysch'olnil tz'el sb'on junc mach, 'oj scha spac, atn tas man̈ nib'b'ilc yu'uj; ax toto wach' tas tzb'o'o, a wal tas yel xo wach', a chi 'oj scha spacoc.

Ec 11:1

A ticnec 'ela cab' tzcutjec qui b'a, ax yic jaye c'u ax qui chanec pax spac.

Lv 26:4

to 'ixta', 'oj wa' cot n̈ab' 'a 'icha stiempoal, ax syaxb' sat e lu'um. 'Oj yac' eyawb'en sat smasnil.

Sofonías 3:16

A 'a yic jun tiempoal cha, 'oj alxc 'ixtc 'a chon̈b' Jerusalén: Ex 'aj Sión, man̈x ex xiwoc, man̈x 'el cab' yip e c'ab' yuj xiwc'ojlal.

Malaquías 1:13

'In tzeyal 'ixtic: Caw tzon̈ tzactzj c'och yet' jun tzo'n̈ tic, xe chi, tzin e patquiln can 'eli. Tzeya'n pax cob' e xajmb'al chi 'ayin, a no noc' 'elc'b'il eyu'uj, no wecchjnac, yet' no ya'ay, a chi tzeyac'a. ¿Tom 'oj in cha jun tzo'n̈ chi 'ayx e nani?

Mt 10:22

Smasnil 'anma 'oj chichnc 'och 'ayx wu'uj. Palta a eb' 'oj 'a'nc techjoc smasnil jun tzo'n̈ cha masnto 'a slajub', 'oj colchjoc eb'.

Mt 24:13

Palta a mach caw te'n tzyutj sb'a masnto 'a slajub', atn eb' chi 'oj colchjoc.

Mt 25:17

'Ixta pax win xchan chab' talento, 'ix yac' ganar win chab' xo.

Mt 9:19

Yuj cha, xq'ue wan Jesús, 'ix 'at yet'oc. 'Ix 'at pax eb' scuywum yet'oc.

Mr 3:3

'Ix yaln Jesús 'ixtc 'a win sicb'nac 'el sc'ab' cha: —Cotan̈, jawn̈ lin̈n 'a qui tz'ey tic on̈, xchi 'a winac.

Lc 18:1

'Ix yal Jesús junx 'ab'x 'a eb' scuywum, yic tzyaln yab' eb', to wach' tzleslwi eb' 'a smasnil tiempo, man̈ comnoc tzactzj eb'.

Ro 2:7

'Ay eb' 'oj yac' sq'uinl 'a jun 'ejmn̈ej. Atn eb' te'n tzyutj sb'a sb'on jun tzo'n̈ wach'il, yujto tznib'j eb' tza'wni swach'l 'icha swach'l Dios. Tznib'j eb' to 'ay yel'ch eb' 'a sat, tznib'j pax eb' tzchaj sq'uinl 'a jun 'ejmn̈ej.

1 Co 15:58

Yuj cha, ex wu'tac, ex wanb' chamc'ojlb'il wu'uj, caw te'n tzeyutj e b'a. Man̈ e choyb'tzoc e b'a. Yet' smasnil e c'ojol, tzex munlj 'a yic Cajlil 'a smasnil tiempo, yujto eyojc xoni, a jun munljel tzqui b'o 'a yol sc'ab' Cajlilec, caw man̈ nab'an̈ejoc.

2 Co 4:1

Yuj cha, caw matz on̈ tzactzj on̈, yujto x'o'ch sc'ojl Dios 'ayn̈ on̈, xya'n jun copiso tic on̈.

2 Co 4:16

Yuj cha, caw may 'aj tzon̈ tzactzj on̈. Wach'xam wan yichmax qui niwnal tic on̈, ax qui pixn on̈, 'ipn ya'tb'i 'a junjn c'u tzcab' on̈.

2 Co 9:6

Tze na cot junx 'oj walb't tic. A eb' jab' wal tzyawej, jab' wal tzjach' eb'. Ax eb' niwn tzyawej, niwn tzjach' eb'.

Ef 3:13

Yuj cha, tzin tew 'at 'ayex, man̈ eyac' somchjoc e nab'en yuj jun yailal 'aych 'a wib'n̈ e mul eyujoc tic. A jun tzo'n̈ yailal tzwab' syal eyuj tic, a tzch'oxni, to caw niwn eyel'ch 'a sat Dios.

Dt 11:14

toto 'ixta', 'oj ya' cot b'ab'l n̈ab', ax ya'n cot pax schab'l n̈ab' 'a 'icha xon stiempoal, sec wach' tz'aj e trigo, eyal uva yet' eyaceite.

2 Ts 3:13

Ex wu'tac, ex wanab', man̈ ex tzactzjoc e b'on jun tzo'n̈ wach'l chi ta'.

A Ch'an̈ Carta D'a Eb' Hebreo 12:3

Yuj cha, caw tze na cot sb'eyb'al Jesús, chajtl xyutj ya'n techjoc yic yab'n syal yuj eb' maysch'olnil. Toto 'ixta', ma'oj e tzactzji, ma'oj somchjc 'el e nab'en.

A Ch'an̈ Carta D'a Eb' Hebreo 12:5

Tecn 'ix sat e c'ojl 'a tas yaljnac can Dios 'ayn̈ec, yic ya'n qui nab'enec, yujto yunnaln̈ec xo. Yaljnac 'ixtc 'a Ch'an̈ U'un̈: Ach wunnal, a yic tzach ya'n cuenta Jehová, man̈ a na' to may yel'chi. Man̈ ach tzactzjoc, yic tzach stenn 'och wa'an.

A Ch'an̈ Carta D'a Eb' Hebreo 3:14

Yujto yictax b'ab'el, ca'jnaquec 'och yipc qui c'ojol. Toto an̈ja te'n tzcutjec qui b'a ca'n 'och yipc qui c'ojol, masnto 'a slajub', to 'ixta', 'ay calnec quic yet' Cristo.

A Ch'an̈ Carta D'a Eb' Hebreo 3:6

Palta ax Cristo, yiclum yutjnac sb'a, yujto Yunnal Dios. A 'aych Yajlil 'a yib'n̈ eb' yunnal xo Dios yet'oc. Toto te'n tzcutjec qui b'a ca'n 'och qui c'ojl 'a 'a, toto tzon̈ tzalji, tzca'nec 'och yipc qui c'ojol, [masnto 'a slajb' qui q'uinal,] to 'ixta', yunnaln̈ec xo Dios tzyal cha.

Santiago 5:7

Palta ax xo wu'tac, wanab', 'a'c niwnc'ojlal e tan̈wni, masnto 'oj jawc Cajlilec. 'Iltec eb' munljum, tztan̈wj eb' yel-l smunljel, atn jun sat caw 'ay tz'och yuj eb'. Tz'ec' jun b'ab'l n̈ab', masnto tzlajw 'ec' n̈ab'lq'uinal, palta tzyac' eb' niwnc'ojlal 'a smunljel cha.

A Sb'ab'el Carta San Pedro 2:15

Tznib'j Dios, caw wach' tzcutjec qui b'eyb'al, sec wach' a eb' may snab'en, man̈x 'oj stac' yaln eb' jun tzo'n̈ tas may yel'ch 'a qui patquec.

A Sb'ab'el Carta San Pedro 3:17

Yel xo wach' tzcab'c syal yuj qui wach' b'eyb'al, toto 'ixta tz'el 'a sc'ojl Dios. Ax toto yuj qui tu b'eyb'al, tzcab'n syail, caw nab'an̈ej.

A Sb'ab'el Carta San Pedro 4:19

Yuj cha, a yic tzjaw junc yailal 'a quib'n̈ec 'icha tznib'j Dios, yowlal an̈ja wach' tzcutjec qui b'eyb'al. Tzca'nec qui b'a 'a yol sc'ab' jun b'ojnacn̈ec, yujto a jun cha, tz'el'chn̈ej tas tzyala.

Apoc 2:17

Jantcn̈ej eb' tz'ab'ni, ya' cab' 'och eb' schicn 'a tas tzyal Espíritu 'a junjn iglesia. A eb' 'oj 'a'nc ganar ya'n techjoc, 'oj wac' swa eb' jun maná c'ub'b'il 'eli. 'Oj wac' pax junjn q'uen caw sac 'a eb'. Ax 'a junjn q'uen cha, tz'ib'b'il 'och jun 'ac' b'i may mach 'ojtnac. Cojn eb' 'oj chanc yico', a eb' 'oj 'ojcanc 'el jun cha, xchi.

Apoc 2:3

Caw niwn tzeyutj e c'ojol. Til wal yailal xeyab' syal wu'uj, palta ma'ex tzactzji.

Apoc 2:7

Jantcn̈ej eb' tz'ab'ni, ya' cab' 'och eb' schicn 'a tas tzyal Espíritu 'a junjn iglesia. A eb' 'oj 'a'nc ganar ya'n techjoc, 'oj wac' slo eb' sat jun te te yic q'uinl 'a jun 'ejmn̈ej. A jun te cha, 'ayc' 'a jun paraíso yic Dios, xchi 'ayin.