Gl 4:2 - Chuj San Sebastian Bible

² yujto 'ay mach tz'a'n cuenta. 'Ac'b'ilt mandar masnto tzjaw jun c'ual tzyaln smam, to mun tzyique'ej sb'a.

Chuj San Mateo Bible

² Ayto mach tz'ac'an mandar, syilan tastac ay d'ay, masanto sja sc'ual ayic syalan smam to ay yalan yic d'a smasanil.

Gl 4:2 ပူးပေါင်းရင်းမြစ်များ

Dn 11:29

A yic 'oj c'och stiempoal tas nab'il yu'uj, ax s'atx yet' eb' soldado 'at yac' owl yet' jun rey 'ay 'a sur cha. Palta a 'a jun 'ejm xo cha, man̈x 'oj yac' ganar 'icha 'a b'ab'el.

Habacuc 2:3

Wach'xam a tas wan in ch'oxn 'aych tic, 'ayt sjaw stiempoal yuji, palta yowlal 'oj ujoc. Tan̈wj ela', wach'xam 'oj 'ec' tiempo, palta 'oj 'el'chn̈ej.

Jn 15:7

Toto junn̈j tzex 'ajcn wet'oc, toto 'aychn̈ej e nab'en 'a in paxti', c'anc tas tze nib'ej, 'oj 'ajxoc 'ayex.

1 Co 4:15

Toxn̈ej 'ay lajn̈e'oc mil e cuymal tzex cuyn 'a yic Cristo, palta junn̈j caw 'icha e mam yaji. An ton tic mamb'il waj 'ayex, yujto an in b'ab'l aljnac wach' 'ab'x 'ayx ta'.

Gl 3:24

Yujto a jun ley cha, yopiso on̈ ya'nec cuenta, masnto xjaw Cristo. A ticnec, wach'n̈ec 'a sat Dios, yujto ata tzca'c 'och qui c'ojol.

Gl 4:1

Tzin nib'j tzwalb't junx tic 'ayex. Q'uinloc 'ay junc 'unn ticnec, 'oj yico'oc can jantcn̈ej tas 'ay 'a smam. Wach'xam 'oj yico'oc can smasnil, palta a 'a yic yune to, caw lajn yaj 'icha junc moso man̈ yico'oc sb'a,

Gl 4:3

An̈jtona', 'ixta on̈ec. A 'a yic yalan̈, 'icha to 'unn on̈ec, yujto on̈ 'ajxec mandar yuj jun b'eyb'al yic yolyib'n̈q'uinl tic.