Ez 8:17 - Chuj San Sebastian Bible

¹⁷ 'Ix yaln pax 'ixtc 'ayin: Ach 'anma', 'ix el am wal tas tzb'o eb' 'anma tic. Man̈ cojnoc 'a chon̈b' Judá 'aj tzb'o eb' tas yajb'entac tic, palta to xb'ut'j 'el lum lum tic yuj smaysch'olnilal eb', 'icha to xc'och sjab' smul eb' chi 'a in n̈i', yuj cha, tzuntzn cot wal eb' yowl in c'ojol.

Chuj San Mateo Bible

¹⁷ Ix yalanxi d'ayin icha tic: Ach anima ¿toxom ix ila'? Man̈ocn̈ej d'a tic ay juntzan̈ tas yajb'entac sc'ulej eb' tic, palta toxo ix b'ud'jiel yol nación tic yuj sq'uechaan̈ eb' yixtan anima. ¿Toc junel chaeln̈ej stzuntzejcot yoval in c'ol eb'? Svab' val sjab' chucal sc'ulej eb' chi'.

Ez 8:17 ပူးပေါင်းရင်းမြစ်များ

Gn 6:11

A 'a sat Dios, man̈x yalnb'ilc maysch'olnilal tzb'o eb' 'anma 'a yolyib'n̈q'uinl tic, comn xoj tzlaj meltzj 'och eb' 'a yit 'anma'il.

Gn 6:13

Yuj cha, xyaln Dios 'ixtc 'a win Noé: Tox 'ix in na ticnec, to 'oj in satl smasnil eb' 'anma', yuj eb', tzlaj niwtj maysch'olnil 'a yolyib'n̈q'uinl tic.

A Ch'an̈ Schab'il Libro Yic Yab'ixal Eb' Rey 21:16

Caw 'ix 'och smul smasnil eb' 'aj Judá yuj jantcn̈ej maysch'olnil sb'o Manasés 'a sat Jehová; til wal 'anma may smul 'ix ya' milxoc, 'ix b'ey schic'l eb' 'anma chi 'a smasnil yol yic Jerusalén.

A Ch'an̈ Schab'il Libro Yic Yab'ixal Eb' Rey 24:4

yet' yuj eb' 'anma may smul 'ix yac' milxoc 'a Jerusalén. Yuj cha, man̈xtoc 'ix yac' Jehová niwnc'ojlal.

Jeremías 19:4

Yujto in eyactjcani, xeya'n can 'och jun lum tic slumoc jun tzo'n̈ chuc diosal. 'Ix eya'n tz'a incienso 'a jun tzo'n̈ comn dios cha, jun tzo'n̈ to man̈ eyojcoc, an̈jtona eb' e mam eyicham, yet' pax eb' e reyal, man̈ yojcoc pax eb'. Caw niwn eb' 'anma may smul xe mil chamoc.

Jeremías 20:8

A yic tzin paxtin 'a eb' 'a junjn 'ejem, tzwaln 'ixtc 'a eb': 'Oj jawc yailal 'a eyib'an̈, 'oj e lajw 'eli, xin chi 'a eb'. Yuj wal cha, 'ayn̈j 'och eb' yaln tu paxti 'ayin, tzin sb'uchn pax eb', yujn̈ej to tzwal-l a paxti'.

Jeremías 44:3

yuj wal smaysch'olnilal eb' 'anma x'el sb'oni. 'Ix stzuntzj cot eb' yowl in c'ojol, yujto 'ix yac' 'ejm sb'a eb' 'a jun tzo'n̈ comn dios, 'ix ya'n eb' incienso xajmb'al-l 'a jun tzo'n̈ cha, atn jun tzo'n̈ comn dios 'aj may yaln eb' yico', an̈jtona ax tic, yet' eb' e mam eyicham, may xon eyaln eyic 'a jun tzo'n̈ cha.

Jeremías 6:7

A wal 'a Jerusalén chi tzpitzw chan̈ maysch'olnilal, 'icha wal spac' junc a a'. Cojxn 'ixtj 'anma', miljb'a'il. Axn̈ej yab'il yet' lajwel tzwiln̈j 'a scal eb' chon̈ab'.

Lm 1:5

A eb' 'ajc'ojl yajch 'a 'a, 'ix 'ajx ganar yuj eb', a eb' 'ajc'ojl cha, caw wal tzq'ue'ch eb'. A Jehová a 'ix 'a'n 'och syailal jun chon̈b' tic, yujto caw niwn maysch'olnil 'ix sb'o'o. A eb' 'anma cajn 'a 'a, tox 'ix 'ijx 'at eb' 'icha presoal yuj eb' 'ajc'ojl cha.

Ez 11:6

Caw wal tzniwtj chaml 'a yol e chon̈ab', b'ut'n yoltc caye yuj eb' 'anma tze mila.

Ez 16:26

'Ix sb'o 'ajmulal yet' eb' 'aj Egipto, yujto caw wal pec' eb' 'a 'ajmulal cha, caw wal xniwtj sayn smuloc, yuj cha, stzuntzn cot yowl in c'ojol.

Ez 18:12

Tzyixtj win eb' meb'a 'anma', tzyel'j win eb', matz yac' meltzj tas tzyactjcan junc mach yuj tas tzmajnj 'a winac, a 'a jun tzo'n̈ yechl comn dios 'aj tzya'ch snab'en, a tas yajb'entac a tzb'o'o.

Ez 23:25

Ax wa'n cot wal yowl in c'ojl 'a eb'an̈, 'oj wac' yi'l eb' a n̈i', a chiquin, ax eb' 'anma 'oj canoc, 'oj tzu'xoc cham eb' yet' q'uen espada. 'Oj stoc'c' eb' smasnil eb' 'anma', ax 'a slajub', ax ach sn̈usntz'a eb'.

Ez 28:16

Yujto caw xniwtj a chon̈, yuj cha, 'ix niwtj 'och pax maysch'olnil 'ayach, 'ix a'n 'och a mul. Atn yuj cha, ach wi'n 'el 'a wojltac, xwi'n 'ec' opiso yic tan̈wjumal cha. Ach wa'n pechxoc 'el 'a lum tzaln yic 'emmquilal, yet' 'a scal eb' q'uen q'uen tzictzni yilx cha.

Ez 45:9

An Jehová in, an tzwala: Ex yajl chon̈b' Israel, colb'l xo wal eyixtn eb' 'anma cha. B'ocyaj eb' 'anma 'a swach'il, tojl cab'n̈ej tzeyutj e b'eyc'ojlan eb'. 'Actjec eyi'n 'ec' slum eb' in chon̈ab'.

Ez 7:11

A maysch'olnil, caw wal xniwtj cha'an̈. Palta a eb' tzb'on maysch'olnil cha, man̈x 'a xon junc eb' 'oj canoc, man̈x 'a junc mach 'oj b'inaxc yuj tas 'ay 'a 'a.

Ez 7:23

'Ac' b'o jaye'oc q'uen cadena, yujto a 'a jun nacion̈ tic, til wal eb' ma'm cham 'anma 'oj jalxoc yet' q'ue'en. Caw wal b'ut'jnac 'el jun chon̈b' tic yuj maysch'olnil.

Ez 8:6

'Ix yaln 'ixtc 'ayin: Ach 'anma', ¿tzam el wal tas yajb'entac tzb'o eb' et israelal tic? Atn wal yuj jun tzo'n̈ tic, tzwi'n 'el in b'a 'a in cajnub', palta 'ayt wal tas yel xo wal yajb'entac 'oj in ch'ox ela', xchi 'ayin.

Ez 9:9

'Ix yaln 'ixtc 'ayin: A eb' israel yet' eb' 'aj Judá, yel xo wal niwn smul eb' 'a in sat, caw wal tzniwtj scham eb' 'anma 'a jun tzo'n̈ chon̈b' tic yuj jantcn̈ej maysch'olnil, yujto a snan eb' 'anma tic, to an Jehová in tic, matz wil tas tzb'o eb'.

Am 3:10

A Jehová a tzaln 'ixtic: Caw man̈ yojcoc eb' sb'on jac tas tojol. A 'a yol yatut eb', ata molb'il tas ton̈j tzyij 'ec' eb' 'a eb' 'anma', xchi.

Am 6:3

Ax tic matz e na wal jab'oc, toto wan sjaw jun c'u yic yailal. Palta yuj tas tze b'o'o, yuj cha, tzla'nb'i e q'uinal.

Miqueas 2:2

Toto tznib'j 'och eb' slum junc yit 'anma'il, tojln̈ej sto'n 'ec' eb', toto tznib'j 'och eb' junc n̈a, tojln̈ej yi'n 'ec' eb'. 'Ixta wal tz'aj yixtx eb' mamb'il yet' yunnal.

Miqueas 6:12

A jun tzo'n̈ eb' rico 'a scal eb' chon̈b' tic, caw 'elc'm eb', 'ixtm 'anma 'eb'. E masnil ex cajn 'a jun chon̈b' tic, caw 'a'm exn̈ej 'es.

Sofonías 1:9

An̈jtona', 'oj wa'ch pax syailal eb' cob' tz'a'n 'emmquilal 'ayin, 'icha tzyutj eb' chuc chon̈b'al ya'n 'emmquilal 'a sdiosal, to tz'och eb' 'a yol yet'l sdiosal chi yet' siylab', atn tas tzyij eb' 'a spatquil 'elc'al yet' 'a 'ixtj 'anma'il.