Ez 8:16 - Chuj San Sebastian Bible

¹⁶ In yi'n 'at 'a yol sti yamq'uil yatut Dios, ax 'a yol 'och sti puerta cha, 'a sla'nil 'aj 'ay yet'l xajmb'al, ata 'ay 25 eb' winac. A yichspatquil eb' 'aycn cot 'a stojlal yatut Dios, axta q'ueln 'at eb' 'a stojlal 'aj tzq'uel c'u, cumn 'ejm eb' yal sb'a 'a c'u.

Chuj San Mateo Bible

¹⁶ Ix lajvi chi' ix in yic'anb'at d'a jun yune' amac' ayoch d'a spatictac templo chi', aton d'a scal altar yed' sti' templo chi'. Ata' ayec' 25 eb' vin̈ vinac, a yich spatic eb' vin̈ aycanb'at d'a stojolal stemplo Jehová chi', q'uelanb'at eb' vin̈ d'a stojolal b'aj sjavi c'u, n̈ojanem eb' vin̈ d'a sat luum, ayoch eb' vin̈ ejmelal d'a c'u chi'.

Ez 8:16 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 8:29

Q'ueln achn̈ej cab' 'och 'a jun atut tic 'a junjn c'u yet' 'a junjn 'ac'wal, jun aljnac chajtlto a 'a yojl tic 'oj a b'inaxn̈ej. Yuj cha, maclj wal ab' in lesl an a checb' in tic.

A Ch'an̈ Schab'il Libro Yic Yab'ixal Eb' Rey 16:14

Ax pax jun yet'l xajmb'al to nab'a bronce 'ay 'a yojltac yatut Jehová, 'ix ya'n win rey Acaz 'ijxoc 'el jun chi 'a snan̈l jun 'a't yet'l xajmb'al yet' yatut Jehová, ax 'a stojlal norte 'a jun 'a't yet'l xajmb'al cha, ata 'ix yac' 'ejmi.

A Ch'an̈ Schab'il Libro Yic Yab'ixal Eb' Rey 21:5

'Ay wal jun tzo'n̈ xo yet'l xajmb'al 'ix yac' b'o Manasés cha 'a chab' yamq'uil yatut Jehová cha, yic tz'och win 'emmquilal 'a jun tzo'n̈ c'anal.

A Ch'an̈ Schab'il Libro Yic Yab'ixal Eb' Rey 23:11

'Ix ya'n pax win 'ijxoc 'el no chej 'aych yuj eb' sreyl Judá, yic tzya'n eb' 'emmquilal 'a c'u, 'ix ya'n win n̈usxoctz'a pax jun tzo'n̈ caruaje tzc'an eb'. Ata 'ayc' jun tzo'n̈ chi 'a jun 'amc' 'a sla'nil 'aj tzon̈ 'och 'a yol yatut Jehová, 'a stz'ey scuarto jun win 'ay yopiso tzcuch Natán-melec.

A Ch'an̈ Schab'il Libro Yic Yab'ixal Eb' Rey 23:5

Xlajw cha, 'ix yi'n 'el win rey eb' ya'mal 'och sti eb' 'anma 'a jun tzo'n̈ comn dios eb' 'ac'b'il yopiso yuj eb' rey 'a Judá, yic tzya'n tz'a eb' incienso 'a jun tzo'n̈ macsej 'ay 'a jolmctac witz yet' 'a sti 'el chon̈b' Jerusalén, atn eb' tz'a'n pax tz'a incienso 'a Baal, 'a c'u, 'a 'uj, yet' 'a smasnil c'anal.

2 Cr 29:6

Yujto a eb' qui mam quichmec, tenmtac yutjnac sb'a eb' 'a Jehová qui Diosalec, caw maysch'olnil sb'ojnac eb' 'a sat, yujto yactjnac can eb'. Yijnac 'el eb' snab'en 'a yatut, man̈x nanoc Jehová yuj eb'.

2 Cr 7:7

'Ix ya'n 'och Salomón yopiso spacl snan̈l 'amc' 'ay 'a yojltac yatut Jehová, sec ata tz'ajx tz'a xajmb'al to tz'a smasnil, yet' xepual no xajmb'al yic junc'ojlal. Yujto a jun yet'l xajmb'al nab'a bronce ya'jnac b'o'oc, man̈xtzac yab' 'aj tzq'ue jun tzo'n̈ xajmb'al chi 'a yib'an̈, atn yofrendail 'ixm trigo yet' xepual no xajmb'al cha.

Jeremías 2:27

'In tzeyal 'a junc te te 'ixtic: Ach tic, qui mam ach, xe chi. Tzeyaln pax 'a junc q'uen q'ue'en: Ach tic, qui nun ach, xe chi paxi. Ax 'ayin, a yich e patc tzeya'cn coti, man̈xtzac ex cot q'ueln 'ayin. Ax 'a yic tzjaw tzann̈j yab'ilal 'a eyib'an̈, tzeyaln 'ayn 'ixtic: ¡Cotan̈, colwjan̈ quet' on̈! xe chi.

Jeremías 32:33

Ma'ix cot q'ueln eb' 'ayin, palta to a yichspatc eb' xya' cot 'ayin. Wach'xam caw ma'ix 'och wan in cuyn eb', palta ma'ix schaj xon eb' yab'i', a tas 'aj xin tench wan eb', caw may yel'ch 'a sat eb'.

Jeremías 44:17

'Oj qui b'eylb'oc n̈ej tas 'ix qui nalb'ej qui b'oni. 'Oj ca'n̈j incienso yet' yal uva xajmb'al-l 'a 'ix syajlil satcha'an̈, 'icha wal tas wan qui b'on ticnec, 'icha pax ya'jnac eb' qui mam quicham yet' eb' qui reyal, yet' pax eb' syajlil chon̈b' 'a yol yic Judá yet' 'a yoltc scayeal Jerusalén. Yujto a 'a yic yaln̈taxi, caw 'ay tas tzqui c'uxu, wach'n̈j yec' cu'uj, may junc yailal xjaw 'a quib'an̈.

Jeremías 7:18

A eb' 'unnab'il tzsayn cot te c'atzitz, ax eb' mamb'il tzecn 'och te c'ac', ax eb' 'ix nunb'il tzb'on 'ixm c'oxox, yic tzya'n eb' ofrendail 'a jun comn dios tzcuch syajlil satcha'an̈. Caw tzuntzj cot eb' yowl in c'ojol, yic tzya'n eb' yal uva 'a jun tzo'n̈ chuc diosal.

Jeremías 8:2

Ax scancn tzicn jun tzo'n̈ sb'acl eb' cha. 'Oj 'ec' yoc c'u 'a yib'an̈, yoc 'uj yet' yoc c'anal. A yic pitznto eb', caw schamc'ojlej eb' jun tzo'n̈ cha. Yaljnac sb'a eb' 'a jun tzo'n̈ cha, ya'jnac eb' 'emmquilal 'a 'a. Yuj cha, man̈x 'a mach 'oj si'noc sb'acl eb' cha, man̈x 'a mach 'oj mucnoc. 'Oj cancn tzicn 'a yib'n̈q'uinl 'icha tzyac' stza no noc'.

Ez 10:3

Ax eb' querubín cha, ata 'ayc' eb' 'a spac'b'il yatut Dios 'a stojlal sur. 'Ix 'eml 'asun, xb'ut'j 'el yojl 'och sti yamq'uil yatut Dios cha.

Ez 11:1

Ax Yespíritu Dios in 'i'n 'at 'a spuertail yatut Jehová, jun 'ay 'a stojlal 'aj tzq'uel c'u. A 'a yol sti puerta cha, ata 'ayc' 25 eb' winac, ax 'a scal eb', ata 'ayc' Jaazanías yunnal Azur yet' win Pelatías yunnal Benaías, atn eb' tic yajl yaj 'a scal eb' 'anma cha.

Ez 23:35

Yuj cha, an Jehová in, an tzwal 'ixtic: Yujto 'ix ac' sat a c'ojl 'ayin, in a patquilj can 'eli, yuj cha, 'oj wac' ab' syal yuj ajmulal cha, xchi Dios 'a yib'n̈ Jerusalén.

Ez 40:28

In yi'n pax 'och 'a yol 'och sti puerta, 'a 'aj 'ay jun yamq'uil sti yatut Dios 'a stojlal sur. Syamn 'och yechtan jun puerta cha, lajnn̈ej yechl yet' jun tzo'n̈ xo puerta tox xyechtej cha.

Ez 40:6

Xlajw cha, xc'och 'a yol sti jun puerta 'ay 'a stojlal 'aj tzq'uel c'u, xq'ue 'a sc'ochal yol sti puerta, 'ix yechtan jun yojl 'och cha, 'ay oxe metro yajchi.

Ez 43:5

Ax Yespíritu Jehová in 'i'n 'ati, in yi'n 'och 'a 'aj 'ay junx 'amc' 'a yojl 'och cha. Ax xwilni, b'ut'jnacx 'el yol yatut Dios yuj stzictznial.

Ez 43:8

Man̈x 'oj sb'o eb' sreyl israel chi sdespacho chi 'a stz'ey watut, yujto 'a a yic yalan̈, cojn jun muro 'aycn 'a snan̈l watut yet' sdespacho eb'. 'Ixta pax yaj spuertail watut yet' spuertail yic eb' cha. Caw man̈x 'a yel'ch xyutj can eb' in b'i, yujto til wal tas yajb'entac sb'ojnac eb'; yuj wal cha, scot wowl 'a eb', 'ix wa'n cham eb'.

Ez 45:19

Ax win ya'mal 'och sti eb' 'anma 'ayin, tzyij cot win jac schic'l no xajmb'al tz'ajx stojloc mul, tzsucn 'och win jun chic' chi 'a smarcoal yol sti spuertail watut, tzya'n pax 'och win 'a chan̈e schicn yet'l xajmb'al, yet' 'a smarcoal puerta 'a sti 'amc' 'a yojl 'ochi.

Ez 46:1

An Jehová Yajl in, an tzwala: A jun puerta 'ay 'a sti 'amc' 'a yojl 'ochi, jun 'ay 'a stojlal 'aj tzq'uel c'u, macnn̈ej 'a yic 'ay munljel 'a waque c'ual, at 'a yic sc'ul 'iljelal yet' 'a yic tzpac' 'uj, atta tzjacwi.

Ez 7:23

'Ac' b'o jaye'oc q'uen cadena, yujto a 'a jun nacion̈ tic, til wal eb' ma'm cham 'anma 'oj jalxoc yet' q'ue'en. Caw wal b'ut'jnac 'el jun chon̈b' tic yuj maysch'olnil.

Ez 8:15

Xlajw cha, xyaln 'ixtc 'ayin: Ach 'anma', ¿tzam el wal jun tzo'n̈ tic? 'Ayt pax jun tzo'n̈ xo tas yel xo wal yajb'entac 'oj in ch'ox el 'a yib'n̈ jun tzo'n̈ tic, xchi.

Jl 2:17

'O' cab' eb' ya'mal 'och qui tic 'a Dios, eb' tz'a'w servil 'a Jehová. A 'a snan̈l yatut Dios yet' jun yet'l xajmb'al, ata tzyal cab' eb' 'ixtic: Mamin Jehová, 'ac' niwnc'ojlal 'a quib'n̈ an̈ a chon̈b' on̈ tic. May cab' mach tzon̈ b'uchni. Man̈ on̈ a cha 'ajxoc ganar yuj jun tzo'n̈ xo chuc chon̈b'al, man̈ yal cab' eb' 'ixtc 'ayn̈ on̈: ¿'Ajtil 'ay e Diosal cha? man̈ xchic cab' eb', xchi cab' eb'.

Dt 17:3

toto tz'at yal sb'a 'a junc comn dios, mto tzyac' 'ejm sb'a 'a 'a, toto tzyal sb'a 'a c'u, 'a 'uj, 'a jun tzo'n̈ c'anal, atn jun tzo'n̈ waljnac, to may mach tzyac' 'ejm sb'a 'a 'a,

Dt 4:19

A yic tzex q'ue q'ueln 'a satcha'an̈, tzeyiln q'ue c'u, 'uj, c'anal yet' smasnil tas 'ay 'a satchan̈ cha, xeya't wal somchjoc e nab'en yic tzeyaln e b'a 'a jun tzo'n̈ cha, yujto a Jehová qui Diosalec, a b'ojnac jun tzo'n̈ cha, sec tz'och swach'loc smasnil chon̈b' 'ay 'a sat lum lum tic.