Ez 8:11 - Chuj San Sebastian Bible

¹¹ A 'a yojltac jun tzo'n̈ yechl cha, ata oyn 'och 70 eb' yichm wincal chon̈b' Israel yal sb'a. A 'a scal eb' cha, ata 'ayc' Jaazanías win yunnal Safán. C'uxn yet' eb' stz'ab'c'ac' smasnil, caw wal tzq'uic'b' 'ejm stab'l incienso yuj eb'.

Chuj San Mateo Bible

¹¹ A d'a yichan̈ juntzan̈ yechel chi' ayoch 70 eb' yichamtac vinaquil chon̈ab' Israel, aypaxoch vin̈aj Jaazanías yuninal vin̈aj Safán d'a scal eb', ayoch eb' ejmelal d'a juntzan̈ yechel chi'. Junjun eb' yed'nacq'ue junjun chaynub' eb' yic incienso, a d'a yol juntzan̈ chi' b'acaqui sq'ue stab'il incienso chi'.

Ez 8:11 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 22:12

Yajn̈j cha, 'ix ya'n win rey 'awtxoc cot win Hilcías, win Safán 'ajtz'ib', yet' jun yunnal win tzcuch Ahicam, yet' win Acbor yunnal Micaías, yet' win Asaías, schecb' win rey. 'Ix yaln win rey chi 'a eb' 'ixtic:

A Ch'an̈ Schab'il Libro Yic Yab'ixal Eb' Rey 22:14

Xlajw cha, 'ix 'at Hilcías chi yet' eb' tic, atn Ahicam, Acbor, Safán, yet' Asaías yic tz'at sc'umnoc eb' 'ix schecb' Dios, atn 'ix Huldá yistzil Salum, win yunnal Ticva, yixchicn Harhas. A Salum cha, a scuenta smoln pichl 'a yatut Jehová. Ax 'ix Hulda cha, ata cajn 'ix 'a jun macn xo q'ue'ch chon̈b' tot b'onc 'a Jerusalén cha. A yic 'ix paxtin eb' 'a 'ix,

A Ch'an̈ Schab'il Libro Yic Yab'ixal Eb' Rey 22:3

A yic swajxclan̈il xo ab'il yoch Josías reyal, 'ix schecn 'at Safán, yunnal Azalía, yixchicn Mesulam, 'aj tz'ib' yaj 'a yatut Jehová, 'ix yaln 'ixtc 'a 'a:

A Ch'an̈ Schab'il Libro Yic Yab'ixal Eb' Rey 22:8

Xlajw cha, 'ix yaln Hilcías sat ya'mal 'och sti eb' 'anma 'a Dios 'a win 'ajtz'ib' Safán, chajtlto 'ix chax ch'an̈ slibroal ley 'a yol yatut Jehová. 'Ix yac' Hilcías ch'an̈ 'a win Safán yic tzyawtni.

A Ch'an̈ Schab'il Libro Yic Yab'ixal Eb' Rey 25:22

A Gedalías yunnal Ahicam yixchicn Safán, 'ix 'och gobernadoral yuj Nabucodonosor sreyl Babilonia; a xcan 'ilnoc jantc to 'anma 'ix can yuj 'a Judá.

2 Cr 26:16

A yic xyi'n wal yip 'a yopiso, 'ix yi'n chan̈ sb'a yet' snab'en, 'ixta x'aj yi'n cot 'a yib'an̈, tenmtac xyutj sb'a 'a Jehová sDiosal. X'och 'a yol yatut Jehová yic tzya'n tz'a incienso 'a jun yet'l 'aj tz'a incienso cha.

2 Cr 26:19

A Ozías cha, lin̈n 'och 'a stz'ey jun yet'l xajmb'al 'aj tz'a incienso cha. T'un̈b'il jun tz'ab'c'ac' yic incienso yu'uj, yic tzya'n tz'a incienso ta'. Caw wal xcot yowl 'a eb' ya'mal 'och sti eb' 'anma 'a Dios. Ya' sb'a wan sten sb'a yet' eb', 'ix 'elt lepra 'a snan̈l sat.

2 Cr 34:20

'Ix ya'n 'awtxoc cot Hilcías, Ahicam, yunnal Safán, Abdón yunnal Micaía, Safán win 'ajtz'ib', yet' pax Asaías schecb' win rey.

Ex 24:1

'Ix yaln pax Jehová 'ixtc 'a Moisés: —Q'uen̈ta 'a 'aj 'ayn 'ec' an Jehová in tic, 'ij cot Aarón, Nadab, Abiú yet' pax 70 eb' yichm wincal chon̈b' Israel. A yic mantzac ex jaw 'a in tz'ey, najttac tzex cani, tzex 'em cumn eyaln e b'a 'ayn ta'.

Ex 24:9

'Ix 'atx Moisés yet' Aarón 'a jolm witz Sinaí, yet' Nadab, Abiú yet' pax 70 eb' yichm wincal chon̈b' Israel.

Is 44:13

'Oj quil pax tas tzyutj munljoc sb'a junc win josmte' tzb'on junc yechel: Tzyechtej win yet' junc yechtab', tzya'n 'och win yechl yet' lápiz, yet' pax compás. Tzlajw cha, tzyamn 'och win smunlj yet' stz'ucub'. 'Icha yilx junc 'anma wach' yilxi, 'ixta tzyutej. Tzlajw cha, tz'at 'ajxoc 'och 'a yojl junc yatutal.

Jeremías 19:1

'Ix yaln Jehová 'ayn 'ixtic: 'Ixc 'at man junc lum ch'ub', tzlajw cha, tzawtn cot eb' yichm wincal chon̈ab', yet' eb' 'ichmtac winc 'aych ya'malc 'och e ti 'ayin.

Jeremías 19:4

Yujto in eyactjcani, xeya'n can 'och jun lum tic slumoc jun tzo'n̈ chuc diosal. 'Ix eya'n tz'a incienso 'a jun tzo'n̈ comn dios cha, jun tzo'n̈ to man̈ eyojcoc, an̈jtona eb' e mam eyicham, yet' pax eb' e reyal, man̈ yojcoc pax eb'. Caw niwn eb' 'anma may smul xe mil chamoc.

Jeremías 26:22

Yuj cha, 'ix schecn 'at win rey Joacim chi schecb' 'a Egipto cha, atn Elnatán yunnal Acbor, yet' jun tzo'n̈ xo eb' winac.

Jeremías 26:24

Palta ax pax Ahicam yunnal Safán, a xya'ch sb'a wet' an Jeremías in tic. Yuj cha, ma'in 'ajx 'och 'a yol sc'ab' eb' chon̈ab' yic tzin milx cham yuj eb'.

Jeremías 29:3

'Ix 'ijx 'at jun carta chi yuj Elasa yunnal Safán, yet' Gemarías yunnal Hilcías, atn eb' tic xchecx 'at yuj Sedequías sreyl Judá 'a Babilonia 'a win Nabucodonosor. A jun carta cha, tzyal ch'an̈ 'ixtic:

Jeremías 36:10

'Ix yawtn win Baruc tas tz'ib'b'il 'a yojl ch'an̈ un̈ cha, yic tzyab'n smasnil eb' 'anma'. Ata xyawtj 'a jun 'amc' chan̈ yaj chan̈ 'a yatut Jehová, 'a stz'ey jun 'ac' puerta 'a 'aj 'ay scuarto win Gemarías yunnal Safán, win 'ajtz'ib'.

Jeremías 44:21

—¿Am wal e nan ax tic, to man̈ yojcoc Jehová, mto x'at satc'ojlal yu'uj, yic xeya'n incienso xajmb'al-l 'a jun tzo'n̈ chuc diosal 'a yoltc scayeal Jerusalén, 'icha wal yutjnac sb'a eb' qui mam quichmec cha, eb' qui reylec, eb' yajl yaj 'a qui calec, yet' smasnil 'anma 'a yol yic Judá?

Jeremías 5:5

'Oj in 'at paxtinc yet' eb' 'anma caw niwn yel'chi. A eb' cha, tecn yojc eb' tas tznib'j Jehová sDiosal eb', yet' tas tzyal 'a eb', xin chi cob'i'. Palta smasnil jun tzo'n̈ eb' cha, an̈jtona x'och eb' tenmtacl 'a Dios, ma'ix syiclj eb' tas 'ix yala.

Jeremías 7:9

Tzex 'elc'wi, tzex milw cham 'anma', tze b'on 'ajmulal, tzeya'n cob' e ti 'a tas man̈ yeloc, tzeya'n tz'a incienso 'a jun comn dios tzcuch Baal, tzeya'n 'emmquilal 'a jun tzo'n̈ xo comn dios to may 'aj 'ix colwj 'ayex.

Ez 20:1

A 'a yic slajn̈il c'u yoch yol 'uj yic yucl ab'il quijx cot 'icha presoal, 'ix jaw jun tzo'n̈ eb' yichm wincal chon̈b' Israel 'ayin, yic tzc'anb'n sb'a eb' 'a Jehová, 'ix 'em wocn eb' 'a wojltac.

Ez 8:10

Ax in 'ochchi, 'ix wilni to a 'a yojl cha, ata tz'ib'b'il 'och yechl smasnil no noc' tzjuc sb'a, yet' no yajb'entac yilxi, yet' pax smasnil jun tzo'n̈ yechl 'aj tzyal sb'a eb' wit israelal cha.

Dn 9:8

An̈ tic on̈ Mamin Jehová, caw lajn on̈n̈ej 'icha eb' qui reyl on̈, eb' yajl yaj 'a qui cal on̈, yet' pax eb' qui mam quichm on̈. Caw wal q'uixweltac quec' tzcab' on̈, yujto x'och qui mul 'aych on̈.

Nm 11:16

Yuj cha, 'ix ta'w Jehová 'a 'ixtic: —Yamb'tzej junc 70 eb' yichm wincal chon̈b' tic, tzel eb' niwn yel'ch 'a scal eb' chon̈ab'. Tzlajw cha, tze'n 'at eb' 'a sti in cajnub' 'a 'aj tzin chaj in b'a eyet'oc, ata tzin a tan̈wj yet' eb'.

Nm 11:25

Xlajw cha, 'ix 'eml Jehová 'a scal jun 'asun, 'ix syamn 'och spaxtin yet' Moisés cha. A yic cha, 'ix yi'n 'el jac espíritu 'aych 'a Moisés, ax 'a eb' 70 yichm wincal israel cha, axta 'ix ya'cn 'ochi. Yuj cha, 'ix syamn 'och eb' spaxtin 'icha junc schecb' Dios. Palta cojn wal jun 'ejm 'ix paxtin eb' 'ixta', man̈x 'ic yal eb' jun 'ejm xo.

Nm 16:17

Junjn mach tzyij 'at stz'ab'c'ac', tzeya'n 'ejm incienso 'a yojol. Ach tic yet' Aarón, junn̈j tzeyutj 'och e tz'ab'c'ac' chi 'a yojltac Jehová, yet' pax yic eb' 250 cha, xchi.

Nm 16:35

An̈jtona', 'ix ya' cot Jehová jun c'ac' 'a yib'n̈ eb' 250 'ix c'och 'a yojltac Jehová yet' stz'ab'c'ac', jun tzo'n̈ 'ay 'ejm incienso 'a yojol.

Lc 10:1

Xlajw xoj cha, xya'n 'och Cajlil yopiso jun tzo'n̈ xo eb' scuywum, 72 sb'isl eb'. 'Ix sb'ab'l checj 'at eb'. Chatcwan̈il x'aj eb' s'at 'a junjn chon̈ab', yet' 'a junjn lugar 'aj 'oj 'ec' pax Cajlil cha.