Ez 7:26 - Chuj San Sebastian Bible

²⁶ B'elb'ni sjaw yailal 'a yib'n̈ 'anma'; 'ixta pax sjaw yab'xil xiwc'ojlal. 'Oj cob' sayc' eb' junc win in checb' 'aj tzc'anb'j sb'a, palta ma'oj 'ilchjoc yuj eb'. Man̈x 'a pax eb' ya'mal 'och sti eb' 'anma 'oj 'a'n cuyxoc in checnb'il, man̈x 'a pax eb' 'ichmtac winc 'oj 'a'nc snab'en eb'.

Chuj San Mateo Bible

²⁶ Cotac scal ol javoc syaelal eb', icha pax chi' ol javoc yab'ixal xivc'olal d'a eb'. Nab'an̈ej ol say junoc in checab' eb' to syal yalan tas ol ujoc. Man̈xa eb' sacerdote ol c'ayb'an eb', ma eb' ichamtac vinac ol ac'an srazón eb'.

Ez 7:26 ပူးပေါင်းရင်းမြစ်များ

Salmos 74:9

Man̈x 'aj wach' quiln junc senya, man̈x 'a junc a checab', mant cojcoc pax on̈, jantcto tiempo 'oj yac' jun tic.

Is 47:11

Palta a yic 'oj jawc tas man̈ wach'c 'a eb'an̈, man̈x 'oj stac' a coln a b'a yet' tas cuyb'il oj cha. 'Oj jawc cusc'ojlal 'a eb'an̈, palta ma'oj stac' a tenn 'och wa'an; a wal yic man̈ nanoc o'oj, ax sjaw tza'njoc yailal chi 'a eb'an̈.

Jeremías 18:18

'Ix yaln eb' chon̈b' chi 'ixtic: Qui na'ec tas 'oj cutquec jun Jeremías tic. 'Ay xon eb' ya'mal 'och qui ti 'a Dios 'oj qui cuynec, 'ay xon eb' 'a'm nab'en 'oj 'a'nc qui nab'enec, 'ay xon eb' schecb' Dios 'oj alnc spaxti Dios 'ayn̈ec. Yuj cha, qui pitzc chan̈ 'es paxti 'a spatic, sec tzmilx chamoc, man̈ qui yiclquec xon tas tzyal cha, xchi eb'.

Jeremías 37:17

Ax win rey Sedequías chi in 'a'n 'ijxoc 'at 'a sdespacho. A yic in c'och 'a yojltac win rey cha, 'ix sc'ultac c'anb'n win 'ixtc 'ayin: —¿'Aym junc spaxti Jehová tzal wab'i'? xchi winac. In ta'w 'ixtc 'a winac: —N', 'ay toni, 'ixtc wal yaln 'ixtic: Ach tic mamin rey, 'oj ajx 'och 'a yol sc'ab' win sreyl Babilonia, xin chi.

Jeremías 4:20

Caw tzoltzni sjaw yab'xil yailal tzlaj uji. Smasnil jun nacion̈ tic, caw tox 'ix 'ixtx 'eli. Wal 'a yajn̈ej xma'x 'ejm lan̈chjoc watut, caw x'ixtx 'el 'aj tzin 'ec' cajan.

Lm 2:9

A jun chon̈b' cha, man̈x 'a spuertail, wecchjnacx yijl 'aychi. Choc' x'ajcn smasnil, toxn̈ej tzicn can 'at 'a sat lu'um. Ax win rey yet' smasnil eb' 'ay yopiso yet' winac, scal eb' chuc chon̈b'al 'aj 'ayx 'ec' eb'; ata' man̈x 'a sley Dios 'a sat eb' 'anma cha. Ax eb' schecb' Jehová, man̈x 'a xon tas tz'ajx yojcoc 'el eb' yu'uj.

Ez 11:2

'Ix yaln Jehová 'ayn 'ixtic: Ach 'anma', 'ilt wal jun tzo'n̈ winc tic, atn eb' tznalb'ej sb'on maysch'olnilal, tzya'n eb' nab'en man̈ tojloc 'a eb' 'anma'.

Ez 12:22

Ach 'anma', ¿tas yuj tzyal eb' et israelal jun spaxti tic? 'Ipn yec' tiempo, ax tas alb'il can yuj eb' schecb' Dios, 'in matz 'el'chi, xchi jun spaxti eb' cha.

Ez 14:1

'Ix jaw nan̈l eb' yichm wincal chon̈b' Israel 'ayin, yic tzwul sc'anb'noc sb'a eb' 'a Jehová, 'ix 'em wocn eb' 'a wojltac.

Ez 21:7

Toto tzc'anb'j eb' 'ixtc 'ayach: ¿Tas yuj tzach 'oq'ui? toto xchi eb', al 'a eb' 'ixtic: 'Ay wal jun 'ab'x xwab'i, to 'ay wal jun tas wan sjawi. Smasnil 'anma', 'oj 'el spixn yuj xiwlal, 'oj 'el yip sc'ab' eb'. Toc 'ayt mach te'n 'oj yutc sb'a, c'uxn 'oj 'ib'xoc chan̈ spenc eb' yuj xiwlal cha. Caw wal la'n xo yaji, man̈x najtloc tiempo, xchi Dios, xa chi 'a eb', xchi 'ayin.

Ez 22:26

Ax eb' ya'mal 'och sti eb' 'anma 'a scal eb', ma'ix syiclj eb' in ley, may yel'ch xyutj eb' in cajnub', a tas wic yaji, may yel'ch 'a sat eb'; ma'ix schecltej 'el eb' 'aj 'ay tas wach' yet' tas maysch'olnil 'a sat ley, ma'ix syiclj eb' sc'ul 'iljelal wic yaji, may wel'ch xon jac 'a sat eb'.

Ez 33:31

'Ixta tzyutj eb' in chon̈b' chi yi'n cot sb'a, tzlaj 'em wocn eb' yab'xni 'a tas tzala. Palta matz b'eylb'ej eb' tas tzal cha, ton̈j tzlaj stz'ac eb' laj yala', ax snab'en eb', a wal maysch'olnil tznib'j 'och eb'.

Ez 8:1

A 'a o'e yoch swacl 'uj yic swacl ab'il, wocn in 'ejm 'a sti watut, oyn 'och eb' yichm wincal chon̈b' Judá 'a wojltac. A yic cha, 'ix japx spoder Jehová Cajlil 'ayin,

Lv 26:18

Toto matz na sb'a e c'ojl yuj jun tzo'n̈ cha, toto matz ex 'och yiclumal 'ayin, 'oj wac' niwtjoc sjaw yailal 'a eyib'an̈.

Lv 26:21

Toto an̈ja tenmtac tzeyutj e b'a 'ayin, matz eyiclj tas tzwala, 'oj wac' niwtjoc sjaw yailal 'a eyib'n̈ yuj e mul cha.

Lv 26:24

an̈jtona 'in, 'oj cot pax wowl 'ayex, ax wa'n niwtjoc sjaw yailal 'a eyib'n̈ yuj e mul cha.

Lv 26:28

an̈jtona 'in, 'oj cot pax wowl 'ayex, ax wa'n niwtjoc sjaw yailal 'a eyib'n̈ yuj e mul cha.

Miqueas 3:6

'Icha to yajn̈ej 'oj 'ec' c'u 'a yib'n̈ eb', ax scancn eb' 'a scal q'uic'q'uinal. Man̈x 'a b'a'n̈ 'oj ch'oxxoc yil eb' jun tzo'n̈ tas 'a 'icha waychil, man̈x 'oj stac' yaln pax 'el eb' tas 'oj ujc b'aq'uin̈, xin chi, xchi Dios.

Malaquías 2:7

A wal yopiso eb' ya'mal 'och sti eb' 'anma 'ayin, to tzcuyx eb' 'anma yuj eb', sec tzin yojquej 'el eb'. Smoj ton wal sc'och smasnil eb' 'anma 'a eb', sec tzchaj eb' cuynb'il 'a eb', yujto a eb' cha, in checb' yaj eb' an Jehová in, tztac' wuj smasnil.

Malaquías 2:9

Yuj cha, ex wij can 'ejmi, man̈x 'a yel'ch ex wutj 'a sat smasnil 'anma', yujto matz eyiclj in checnb'il, a yic tze b'onyaj eb' 'anma', 'in man̈ lajnoc tzeyutj e b'onyaj eb', xchi Dios.

Dt 32:23

'Oj wa' cot smasnil yailal 'a yib'n̈ eb', ax wa'n cot smasnil jun tzo'n 'icha simj 'a yib'n̈ eb'.

A Ch'an̈ B'ab'el Libro Samuel 3:1

A quelm Samuel an̈ja ya'n servil Jehová 'a yaln̈ schecnb'il win Elí. A 'a yic jun tiempoal cha, man̈x 'a mach 'aj tzcomn paxtin Jehová; man̈x 'a 'aj tzcomn ch'oxj sb'a 'a 'icha waychil.