Ez 7:20 - Chuj San Sebastian Bible

²⁰ Yujto 'ay jun tzo'n̈ chi 'ay 'a eb', xlaj sb'an̈n sb'a eb' yet'oc, ax yet' jun tzo'n̈ chi sb'o eb' yechl jun tzo'n̈ comn dios yajb'entac. Yuj cha, 'icha xoj c'alem, 'ixta 'oj wutcan jun tzo'n̈ q'uen chi yil eb'.

Chuj San Mateo Bible

²⁰ Yujto ay q'uen q'ueen te vach' yilji chi' d'a eb', yuj chi' ix yic' val chaan̈ sb'a eb', a q'uen chi' ix sb'o eb' scomon diosej yajb'entac. Yuj chi' a juntzan̈ q'uen vach' yilji ay d'a eb' chi', icha c'alem ol vutejcan q'ueen yil eb'.

Ez 7:20 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 21:4

An̈jtona', sb'on pax chan̈ jun tzo'n̈ xo yet'l xajmb'al yic eb' comn dios 'a yol yatut Jehová. Palta yuj jun lugar tic yaln can Jehová 'ixtic: A jun tic in cajnub' tz'aj 'a Jerusalén yic tzex 'och 'emmquilal 'ayin, xchi.

A Ch'an̈ Schab'il Libro Yic Yab'ixal Eb' Rey 21:7

An̈jtona', xya'n 'och jun yechl Asera chi 'a yol yatut Jehová. Atn yuj jun tic yalnc can Jehová 'ixtc 'a David yet' 'a yunnal, atn Salomón: A Jerusalén tic, xin si'cn 'el 'a scal smasnil schon̈b' eb' yin̈tl Israel sec ata tzb'o watut 'aj tzex 'och 'emmquilal 'ayn 'a smasnil tiempo.

2 Cr 2:9

Caw niwn te te chi 'oj c'anxoc, yujto a jun n̈a 'oj wac' b'o cha, caw niwquil 'oj 'ajoc, satjub'tac yilx pax 'oj 'ajoc.

2 Cr 36:14

An̈jtona', a smasnil eb' sat ya'mal 'och sti eb' 'anma 'a Dios, yet' smasnil eb' chon̈ab', caw tzniwtj eb' sb'on maysch'olnil. A wal sb'eyb'al jun tzo'n̈ xo nacion̈ tzb'eylb'ej eb', tzyixtj 'el eb' yatut Jehová, atn jun sic'b'il 'el yuj 'a Jerusalén.

Esdras 3:12

Til wal eb' ya'mal 'och sti eb' 'anma 'a Dios, yet' jun tzo'n̈ xo eb' levita yet' eb' yajl yaj 'a scal eb' yican, atn eb' 'ichmtacx 'anma', caw wal 'ip yel yaw eb' yoq'ui yujto yiljnac eb' jun yatut Dios 'a b'ab'el. Ya' sb'a cha, til to wal mach tz'el yaw yuj tzaljc'ojlal.

Salmos 48:2

Caw wal wach' yilx lum tzaln Sión, yujto caw chan̈ yaj chan̈ lu'um. A 'a stojlal norte, ata 'ay lum schon̈b' jun Rey caw wal niwn yel'chi.

Salmos 50:2

A Dios tzch'ox stzictznil 'a tzaln Sión, jun chon̈b' caw wal wach' yilxi.

Is 30:22

'Oj e patquilc can 'el jun tzo'n̈ yechel, man̈x wach'c 'oj 'aj eb' 'a e sat, yet' jun tzo'n̈ e comn diosal b'ob'il eyu'uj, atn jun tzo'n̈ b'ob'il yet' q'uen plata yet' q'uen oro, ax e juln can 'eli, 'icha xoj c'alem 'oj 'ajcn eb' 'a e sat.

Is 64:11

Ax yatutal 'aj tzcal qui b'a 'ayach, atn jun caw wach' yilxi, 'ix lajw stz'a 'ejmi, atn jun 'aj yaljnac sb'a eb' qui mam quichm 'aych on̈. Smasnil jun tzo'n̈ tas caw wach' yilx 'aych cuj ta 'on̈, c'uxn xlajw 'ejmi.

Jeremías 7:14

Yuj cha, 'icha wal wutjnac can watut 'a Silo, 'ixta 'oj wutc can pax jun watut 'aj tzin b'inax tic, atn jun wa'jnac can 'a eb' e mam eyicham yet' 'ayex, atn jun cob' tzeya'ch yipc e c'ojl ticnec.

Jeremías 7:30

'Ix yaln Jehová 'ixtic: A wal eb' 'anma 'a chon̈b' Judá, caw tu tzyutj sb'a eb' 'a in sat. A wal jun tzo'n̈ scomn diosal eb' to caw yajb'entac, caw 'ix ya'ch eb' 'a yol jun watut to wicn̈ej yaji, 'ixta 'ix 'aj sjuw 'el yuj eb'.

Lm 1:10

A eb' 'ajc'ojl yajch 'a Jerusalén, tox 'ix yij 'ec' eb' smasnil sricoal jun chon̈b' tic. 'Ix yiln pax eb' 'anma yoch eb' 'ajc'ojl chi 'a yol scajnub' Dios, atn jun tzo'n̈ 'anma yaljnac Dios to matz tac' yochi.

Lm 2:1

Caw wal niwn yowl sc'ojl Cajlilec 'a yib'n̈ Sión, caw wal wach' yilx cob' jun chon̈b' cha, palta caw 'ix q'uic'b' 'eli. A swach'l yilx chon̈b' Israel, may junc xo lajn swach'l yilx yet'oc, ax Cajlilec 'ix 'a'n lajwc swach'l yilx cha. Man̈x 'ic sna cot yuj yowl sc'ojl cha, toto 'icha sb'achnub' yoc yaji.

Lm 2:7

'Ix spatquilj can 'el Cajlilec jun tzo'n̈ yet'l xajmb'al, man̈x 'a yopiso yu'uj. 'Ix ya'n can 'och 'a yol sc'ab' eb' 'ajc'ojol yic tzma'n 'ejm eb' yatutal. Til wal 'aw 'aych 'a yol yatut Jehová, 'icha xo to q'uin̈ 'aych ta tzcab'i.

Ez 11:18

'Oj e meltzj paxt 'a e chon̈b' tic jun 'ejm xo, ax eyi'n 'el smasnil jun tzo'n̈ yechl comn dios yajb'entac yilx 'a e cal.

Ez 16:16

Ax yet' jun tzo'n̈ spichl wach' yilx cha, a yet' sb'o jun tzo'n̈ mantiado 'aj tz'och 'emmquilal 'a jun tzo'n̈ comn dios 'a lum tzalctac. Atn wal yet' jun tzo'n̈ chi say smuloc, caw man̈ smojc wal ton sb'on jun tzo'n̈ cha.

Ez 16:19

An̈jtona 'ixm pan b'ob'il yet' 'ixm harina caw wach', aceite yet' no yal chab' xwac' sc'uxu', 'ix sb'achch 'a yojltac eb', sec wach' yec' sjab'. 'Ixtnta 'ix yutj sb'a 'a in sat an Jehová in.

Ez 23:38

Man̈ cojnoc jun tzo'n̈ cha, palta 'ix yixtj 'el eb' in cajnub', ma'ix syiclj pax eb' sc'ul 'iljelal. 'Ay jun c'ual to a yune eb' xyac' xajmb'al-l 'a jun tzo'n̈ sdiosal, a 'a jun c'u cha, ata 'ix 'och eb' 'a yol in cajnub', 'ixta xyutj eb' yixtn can 'eli. Atn wal jun tzo'n̈ chi sb'ojnac eb' 'a yol watut cha.

Ez 24:21

Al 'a eb' et israelal, to an Jehová in, an 'oj wac' juwc 'el watut, atn jun caw nib'b'il yilxi, nib'b'il pax eyu'uj. Tze b'an̈ e b'a yu'uj, 'icha to a 'aych eyipoc. An̈jtona eb' eyunnal yet' eb' eyisl xcancn eyuj 'a Jerusalén, 'oj cham pax eb' yuj owal, xchi.

Ez 5:11

Yuj cha, an Jehová in tic, an tzwal 'ixtic: Yel xo wal man̈x 'a yel'ch xeyutj watut yuj jun tzo'n̈ e diosal yajb'entac yilxi. Caw wal maysch'olnil pax e b'eyb'al, yuj ton wal cha, ax wa'n 'och eyailal. Man̈x 'a in niwnc'ojlal 'ayex, man̈x 'oj 'o'ch in c'ojl 'ayx yuj eyailal cha.

Ez 7:22

'Oj wi'l in sat 'a jun nacion̈ tic, ax eb' 'elc'm cha, man̈x 'a yel'ch 'oj yutc can eb' jun lugar to wicn̈ej yaji.

Ez 9:7

Xlajw cha, xyaln pax 'a eb' 'ixtic: 'At 'a'c juwc can 'el jun watut cha, ax 'a yamq'uil cha, ata tze tuscn 'och eb' chamnc 'anma chi ta', xchi. Xlajw cha, 'ix 'el paxt eb', syamn 'och eb' smiln eb' 'anma chi 'a yol chon̈b' cha.

Hageo 2:3

A eb' 'iljnac jun yatut Dios 'a yic yaln̈taxi, yet' swach'l yilxi, yal cab' eb' toto lajn wal yilx 'icha jun xe b'o tic. ¿Tom matz nachj 'el jac eyu'uj, to may jac yel'chi toto tzqui lajb'tzejec yet' jun cha?

Jueces 8:24

Cojn tas tzin c'an 'ayex, comnoc tzeyac' q'uen yumchicn 'ayin yet' q'uen colc'ab' xeyij 'ec' 'a owl cha, xchi 'a eb'. —A jun tzo'n̈ cha, oron̈ej eb', yujto an̈j chi tzya'ch eb' ismaelita cha.

Jueces 8:27

Sb'on Gedeón jun yechl 'a q'uen oro yic tznan 'el junc tas, ax 'a schon̈b' Ofra, ata xcan jun yechl chi yu'uj. Ax smasnil eb' yit chon̈b' cha, 'ix spatquiln can 'el eb' Jehová yuj jun yechl cha, axta xyal sb'a eb' 'a 'a. A jun chi 'ix jun 'el snab'en Gedeón yet' eb' yunnal.