Ez 6:11 - Chuj San Sebastian Bible

¹¹ 'Ix yaln pax Jehová Cajlil 'ixtic: Poc' a c'ab', tza te'n 'ejm oc, 'el cab' aw yuj tas tzjaw 'a yib'n̈ eb' et chon̈b' tic. Man̈x jantcoc maysch'olnil x'el sb'on eb', yuj cha, 'oj cham eb' yuj owal, yuj wejel yet' pax yuj yab'il.

Chuj San Mateo Bible

¹¹ Ix yalanxi Jehová Cajalil icha tic d'ayin: Poc'ub'tan̈ej a c'ab', tec'ub'tan̈ejem oc, elocab' av yic tz'el a c'ol yuj jantac tas ix javi d'a yib'an̈ eb' etisraelal yuj jantac tas yajb'entac sc'ulej eb'. Yuj chi' ix cham eb' yuj oval, yuj vejel yed' yuj ilya.

Ez 6:11 ပူးပေါင်းရင်းမြစ်များ

Is 58:1

'Ix yaln Dios 'ayn 'ixtic: 'Awjan̈ yet' smasnil ep 'a eb' in chon̈ab', atn eb' yin̈tl Jacob. May yuj tzach xiwi, caw 'ip yel aw 'icha yic tz'utz'x q'uen trompeta. Tzaln yab' eb' to caw wal tenmtac eb', 'ix 'och smul eb' 'a in sat.

Jeremías 16:4

'Oj cham eb' yuj tzann̈j yab'ilal, may mach 'oj 'oc' yuj eb', man̈x 'a mach 'oj mucnc eb'. T'ocquixtac 'oj 'ajcn sniwnal eb' 'a sat lum 'icha tzyac' stza no noc'. A owal yet' wejel, a 'oj milnc eb'. 'Oj chixc sniwnal eb' yuj no 'usej, yet' yuj no calte'al noc', xchi 'ayin.

Jeremías 24:10

'Oj wa' cot owal, wejel, yet' yab'il 'a scal eb'. Man̈x 'a junc eb' 'oj can 'a sat lum lum 'ix wac' 'a eb', yet' 'a eb' smam yichm eb', xchi Dios.

Jeremías 30:7

'Ay wal jun c'ual, man̈x jantcoc yailal 'oj ujoc, man̈x 'a junc c'u lajn yet' jun 'oj jawc cha. Atn wal 'a yic jun tiempoal cha, 'oj jawc yailal 'a yib'n̈ eb' yin̈tl Jacob, palta 'oj in colcn 'el eb'.

Jeremías 42:22

Yuj cha, 'ojquejec 'eli, chajtlto 'oj e cham yuj owal, yuj wejel, yuj pax yab'il 'a jun chon̈b' 'aj tze nib'j tzex c'och cajn cha, xin chi 'a eb'.

Jeremías 9:1

¡Comnoc wal lajn yol in sat tic yet' junc a spac'b'a tz'el yoctac, sec sc'ual, yac'wlil woc' yuj smasnil eb' wit chon̈b' xlaj chami!

Jeremías 9:10

'Ix waln an Jeremías in tic 'ixtic: Caw tzin 'oc' yuj eb' lum jolmctac witz, tzin cus yuj eb' lum 'a'lic 'aj wach' swa e cajb'en noc', yujto 'ix tz'a smasnil, man̈x 'a mach tztac' sb'eyc' ta'. Man̈x 'a junc wacx tz'el yaw; an̈jtona e no ch'ic yet' e no calte'al noc', 'ix 'at e no 'elc smasnil, xin chi.

Ez 14:21

Yuj cha, an Jehová Yajl in, an tzwal 'ixtic: A yic 'oj wa'noc cot chan̈e niwc yailal 'a yib'n̈ chon̈b' Jerusalén, caw wal 'ay smay tas 'oj ujc cha. 'Oj jawc owal, wejel, no chiwjum noc' yet' yab'il. 'Oj cham eb' 'anma', yet' no noc'.

Ez 21:19

Ach 'anma', b'o yechl chab'oc b'e 'aj 'oj c'och win sreyl Babilonia yet' yespada. Junn̈j chon̈b' chi 'aj tz'elt chab' b'e cha, ax 'aj tz'el yich s'atcn junjn b'e cha, ata tza'ch can junc tas tzch'oxni 'aja chon̈b'al tzc'ochi.

Ez 25:6

An tzwal 'ixtic: Ax tic, caw e po'jnac e c'ab', e te'n wal 'ejm eyoc, caw tzaljnac ex yic slajw 'el chon̈b' Israel.

Ez 33:27

Al 'a eb', to an Jehová in, an tzwal 'ixtc 'a yib'n̈ eb': A eb' cajn 'a jun tzo'n̈ chon̈b' mac'b'il 'ejmi, 'oj cham eb' yuj owal. Ax eb' cajn 'a calte', a no calte'al noc' 'oj chinc eb', yet' pax eb' cajn 'a yoltc n̈aq'ue'en, a yab'il 'oj milnc eb'.

Ez 5:12

A junc'aj 'anma 'ayx tic, 'oj cham eb' yuj yab'il yet' yuj wejl 'a yol chon̈ab'. Ax junc'aj xo eb', 'oj tzu'xoc cham eb' yuj eb' 'ajc'ojl yajch 'ayx 'a sti 'el chon̈ab'. Ax eb' yoxc'ajil, 'oj in pechcn 'at eb' 'a scal jun tzo'n̈ xo nacion̈. Ax wi'n q'uet wespada 'a yol yet'ul, ax woch tza'n yuj eb'.

Ez 6:10

Atta 'oj in yojcoc 'el eb', to an Jehová in tic, cojn in ton Dios in, man̈ nab'an̈ejc 'ix wala to tzwac' jun yailal tic 'a yib'n̈ eb', xchi Dios.

Ez 7:12

'Ix jaw stiempoal, 'ix c'och sc'ual yic man̈x 'a stzaljc'ojlal eb' manm lu'um, yet' pax eb' tzchon̈wj cha, man̈xtzac cus eb', yujto an tzwac' syailal smasnil eb' 'anma'.

Ez 7:15

A 'a sti 'el chon̈ab', owl 'ay ta', ax 'a yol chon̈ab', ata 'ay yab'il yet' wejel. A eb' 'anma 'aycn 'el 'a sti 'el chon̈ab', 'oj cham eb' yuj owal, ax eb' 'aycn 'a yol chon̈ab', a wejel yet' yab'il 'oj milnc eb'.

Ez 9:4

'ix yaln 'ixtc 'a winac: 'Ixc 'a yol chon̈b' Jerusalén tic, tza'n can 'och yechl eb' 'anma 'a snan̈l sat, eb' to tzcus yuj smul x'och 'a scal eb' 'anma cha, xchi 'a winac.

Jl 1:15

¡'Oltacn̈ec, caw la'nxoj sjaw jun c'u yic yowl sc'ojl Jehová! Atn jun c'u caw 'ay smay yic 'oj satl smasnil nacion̈ yuj Dios tztac' yuj smasnil.

Am 5:16

A Jehová Dios tztac' yuj smasnil, a tzaln 'ixtic: A 'a smasnil yoltc chon̈ab', caw 'oj 'och cuslal, ax yoch 'aw 'a yol caye yuj yailal. 'Oj 'awtxoc cot eb' munljum, sec tzjaw eb' 'oc'oc yet' eb' yopiso xon yaj 'a jun 'o'l cha.

Nm 24:10

A yic xyab'n Balac jun tzo'n̈ paxti cha, caw wal xcot yowl 'a Balaam, caw spoc' sc'ab' scot yowal, xyaln 'ixtic: —Ach wawtej yic tza catb'tzan jun tzo'n̈ 'anma 'ajc'ojl yajch 'ayn tic, palta ax tzotej, 'in to yox 'ejmal xo aln wach' paxti 'a yib'n̈ eb'.

Apoc 18:10

'Oj can eb' 'a najat, yujto 'oj xiw eb' yuj jun syailal cha. Ax yaln eb' 'ixtic: ¡'Ay, 'ay, 'oltac wal niwquil chon̈b' Babilonia tic! Caw niwn yel'chi, palta junn̈j wal rato xlajw 'eli, 'oj schic eb'.