Ez 5:11 - Chuj San Sebastian Bible

¹¹ Yuj cha, an Jehová in tic, an tzwal 'ixtic: Yel xo wal man̈x 'a yel'ch xeyutj watut yuj jun tzo'n̈ e diosal yajb'entac yilxi. Caw wal maysch'olnil pax e b'eyb'al, yuj ton wal cha, ax wa'n 'och eyailal. Man̈x 'a in niwnc'ojlal 'ayex, man̈x 'oj 'o'ch in c'ojl 'ayx yuj eyailal cha.

Chuj San Mateo Bible

¹¹ A in Jehová in svala'. Yujto a eb' chi' yelxo val ix yixtejb'at in templo eb' yuj sdiosal te yajb'entac yed' yuj juntzan̈ sb'eyb'al eb' te chuc, yuj chi' ol in satel eb', man̈xo ol vac' nivanc'olal eb'. Man̈xo ol oc' in c'ol d'a eb'.

Ez 5:11 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 21:4

An̈jtona', sb'on pax chan̈ jun tzo'n̈ xo yet'l xajmb'al yic eb' comn dios 'a yol yatut Jehová. Palta yuj jun lugar tic yaln can Jehová 'ixtic: A jun tic in cajnub' tz'aj 'a Jerusalén yic tzex 'och 'emmquilal 'ayin, xchi.

A Ch'an̈ Schab'il Libro Yic Yab'ixal Eb' Rey 21:7

An̈jtona', xya'n 'och jun yechl Asera chi 'a yol yatut Jehová. Atn yuj jun tic yalnc can Jehová 'ixtc 'a David yet' 'a yunnal, atn Salomón: A Jerusalén tic, xin si'cn 'el 'a scal smasnil schon̈b' eb' yin̈tl Israel sec ata tzb'o watut 'aj tzex 'och 'emmquilal 'ayn 'a smasnil tiempo.

A Ch'an̈ Schab'il Libro Yic Yab'ixal Eb' Rey 23:12

An̈jtona', 'ix ya'n win ma'xoc poj jun tzo'n̈ yet'l xajmb'al b'ob'il can yuj eb' sreyl Judá 'a span̈nil yib'n̈ yatut can Acaz, yet' pax jun tzo'n̈ yet'l xajmb'al b'ob'il can yuj Manasés, 'a schab'l yamq'uil yatut Jehová. Caw choc' 'ix 'aji, 'ix sjuln can 'at sc'ajl chi 'a yojl a Cedrón.

2 Cr 33:4

An̈jtona', sb'on pax chan̈ jun tzo'n̈ yet'l xajmb'al yic jun tzo'n̈ comn dios 'a yamq'uil yatut Jehová, atn jun n̈a yaljnac Jehová yu'uj, to ata 'oj b'inaxc sb'i 'a smasnil tiempo 'a Jerusalén.

2 Cr 33:7

An̈jtona', sb'on pax 'och jun tzo'n̈ yechl sdiosal chi 'a yol yatut Dios, atn jun n̈a yaljnac Dios yuj 'ixtc 'a David yet' 'a Salomón atn yunnal: A 'a jun n̈a xin si'cn 'el 'a scal smasnil eb' yin̈tl Israel 'a Jerusalén tic, ata 'oj in can cajn 'a jun 'ejmn̈ej.

2 Cr 36:14

An̈jtona', a smasnil eb' sat ya'mal 'och sti eb' 'anma 'a Dios, yet' smasnil eb' chon̈ab', caw tzniwtj eb' sb'on maysch'olnil. A wal sb'eyb'al jun tzo'n̈ xo nacion̈ tzb'eylb'ej eb', tzyixtj 'el eb' yatut Jehová, atn jun sic'b'il 'el yuj 'a Jerusalén.

Job 27:22

'Oj 'ijxocn̈ej 'at eb' wach'xam tzat cob' ya'lc eb' s'at 'eloc, palta man̈x 'a niwnc'ojlal 'a eb'.

Salmos 107:39

Toto tzcham eb', wal yemt can sb'isl eb' yuj eb' 'ajc'ojl cha, 'oj 'ixtxoc eb', ax yab'n wal eb' syail.

Salmos 95:11

Yuj cha, 'a scal yowl in c'ojol, xwa'n in ti', to may b'a'n̈ 'oj 'och eb' 'iljoc wu'uj, xin xchi, xchi Dios.

Jeremías 10:24

'A'n̈ cuenta 'a 'icha wal yaj 'a tojlal, comnoc man̈oc yet' yowl 'a c'ojol, toq'ue tzon̈ a satl on̈.

Jeremías 16:18

'Oj wac' spac 'a eb' yuj smaysch'olnilal, yujto 'ix yixtj 'el eb' in lum tic yet' jun tzo'n̈ scomn diosal to chamnac, caw yajb'entac 'icha sniwnal chamnc 'anma'. A wal tas to matz chaj in c'ojol, a chi sb'o eb', xchi Dios.

Jeremías 32:34

'Intax to 'ix yixtj 'el eb' jun watut to wicn̈ej yaji, 'ix ya'ch eb' jun tzo'n̈ yechl to caw yajb'entac 'a yojol.

Jeremías 44:4

Til wal 'ejm 'ix wa't eb' in checab', yic tzyaln eb' to matz e b'eylb'ej jun tzo'n̈ cha, yel tzwala, to caw matz chaj in c'ojol.

Lm 2:17

A Jehová, 'ix 'el'ch tas nab'il yu'uj, 'ix 'el'ch tas alb'il can yuj 'a yic pecti'. On̈ ya'c lajwoc, ma'ix yac' niwnc'ojlal 'a quib'n̈ec. 'Ix 'el wal 'a sc'ojl ya'n tzewjoc eb' 'ajc'ojl yajch 'ayn̈ec, 'ix yi'n q'ue'ch yopiso eb' 'ajc'ojl cha.

Lm 2:21

A eb' 'unin yet' eb' 'ichmtac 'anma', t'occtac yaj eb' schamcn 'a yol caye. Ax eb' quelmtac winac yet' eb' 'ix cob'stac 'ix, 'ix laj tzu'x cham eb' yet' q'uen espada. A yic sc'ul 'ay cot wal yowl a c'ojl cha, 'ix a mil cham eb' 'anma tic, ma'ix 'o'ch 'a c'ojl 'a eb'.

Ez 11:18

'Oj e meltzj paxt 'a e chon̈b' tic jun 'ejm xo, ax eyi'n 'el smasnil jun tzo'n̈ yechl comn dios yajb'entac yilx 'a e cal.

Ez 11:21

An Jehová in an tzwala. A eb' tznib'j to tzb'eylb'ej tas yajb'entac, an 'oj wac' syailal eb' yuj jun tzo'n̈ sb'eyb'al cha, xchi Dios 'ayin.

Ez 23:28

Yujto an Jehová in, an tzwala: 'Oj ach wac' 'a yol sc'ab' eb' 'anma xyoch'b' o'oj, atn eb' man̈xtzac a nib'j ela'.

Ez 23:38

Man̈ cojnoc jun tzo'n̈ cha, palta 'ix yixtj 'el eb' in cajnub', ma'ix syiclj pax eb' sc'ul 'iljelal. 'Ay jun c'ual to a yune eb' xyac' xajmb'al-l 'a jun tzo'n̈ sdiosal, a 'a jun c'u cha, ata 'ix 'och eb' 'a yol in cajnub', 'ixta xyutj eb' yixtn can 'eli. Atn wal jun tzo'n̈ chi sb'ojnac eb' 'a yol watut cha.

Ez 24:14

An Jehová in, an tzwala, xc'och stiempoal wa'n 'och a yailal, man̈x 'oj wi'ch wa'an, man̈x 'oj 'o'ch in c'ojl 'ayach, man̈x 'oj ach in na'. 'Oj wa'ch a yailal yuj tas tz'el a b'oni, yujto an Jehová Yajl in, an tzach in b'eyc'ojlej, xchi Dios, xa chi, xchi 'ayin.

Ez 29:15

Man̈x 'a b'a'n̈ 'oj 'ec' 'a yib'n̈ jun tzo'n̈ xo nacion̈. Caw man̈x 'a yel'ch 'oj 'ajcni, yujto an tzwij can 'ejmi. Man̈x 'a pax 'aj 'oj yixtc jun tzo'n̈ xo yit nacion̈al.

Ez 33:11

An Jehová in, an tzwal 'ixtc 'a eb': Matz in nib'j to tzcham eb' tz'och smul, palta to tzin nib'j to tzjel eb' sb'eyb'al, sec pitzn eb'. Ex israel, 'actjec can jun tzo'n̈ e b'eyb'al cha, sec ma'oj e chami, xchi Dios.

Ez 43:8

Man̈x 'oj sb'o eb' sreyl israel chi sdespacho chi 'a stz'ey watut, yujto 'a a yic yalan̈, cojn jun muro 'aycn 'a snan̈l watut yet' sdespacho eb'. 'Ixta pax yaj spuertail watut yet' spuertail yic eb' cha. Caw man̈x 'a yel'ch xyutj can eb' in b'i, yujto til wal tas yajb'entac sb'ojnac eb'; yuj wal cha, scot wowl 'a eb', 'ix wa'n cham eb'.

Ez 44:7

Man̈x 'a yel'ch xeyutj watut, comn xoj xe chaj 'och eb' chuc chon̈b'al 'a yojol, eb' may yel'ch in trato 'a 'a, may pax yechl in trato 'a sniwnal eb'. 'Ixta xeyutj eyixtn 'el watut cha, wach'xam cob' to xeyac' e xajmb'al chi 'ayin, atn xepual yet' schic'l no noc' cha, palta xjuw 'el in trato chi eyet'oc.

Ez 5:7

Yuj cha, an Jehová in tic, an tzwal 'ixtic: ¿Tas yuj yel xo wal tu tzeyutj e b'a 'a yib'n̈ jun tzo'n̈ xo nacion̈ oyn 'och 'a e tz'ey? Ma'ix eyiclj in checnb'il yet' in ley, an̈jtona', matz eyiclj pax tas tzyal sleyl jun tzo'n̈ xo nacion̈ 'ay 'a e tz'ey.

Ez 7:20

Yujto 'ay jun tzo'n̈ chi 'ay 'a eb', xlaj sb'an̈n sb'a eb' yet'oc, ax yet' jun tzo'n̈ chi sb'o eb' yechl jun tzo'n̈ comn dios yajb'entac. Yuj cha, 'icha xoj c'alem, 'ixta 'oj wutcan jun tzo'n̈ q'uen chi yil eb'.

Ez 7:4

Man̈x 'a in niwnc'ojlal 'a eyib'an̈. 'Oj wa'ch eyailal yuj e b'eyb'al maysch'olnil, yujto yajb'entac tas tzlaj e b'o'. 'Ixta to b'i'an, ax in eyojcan 'eli to an Jehová in tic to cojn in ton Dios in.

Ez 7:9

Man̈x 'a in niwnc'ojlal 'a eyib'an̈. 'Oj wa'ch eyailal yuj e b'eyb'al maysch'olnil, yujto yajb'entac tas tzlaj e b'o'. 'Ixta to b'i'an, ax in eyojcan 'eli, to an Jehová in, an tzwa'ch eyailal.

Ez 8:15

Xlajw cha, xyaln 'ixtc 'ayin: Ach 'anma', ¿tzam el wal jun tzo'n̈ tic? 'Ayt pax jun tzo'n̈ xo tas yel xo wal yajb'entac 'oj in ch'ox el 'a yib'n̈ jun tzo'n̈ tic, xchi.

Ez 8:16

In yi'n 'at 'a yol sti yamq'uil yatut Dios, ax 'a yol 'och sti puerta cha, 'a sla'nil 'aj 'ay yet'l xajmb'al, ata 'ay 25 eb' winac. A yichspatquil eb' 'aycn cot 'a stojlal yatut Dios, axta q'ueln 'at eb' 'a stojlal 'aj tzq'uel c'u, cumn 'ejm eb' yal sb'a 'a c'u.

Ez 8:18

'Oj wa' cot wal yowl in c'ojl 'a yib'n̈ eb', man̈x 'a in niwnc'ojlal 'a eb'. Wach'xam 'oj cob' 'el yaw eb' yaln sb'a 'ayin, palta ma'oj wab' tas tzyal eb' cha, xchi Dios 'ayin.

Ez 9:10

'Ixta wal 'oj wutc eb', man̈x 'a in niwnc'ojlal 'a yib'n̈ eb' 'anma tic yuj stu b'eyb'al. Yuj smul eb' cha, ax sjaw wal yailal 'a yib'n̈ eb', xchi.

Ez 9:5

Xlajw cha, xyaln pax 'ixtc 'a jun tzo'n̈ xo ewin cha: 'Ochn̈ec tza'n yuj win tic. Tzex 'at 'a yol chon̈b' tic, tze miln can eb' 'ichmtac winac, eb' quelmtac, eb' 'ix cob'stac, eb' 'ix 'ix yet' eb' 'unin. Man̈ 'o'ch e c'ojl 'a eb'. Palta ax eb' 'aych yechl wu'uj, man̈ e mil cham eb' cha. Tze chaj 'el yich e miln eb' 'ay 'a in cajnub' tic, xchi. 'Ix 'el yich smilx eb' 'ichmtac winc chi 'a sti 'elt yatut Dios.

Lv 15:31

'Ixta tzeyutj eyi'n 'el e b'a ax israel ex tic 'a tas man̈ wach'oc, sec ma'oj e chami, yujto 'ay smay sb'on̈x in cajnub' 'a 'aj 'ayn 'ec' 'a e cal tic, xchi Dios.

Am 8:7

Yuj cha, xya'n Jehová sti', atn jun mach yijnac chan̈ Jacob, xyaln 'ixtic: May b'a'n̈ 'oj sat in c'ojl 'a smul eb' cha.

Zacarías 11:6

'Icha eb' cha, 'ixta 'in an tic, ma'oj cusch in c'ojl 'a eb' 'anma cajn 'a sat lum lum tic. Junjn eb' 'oj wa'ch eb' 'a yol sc'ab' eb' yit 'anmal cajn 'a stz'ey, yet' 'a yol sc'ab' eb' sreyl eb'. A eb' chi 'oj 'ixtnoc 'el sat lum lum tic. An Jehová in, an tzwala, to man̈x 'oj in col-l eb' 'anma chi 'a yol sc'ab' eb' 'ajc'ojl cha, xchi Dios.

Malaquías 3:17

A Jehová tztac' yuj smasnil, a tzaln 'ixtic: 'Ay jun c'ual, 'oj in b'eyc'ojloc eb' 'anma', a eb' 'ay wel'ch 'a sat, caw 'oj in si'cn 'el eb', yic tz'ochcn eb' wico'oc. 'Icha junc mamb'il tz'o'ch sc'ojl 'a junc yunnal tz'a'n servil, 'ixta wal 'oj 'aj yo'ch in c'ojl 'a eb'.

Ro 11:12

Yujto juwnac 'el eb' israel cha, yuj wal cha, caw wach' yic eb' 'anma smasnil 'a yolyib'n̈q'uinl tic. Yujto cannc eb' israel chi 'a yalan̈, yuj cha, caw wach' yic eb' man̈ israeloc. Toto 'ixta', ¿jantc tom wal swach'l quiquec qui masnil, yic 'oj meltzjoc pax 'och snab'en smasnil eb' wit israelal jun 'ejm xo?

Ro 11:21

'In ma'ix yac' Dios niwnc'ojlal 'a eb' yic xoni. An̈jtona', 'ixta ex paxi, ma'oj yac' pax niwnc'ojlal 'ayx jun xo, toto tzeyij 'el e nab'en 'a 'a.

Ro 8:32

A Dios ya'jnac 'och Yunnal 'a yol sc'ab' chaml cujec qui masnil. Wach'xam Yunnal, palta ma'ix scolo. Yujto ya'jnac cot Yunnal cha, yuj cha, cojquec to c'uxn 'oj yac' smasnil tas wach' 'ayn̈ec.

Dt 29:20

A Jehová man̈x 'oj yac' niwnc'ojlal, palta tojl xoj ya'n cot yowl sc'ojl 'a yib'n̈ jun 'anma cha. A smasnil yowl sc'ojl Dios alb'il can 'a yojl ch'an̈ un̈ tic, a 'oj jawc 'a yib'an̈, ax satn 'el yin̈tl jun 'anma chi 'a sat lum lum cha.

A Ch'an̈ Carta D'a Eb' Hebreo 6:13

A yic ya'n Dios sti 'a Abraham pecti', mun slocjnac sb'i, yujto may junc mach 'ec'b'al yel'ch 'a yib'an̈. Yuj cha, man̈ slocjnacc sb'i junc xo mach.