Ez 48:9 - Chuj San Sebastian Bible

⁹ A lum wic an Jehová in, nan̈lyoxlajn̈il kilómetro snajtil yoc lu'um, ax lajn̈e kilómetro sat.

Chuj San Mateo Bible

^9-10 A d'a jun lum luum vic yaj chi', ay jun macan̈ luum, 12 kilómetro yed' nan̈alxo steel luum, oye' kilómetro pax sat luum. A d'a snan̈al lum chi', ata' ay in templo.

Ez 48:9 ပူးပေါင်းရင်းမြစ်များ

Ez 44:28

A eb' ya'mal 'och e ti cha, a tas wic yaji, a chi tzwac' smacloc eb'. Yuj cha, may xon smacl lum eb' 'oj scha 'ayex, yujto a 'in macl tzwac' 'a eb'.

Ez 45:1

A yic 'oj 'och suerte 'a yib'n̈ lum lum cha, yic tzpojx 'ec' lum 'a eb' yin̈tl Israel, yowlal tze pojcn 'el jun c'ajoc lum wico'oc an Jehová in. A jun lum cha, nan̈lyoxlajn̈il kilómetro yoc lu'um, lajn̈e kilómetro pax sat; wic tz'ajcn jun cha.

Ez 48:10

A 'a lum wic cha, ata 'oj 'eltoc junc'aj lum yic eb' ya'mal 'och sti eb' 'anma 'ayin. A 'a stojlal norte yet' 'a stojlal sur, nan̈lyoxlajn̈il kilómetro junjn spac'b'il cha. Ax chab'x spac'b'il, 'icha 'a stojlal 'aj tzq'uel c'u yet' 'a stojlal 'aj tz'em c'u, o'e kilómetro tz'aj junjn pac'.

Ez 48:8

A yic tzlajw schan eb' chi yic cha, ax yechtax can 'el lum wic sic'b'il can 'eli, 'oj cot lum 'a jun mon̈jon 'ay 'a stojlal 'aj tzq'uel c'u, ax sc'och lum 'a sti a Mar Mediterráneo cha. A jun lum cha, nan̈lyoxlajn̈il kilómetro yoc, ax sat, lajn yet' yic junc 'in̈tal eb' israel cha. A 'a snan̈l jun lum cha, ata 'oj can watut.