Ez 47:22 - Chuj San Sebastian Bible

²² Tzeya'ch suerte 'a yib'n̈ lu'um, sec tzcheclji 'aj tzcan e macl junjn 'in̈tal ex, tzeya'n pax yic eb' chuc chon̈b'al cajn 'a e cal, mto yunnal eb' 'aljnac 'a yol e chon̈ab'. A yic tze pojn e lum cha, tzeyac' yic eb' chuc chon̈b'al chi eyet'oc, sec 'ay slum eb' chi 'a scal eb' yin̈tl Israel.

Chuj San Mateo Bible

²² A lum ol eyic' yed' eb' ch'oc chon̈ab'il ayec' d'a e cal, aton eb' ayxo yuninal. Ayic ol e pucanec' luum d'a e cal, lajan lum yic eb' ch'oc chon̈ab'il chi' ol yic' eyed'oc.

Ez 47:22 ပူးပေါင်းရင်းမြစ်များ

Is 14:1

A Jehová 'oj sch'oxx schamc'ojlal 'a eb' israel jun 'ejm xo. 'Oj scha si'c pax 'och eb' yico'oc, ax scha cajn pax eb' slum chi jun 'ejm xo. Ax eb' chuc chon̈b'al, 'oj jawc pax cajn eb' 'a scal eb', ax ya'n 'och sb'a eb' 'aj chon̈b'al yet' eb' yin̈tl can Jacob.

Ez 45:1

A yic 'oj 'och suerte 'a yib'n̈ lum lum cha, yic tzpojx 'ec' lum 'a eb' yin̈tl Israel, yowlal tze pojcn 'el jun c'ajoc lum wico'oc an Jehová in. A jun lum cha, nan̈lyoxlajn̈il kilómetro yoc lu'um, lajn̈e kilómetro pax sat; wic tz'ajcn jun cha.

Ez 47:21

An Jehová in, an tzwala: A jun lum tic tze po'jc 'a e cal ax yin̈tl Israel ex tic.

Ez 47:23

A tzyal 'aja 'in̈tal ax israel ex tic 'aj cajn eb' chuc chon̈b'al cha, ata tzchaj eb' slum cha.

Ez 48:29

An Jehová in, an tzwala, to a jun lum tic tzpojx 'ec' 'a eb' yin̈tl Israel, c'ajquixtac tz'aj lum spojx 'eq'ui.

Lv 19:34

'Ay cab' yel'ch eb' 'ayex, tze chamc'ojlej eb', 'icha tzeyutj e chamc'ojlan e b'a. Yujto ax tic, 'e'nc ex cajn 'a scal eb' chuc chon̈b'al 'a Egipto.

A Tas Sc'ulejnac Eb' Schecab' Jesús Hechos 11:18

Ax eb' creyente 'a Jerusalén cha, yic xyab'n eb' jun tzo'n̈ tic, man̈x 'a tas xyal eb'. Cojxn wach' paxti xyal eb' 'a Dios, 'ix yaln eb' 'ixtic: —An̈jtona eb' man̈ israeloc, 'ay pax eb' 'ix yac' Dios sna sb'a, sec wach' 'oj scha pax eb' sq'uinl quet' 'a jun 'ejmn̈ej, xchi eb'.

A Tas Sc'ulejnac Eb' Schecab' Jesús Hechos 15:9

A 'a sat Dios, caw lajnn̈ej eb' quet'ec, yujto a 'ix 'i'n 'el maysch'olnil 'aych 'a eb', yic xya'n 'och eb' Cristo 'a sc'ojol.

Ro 10:12

Wach'xam israel on̈ec, wach'xam man̈ on̈ israeloc, lajn on̈c qui masnil 'a sat Dios. Yujto a Cajlilec, Yajl yaj 'a quib'n̈ec qui masnil. Tzann̈j on̈ tzcalc qui b'a 'a 'a, til wal swach'c'ojlal tzyac' 'ayn̈ec.

Ef 3:6

Atn jun tzo'n̈ 'oj wal tic, 'ix 'ajx cojcoc 'el on̈. Ax xo man̈ ex israeloc, a yic tzeya'n 'och e c'ojl 'a jun wach' 'ab'x yic colnb'il tic, tzex 'och yunnalc Dios quet' an̈ israel on̈ tic tzlaj ca'ch qui c'ojl 'a on̈. Yu'uj, ax e chan e q'uinl quet' on̈. 'Icha to junxn̈ej 'anmal quilxec 'a sat. Ya'jnac can Dios sti yuj tas tzyac' 'ayn̈ yuj Cristo Jesús. Ax xo, junn̈j tzeyutj e chan pax jun tic quet' on̈.

Dt 10:19

Yuj cha, yowlal tzqui chamc'ojlej eb' chuc chon̈b'al cajn 'a qui cal, yujto chuc chon̈b'al 'ajnc que'c 'a scal eb' 'aj Egipto.

A Scarta San Pablo D'a Eb' Aj Colosas 3:11

Yuj cha, may yel'chi, toto israel on̈, mto man̈ on̈ israeloc. Wach' cab' 'ay mach 'ac'b'il circuncidar, wach' cab' 'ay mach ma'ay. Wach'xam chuc chon̈b'al, wach'xam cab'nal 'anma', mto moso to man̈ yico'oc sb'a, toxn̈ej yicn̈ej sb'a, may yel'ch jun tzo'n̈ tic. Cojxn Cristo 'ay yel'chi, yujto a 'aych 'a qui pixn junjn on̈ec.