Ez 47:18 - Chuj San Sebastian Bible

¹⁸ A smon̈jonal lum 'a stojlal 'aj tzq'uel c'u, tz'atn̈j 'a chon̈b' Haurán yet' 'a chon̈b' Damasco masnto 'a chon̈b' Tamar jun 'ay 'a sti a Mar Muerto. Tz'ejmn̈ej jun mon̈jon chi 'a sti 'a Jordán, atn jun a chi 'aych smon̈jonalc lum chon̈b' Galaad yet' lum Israel.

Chuj San Mateo Bible

¹⁸ Axo stz'acan̈il lum d'a stojolal b'aj sjavi c'u, aton tic: Tz'ec' d'a stitac lum yic chon̈ab' Haurán yed' yic Damasco. Sb'atn̈ej d'a stitac a' Jordán, aton a' chi' tz'acan̈ yaj d'a scal chon̈ab' Galaad yed' Israel, masanto sc'och d'a chon̈ab' Tamar d'a stojolal sur d'a yic a' mar Muerto.

Ez 47:18 ပူးပေါင်းရင်းမြစ်များ

Gn 13:10

'Ix 'at q'ueln Lot 'a jun niwquil span̈nil sti a Jordán masnto tzc'och 'a jun yune chon̈b' Zoar sb'i. Caw 'ay a a 'a jun niwquil pan̈n 'a'lic cha, lajn yilx 'icha Edén 'aj 'ay te 'awb'ente yic Jehová, mto 'icha yilx lum Egipto, 'ixta yilx xyil Lot. A yic 'ix sb'on win Abram strato yet' Lot cha, mantzac satl Sodoma yet' Gomorra yuj Jehová.

Gn 13:11

A jun span̈nil sti a Jordán cha, a 'ix si'cn 'el Lot. Yuj cha, 'ix c'och cajn 'a stojlal 'a 'aj tzq'uel c'u, 'ixta xyutj spojn sb'a Abram yet' Lot.

Gn 31:23

Yuj cha, ax Labán yet' smasnil eb' yican, xcot eb' 'a spatc Jacob, swacl xo c'u scoti, xyamchj to yuj eb' 'a lum tzaln 'a yol yic Galaad.

Gn 31:47

A win Labán, Jegar Sahaduta xyac' sb'ic jun lugar chi 'a sti', ax pax Jacob, Galaad xyac' sb'ic 'a sti'.

Gn 37:25

Xlajw cha, x'em wocn eb' swa'i. Ya' sb'a cha, xyiln eb' scot jun tzo'n̈ eb' ismaelita xcot 'a Galaad, 'ay perjuma, bálsamo yet' mirra 'aych 'a yib'n̈ scameyo ewinac, yic tz'at schon̈c eb' 'a Egipto.

Job 40:23

Wach'xam tzq'uib' a a 'a yol sb'e no', palta matz xiw no', toxn̈ej tz'och chel-loc a 'a sn̈i no', toc 'ay tzna no'.

Jeremías 50:19

'Oj wi'x meltzjoc eb' israel 'a slum jun 'ejm xo. 'Oj sc'ux eb' smasnil tas wach' tzc'uxxi, atn tas tzpac' 'a lum Carmelo, yet' 'a Basán. 'Oj sc'ux eb' jantc tas tznib'ej, atn tas tzpac' 'a lum jolmctac witz 'a yol yic Efraín, yet' 'a Galaad.

Ez 47:16

'a chon̈b' Berota yet' 'a chon̈b' Sibraim. A jun tzo'n̈ chon̈b' tic, ata 'ay eb' 'a snan̈l Damasco yet' chon̈b' Hamat. Tz'ec' pax lum 'a chon̈b' Hazar-haticón, jun smon̈jon sb'a yet' chon̈b' Haurán.

Jl 2:20

A eb' 'ajc'ojl tzcot 'a stojlal norte, najt 'oj wi'l eb' 'a e tz'ey, ax wa'n can 'at eb' 'a cusltac lu'um. A eb' b'ab'el, 'oj wa'cn 'at eb' 'a yojl a Mar Muerto, ax eb' tzac'an, 'oj 'atcn eb' 'a yojl a Mar Mediterráneo. 'Oj c'a sniwnal eb', ax yaj sjab'. ¡Caw satjub'tac yilx tas 'oj in b'o 'a e cal! xchi Dios.

Nm 32:1

A eb' yin̈tl Rubén yet' eb' yic Gad, til wal scajb'en noc' eb'. Yuj cha, a yic 'ix yiln eb' lum smacb'en lum chon̈b' Jazer yet' lum yic Galaad, to caw wach' yilx lu'um, wach' scajn eb' scajb'en noc' chi 'a sat lu'um.

Nm 34:10

Ax smon̈jonal 'a stojlal 'aj tzq'uel c'u, tojln̈ej s'at 'a Hazar-enán, masnto tzc'och 'a Sefam.