Ez 47:16 - Chuj San Sebastian Bible

¹⁶ 'a chon̈b' Berota yet' 'a chon̈b' Sibraim. A jun tzo'n̈ chon̈b' tic, ata 'ay eb' 'a snan̈l Damasco yet' chon̈b' Hamat. Tz'ec' pax lum 'a chon̈b' Hazar-haticón, jun smon̈jon sb'a yet' chon̈b' Haurán.

Chuj San Mateo Bible

¹⁶ Hamat, Berota yed' Sibraim, aton ay d'a scal stz'acan̈il Damasco yed' Hamat masanto sc'och d'a Hazar-haticón, aton stz'acan̈ sb'a yed' Haurán.

Ez 47:16 ပူးပေါင်းရင်းမြစ်များ

Gn 14:15

Ax 'a yic 'ac'wal, 'ix spojn 'at Abram smasnil eb' winc ajun yet' cha, 'ix ya'n eb' owl yet' chan̈wn̈ eb' rey cha. 'Ix pechx 'at eb' yuj eb', masnto 'a Hoba. A jun lugar cha, ata 'ay 'a yojltac 'at Damasco.

A Ch'an̈ Schab'l Libro Samuel 8:8

An̈jtona', caw wal niwn pax q'uen bronce, xyij 'ec' rey David 'a chon̈b' Betá yet' 'a Berotai, atn jun tzo'n̈ chon̈b' 'ay 'a yol smacb'en win rey Hadad-ezer.

A Ch'an̈ B'ab'el Libro Yic Yab'ixal Eb' Rey 8:65

A 'a jun tiempoal cha, uque c'u sna Salomón q'uin̈ yet' smasnil eb' israel 'a yojltac Jehová Dios. Caw wal niwn x'aj eb' 'anma syamn sb'a, xcotn̈j eb' 'a smon̈jonal chon̈b' Hamat, masnto 'a sti a b'eymal a yic smon̈jonal Egipto. A yic xlajw uque c'u q'uin̈ cha, 'ix schan 'el eb' yich uque xo c'u q'uin̈, yuj cha, chan̈lajn̈e c'u xyac' jun q'uin̈ chi yuj eb'.

1 Cr 18:5

'Ix jaw eb' soldado sirio 'aj Damasco colwjoc yet' Hadad-ezer cha, palta xmilx cham 22 mil eb' yuj David yet' soldado.

Is 10:9

Lajn wutjnac can chon̈b' Calno yet' Carquemis, 'ixta pax wutjnac chon̈b' Hamat yet' Arfad, an̈jtona' lajn pax wutjnac Samaria yet' Damasco.

Ez 27:18

Ax eb' 'aj Damasco, caw niwn tas tzwul sman eb' 'ayach. A tas tzya'cn eb' stojloc, atn jun tzo'n̈ yal uva tzb'o 'a chon̈b' Helbón, yet' pax jun tzo'n̈ laná tzcot 'a Sahar.

Ez 47:17

Atn jun mon̈jon tic 'ay 'a stojlal norte, jun tzcot 'a sti 'a Mar Mediterráneo masnto 'a chon̈b' Hazar-enán, ax 'a stojlal norte chi tzcan smon̈jonal chon̈b' Damasco yet' Hamat.

Ez 47:18

A smon̈jonal lum 'a stojlal 'aj tzq'uel c'u, tz'atn̈j 'a chon̈b' Haurán yet' 'a chon̈b' Damasco masnto 'a chon̈b' Tamar jun 'ay 'a sti a Mar Muerto. Tz'ejmn̈ej jun mon̈jon chi 'a sti 'a Jordán, atn jun a chi 'aych smon̈jonalc lum chon̈b' Galaad yet' lum Israel.

Ez 47:20

An̈jtona pax smon̈jonal 'a stojlal 'aj tz'em c'u, tz'atn̈j 'a sti a Mar Mediterráneo, a 'ay 'a smon̈jonal Egipto masnto 'a stojlal 'aj tz'el yich smon̈jonal lum chon̈b' Hamat.

Ez 48:1

An Jehová Yajl in, an tzwal jun tic: To a jun lum tic 'oj pojxoc 'ec' 'a junjn c'aj eb' yin̈tl Israel. 'Oj 'el yich spojx 'ec' lum 'a eb' 'a jun mon̈jon 'ay 'a stojlal norte, atn lum tzchaj 'el yich scot 'a sti a Mar Mediterráneo, tz'ec' lum 'a chon̈b' Hetlón, a 'aj tz'el yich smon̈jon chon̈b' Hamat masnto 'a chon̈b' Hazar-enán, jun tzcan 'a 'aj tzchaj 'el yich smon̈jonal chon̈b' Damasco yet' Hamat. A junjn 'in̈tal eb' israel cha, 'oj scha eb' junjn pachn̈ slum cha, 'oj cot lum 'a sti jun mon̈jon 'a stojlal 'aj tzq'uel c'u, masnto 'oj c'och lum 'a sti a Mar Mediterráneo: 'Oj b'ab'l can yic Dan, ax scan yic Aser, ax scan yic Neftalí, ax scan yic Manasés, ax scan yic Efraín, ax scan yic Rubén, ax scan yic Judá.

Am 6:14

Yuj cha, tzcham wal eyiln ax israel ex tic. A Jehová Dios tztac' yuj smasnil, a tzaln 'ixtic: 'Oj in chec cot junc nacion̈ 'ayex yic tzwul ex satnc 'eli, tz'atn̈j 'a Hamat 'ay 'a stojlal norte, masnto tzc'och 'a a a 'aych smon̈jonalc 'a stojlal sur, xchi Dios.

Zacarías 9:2

Yuj cha, 'oj ya' cot yailal 'a yib'n̈ eb' 'aj Hamat, ata 'ay 'a stitc smacb'en Hadrac. 'Oj ya' cot pax yailal 'a yib'n̈ eb' 'aj Tiro yet' 'a eb' 'aj Sidón, wach'xam to caw jeln eb'.

Nm 13:21

'Ix syamn 'och eb' winc chi smaclni yil lum lum chi 'a lum cusltac lum yic Zin, masnto xc'och eb' 'a Rehob, 'a sla'nil xo Hamat.

Nm 34:8

Tz'atx 'a jolm witz Hor, masnto tzc'och 'a 'aj tzon̈ 'ochch 'a Hamat, tz'atxi, masnto tzc'och 'a Zedad.

A Tas Sc'ulejnac Eb' Schecab' Jesús Hechos 9:2

'Ix sc'ann win jun tzo'n̈ ch'an̈ carta, yic tzyi'n 'at 'a jun tzo'n̈ scapiya eb' yit israelal 'ay 'a chon̈b' Damasco. A jun tzo'n̈ carta chi tz'a'n yopiso win syamn jantcn̈ej eb' tzya'ch snab'en 'a Jesús, eb' winac, yet' eb' 'ix. Tznib'j win tzyij 'at eb' 'a preso 'a Jerusalén.