Ez 47:13 - Chuj San Sebastian Bible

^13-14 'Ix yaln Jehová 'ayn 'ixtic: Atn 'a tic 'oj c'och smon̈jonal smacl lum eb' yin̈tl Israel 'oj smacloc, atn lum wa'jnac in ti wa'n 'a eb' e mam eyichm pecti'. Lajnn̈ej tzeyutj e pojn 'ec' lum 'a junjn 'in̈tal. (A eb' yin̈tl José, chac'aj lum yic eb' chi 'oj 'ajxoc.) A jun nacion̈ tic, e macl lum yaji.

Chuj San Mateo Bible

¹³ Ix yalan Jehová Yajal d'ayin icha tic: Aton stz'acan̈il lum luum ol scha' lajchave' macan̈ eb' yin̈tilal Israel smacb'enoc. (A eb' yin̈tilal vin̈aj José cha macan̈ smacb'en eb' ol yic'a'.

Ez 47:13 ပူးပေါင်းရင်းမြစ်များ

Gn 48:5

Yuj cha, a wal chawn̈ onnal tic x'alj 'a Egipto yic mantzac in jaw 'a tic, wic xon yaj ewinac, 'icha to wunnal tz'ajcn eb', 'icha wal yaj win Rubén yet' win Simeón.

Gn 49:26

A smasnil jun tzo'n̈ wach' paxti tzwalcn 'el 'a eb'n̈ tic, an a mamn tic, yel xo niwn yel'ch tas tzwalcn 'ayach, 'a yib'n̈ wach' paxti yaljnac in mam 'a wib'an̈. A smasnil jun tzo'n̈ tic tzwalcn 'el 'a eb'n̈ José, yel xo niwn yel'ch 'a yib'n̈ smasnil tas tzyac' lum jolmctac witz, eb' lum 'ayc' xon 'a yic pecti', caw sic'b'ilch 'el 'a scal eb' o'tac tic.

1 Cr 5:1

A Rubén, atn win sb'ab'l 'unnal Israel, ax eb' yunnal: atn Hanoc, Falú, Hezrón yet' Carmi. Palta a Rubén ma'ix yij smacl yic sb'ab'l 'unnab'ilal, yujn̈ej to syam cot win yistzil smam. A jun smacl yic sb'ab'l 'unnab'ilal cha, ata x'ajx can 'a eb' yunnal José, atn junx win yunnal pax Israel cha. A yic xb'ey tiempo, a Judá caw niwn yel'ch 'ix 'aj 'a yib'n̈ eb' yu'tac, yujto a 'a x'elt jun yajal, palta ax jun macl yic b'ab'l 'unnab'ilal cha, a 'a José, ata 'aycni.

Jeremías 3:18

A 'a yic jun c'u cha, junxn̈ej 'oj yutc sb'a chon̈b' Judá yet' chon̈b' Israel. Junxn̈ej 'oj eyaj e meltzj cot 'a jun nacion̈ 'ay 'a stojlal norte, ax e jaw cajn 'a lum lum wa'jnac smacloc eb' e mam eyicham.

Jeremías 31:1

A Jehová, a tzaln 'ixtic: A wal 'a yic jun tiempoal 'oj jawc cha, an wal caw 'oj woch sDiosalc junjn macn̈ eb' yin̈tl Israel, a eb' 'oj 'ochcn in chon̈b'oc.

Ez 48:1

An Jehová Yajl in, an tzwal jun tic: To a jun lum tic 'oj pojxoc 'ec' 'a junjn c'aj eb' yin̈tl Israel. 'Oj 'el yich spojx 'ec' lum 'a eb' 'a jun mon̈jon 'ay 'a stojlal norte, atn lum tzchaj 'el yich scot 'a sti a Mar Mediterráneo, tz'ec' lum 'a chon̈b' Hetlón, a 'aj tz'el yich smon̈jon chon̈b' Hamat masnto 'a chon̈b' Hazar-enán, jun tzcan 'a 'aj tzchaj 'el yich smon̈jonal chon̈b' Damasco yet' Hamat. A junjn 'in̈tal eb' israel cha, 'oj scha eb' junjn pachn̈ slum cha, 'oj cot lum 'a sti jun mon̈jon 'a stojlal 'aj tzq'uel c'u, masnto 'oj c'och lum 'a sti a Mar Mediterráneo: 'Oj b'ab'l can yic Dan, ax scan yic Aser, ax scan yic Neftalí, ax scan yic Manasés, ax scan yic Efraín, ax scan yic Rubén, ax scan yic Judá.

Ez 48:29

An Jehová in, an tzwala, to a jun lum tic tzpojx 'ec' 'a eb' yin̈tl Israel, c'ajquixtac tz'aj lum spojx 'eq'ui.

Nm 34:1

'Ix yaln pax Jehová 'ixtc 'a Moisés:

Josué 16:4

Atn lum tic schaj eb' yic Manasés yet' eb' yic Efraín smacl lumoc, atn eb' yin̈tl can José.

Josué 17:1

Atn lum lum tic 'ix yij can eb' yin̈tl Manasés, win sb'ab'l 'unnal José. A eb' yic can Maquir, sb'ab'l 'unnal Manasés, atn smam eb' 'aj Galaad. A eb' 'ix 'i'n can lum slum Galaad cha, yet' lum yic Basán 'a stojlal 'aj tzq'uel c'u 'a a Jordán yujto caw jeln eb' ya'n owal.